အမှောင်ထုအား အလင်းပေးခြင်း
လင်းလော့ချွမ်စီစဥ်ပေးထားသည့် လူနာဆောင်နေရာသည် အဆင်မြင့်တည်ဆောက်ထားသည့်သီးသန့်အခန်းအသေးစားမျိုးဖြစ်ကာ ပတ်ဝန်းကျင်တစ်ခုလုံးလည်း အေးချမ်းပြီးတိတ်ဆိတ်လှသည်။
လေညှင်းပန်းပင်ကြီးများက ခြံဝန်းအပြင်ဘက်တွင်စိုက်ပျိုးထားပြီး ဆောင်းဦးရာသီပွဲတော်လဖြစ်သည့်အလျောက် လေညှင်းပန်းများ အပြင်အဆိုင်ပွင့်လန်းရာအချိန်ကာလလည်းဖြစ်နေ၏။
လင်းလော့ချွမ်က သူ၏ပစ္စည်းများကိုသယ်လာပြီး ဝေ့ရှီ၏ဘေးအခန်းတွင် ကိုယ်တိုင်လာရောက်နေထိုင်၏။ဝေ့ရှီအခန်းထဲရှိ ကုတင်ပိုတစ်ခုအား ရူဖေးအတွက်ပေးထားပြီး ချီမော့က နေ့တိုင်း ဝေ့ရှီ၏အခြေအနေကိုလာရောက်ကြည့်ရှုပေး၏။
လင်းလော့ချွမ်က အကောင်းဆုံးသောသမားတော်များကို ပင့်ဖိတ်ခေါ်ပြီး အကောင်းဆုံးသောအရာများအားလုံးအတွက် လိုလေသေးမရှိအောင်ကို ဖြည့်ဆည်းဆောင်ရွက်ပေး၏။တစ်ခုတည်းသာ...သူမ ဘယ်နေ့ဘယ်ချိန်တွင် ပြန်လည်ကောင်းမွန်လာနိုင်သည်ကိုတော့ ဘယ်သူတစ်ဦးတစ်ယောက်ကမှ အာမမခံနိုင်ကြပေ။
ဤတိုက်ပွဲကြီးက အဆုံးကိုမမြင်နိုင်လောက်တော့သည်အထိ ရှည်လျားနိုင်ကာ စောင့်ကြိုနေသည့်အဆုံးသတ်ဆိုသည့်အရာကလည်း ခက်ခဲစွာတည်ဆောက်ထားရသာမျှော်လင့်ချက်များပျက်သုဥ်းခြင်းဆီသို့ပင်။
ရာသီဥတုကောင်းသည့်နေ့ရက်မျိုးတွင် လင်းလော့ချွမ်က ဝေ့ရှီကို ဝှီးချဲပေါ်တင်ပြီး နေပူစာလုံရန် တွန်းခေါ်သွားတတ်သည်။ဝေ့ရှီ၏အခြေအနေက ယခင်အတိုင်း မလှုပ်မယှက် ပြန်လည်းမပြောနားလည်းမထောင်ဆဲဖြစ်ပြီး သူမ၏ကိုယ်ပိုင်သီးသန့်ကမ္ဘာငယ်တစ်ခုတည်းတွင် ကိုယ့်ကိုကိုယ်ပိတ်လှောင်ထားတော့၏။ဟုတ်ပါ၏...ထိခိုက်နာကျင်မှုများနှင့်ဝေးရာတွင် စည်းတစ်ခုခြားနားလိုက်ပြီး မည်သူကို့မှထိုစည်းကို ဖြတ်ကျော်လာခွင့်မပြုတော့၏။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။