မိန်းမလှလေးများ၏ မြို့တော်
နောက်တစ်နေ့ စာချုပ်လွှဲပြောင်းလက်မှတ်ထိုးသည့်အချိန်တွင် ရွမ်ရှောက်နန်က လိုက်မလာ၊ သူ၏လက်ထောက် ဝမ်တုန်းရန်နှင့် ဘော်ဒီဂတ်အချို့ကို ဝေ့ရှီအား ရှေ့နေရုံးသို့ဘေးကင်းစွာလိုက်ပို့ပေးရန်သာ ညွှန်ကြားလိုက်၏။ရွမ်ရှောက်နန်က သူကိုယ်တိုင် လုမိသားစုမှလူများကိုမြင်လိုက်၍ ကိုယ်တိုင်ချထားသည့်ဆုံးဖြတ်ချက်ကိုပြင်မိသွားမည်ကိုစိုးရိမ်နေမှန်း ဝေ့ရှီနားလည်ပါ၏။
ပိုင်ဆိုင်မှုလွှဲပြောင်းသည့်ကိစ္စရပ်တစ်ခုလုံးက ထင်ထားသည်ထက် ချောချောမွေ့မွေ့ပြီးမြှောက်သွား၏။တာဝန်ရှိသူနှစ်ဖက်စလုံးက ဖိုင်အချို့နှင့်စာရွက်စာတမ်းအချို့ကို လက်မှတ်ထိုးပေးရုံကလွဲ၍ ကျန်ကိစ္စအသေးအဖွဲများကို ရှေ့နေများကဆောင်ရွက်ပေး၏။
လုဇစ်ရွှိ က ဝှီးချဲပေါ်တွင်ထိုင်ရင်း အဆက်မပြတ်နီးပါးကိုချောင်းဆိုးနေကာ မတွေ့ရသည့်ရက်အနည်းငယ်အတွင်း၌ ရောဂါကြောင့် အတော်လေးပိန်လှီချောင်ကျနေ၏။ဘယ်လိုပဲကြည့်ကြည့် အသက်ရှင်ရမယ့်အချိန်က သိပ်မကျန်တော့မှန်း သိသာနေ၏။
နှစ်ဖက်စလုံး အသီးသီးကိုယ်စီလက်မှတ်ထိုးပြီးသည်နှင့် ရှေ့နေများဖြင့် လိုအပ်သည်များကိုစကားဖလှယ်ကြကာ အောက်ထပ်သို့ဆင်းလာ၏။တံခါးဝသို့ရောက်နှင့် လမ်းခွဲကြရတော့မည်ဖြစ်ကာ လုဇစ်ရွှိက ဝေ့ရှီ၏လက်ကို ရုတ်တရက်ဆုတ်ကိုင်လာပြီး
"ဝေ့ရှီ...ကလေးနှစ်ယောက်ကို နောက်ဆိုရင်...."
စကားပင် ဆုံးအောင်မပြောရသေး ဝမ်တုန်းရန်၏အချက်ပြမှုကြောင့် ဘော်ဒီဂတ်များက ရှေ့မှပိတ်ရပ်လိုက်၏။
လုဇစ်ရွှိက ဝှီးချဲပေါ်တွင်ထိုင်နေရင်းက အသက်ကိုတစ်ချက်ပြီးတစ်ချက်ရှိုက်၍ရှုလာသဖြင့် အိမ်အကူအမျိုးသမီးက လွယ်အိတ်ထဲအသင့်ပါလာသည့်ဆေးဘူးကိုထုတ်ပြီး ပေးလိုက်မှသာ ဖြည်းဖြည်းချင်းအသက်ရှူသံမှန်လာ၏။
ဝေ့ရှီက ထိုအချင်းအရာကိုဆက်ပြီးကြည့်မနေချင်တော့သဖြင့် ဝမ်တုန်းရန်ဘက်သို့လှည့်ပြီး
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။