'နင်'ဆိုတာ ထပ်ပြီးမရှိ
ရွမ်ရှောက်နန်က စာကြည့်ခန်းအတွင်းသို့ဝင်လာခဲ့ပြီး တံခါးကိုလော့ခ်ချလိုက်သည်။ထို့နောက် ထိုင်ခုံပေါ်တွင်ထိုင်လိုက်ပြီး လက်ထဲတွင်ကိုင်ထားသည့် ဗလာကျင်းနေသောဆေးဘူးကို ငုံ့ကြည့်လိုက်၏။သူ့ထံတွင် တားမြစ်လိုက်ဖို့ရာ အခွင့်အရေးရှိနေခဲ့သည့်တိုင် သူမလုပ်ခဲ့။ သူ၏တစ်ကိုယ်ကောင်းဆန်သည့်အတွေးများက သူမက အရာအားလုံးကိုမေ့ပျောက်သွားပြီး နောက်တစ်ကြိမ်အသစ်တဖန်ပြန်စနိုင်ဖို့ရာသာ တွေးနေခဲ့ခြင်း။သို့သော် 'အထက်ကောင်းကင်နတ်မင်းများစောင့်ကြည့်နေသည်'ဆိုသည့်စကားအား သူမေ့လျော့သွားခဲ့သည်။အထက်ကောင်းကင်နတ်မင်းကြီးက သူ့အား ပိုက်ကွန်ချထောင်ဖမ်းလိုက်သဖြင့် လွတ်မြောက်ဖို့ရာမဖြစ်နိုင်တော့၏။
သူမက နောက်ဆုံးတွင် ဤဆေးလုံးများကြောင့် သေရတော့မည်ဖြစ်ပြီး သူကိုယ်၌က တစ်စက်ကလေးမျှမရိပ်မိခဲ့ဘဲ အခြေအနေများအားလုံးကို ကြည့်နေခဲ့မိသည်။
နှလုံးသားကို တဆစ်ဆစ်နဲ့ထိုးဆွနေသည့်နာကျင်မှု! သူထပ်ပြီး မတွေးချင်တော့ကာ အံဆွဲကိုဖွင့်ပြီး ပြောင်လက်နေသည့်ပစ်စတိုတစ်လက်ကို ထုတ်ယူလိုက်၏။ဝေ့ရှီ၏မျက်ဝန်းများထဲတွင်ရှိနေသည့်တည်ငြိမ်အေးချမ်းခြင်းများနှင့်ထပ်တူညီနေသည့် သူ၏မျက်ဝန်းများက သေစေနိုင်သောလက်နက်ကိုစိုက်ကြည့်နေ၏။သူ၏စိတ်ဝိဥာဥ်က ခန္ဓာကိုယ်အထဲမှ လွင့်ပျံသွားပြီး ရွှေဝါရောင်များလွှမ်းနေသည့် နွေးထွေးသောအဝေးတစ်နေရာမှအတိတ်ဆီသို့ ပြန်သွားခဲ့လေသည်။
ကြည်လင်နေသောကောင်းကင်ကြီးအောက် မေပယ်ပင်များပြည့်နှက်ရာတောင်ကုန်း ဆောင်းဦးရာသီ၏လေညှင်းက ညနေခင်းဆည်းဆာအချိန်တွင် ခြံဝန်းလေးအတွင်း တိတ်တဆိတ်ဖြတ်လျှောက်သွားခဲ့၏။သူက အဖြူရောင်ရှပ်အကျီကိုဝတ်ထားပြီး ဆောင်းဦးရာသီညနေခင်းဆည်းဆာအောက်ရှိ အဝေးတစ်နေရာတွင်ရပ်နေသည့် သူမက တဖြည်းဖြည်းလေး သေးသေးသွားပြီး နှစ်ယောက်သားစတွေ့ခဲ့ကြသည့် ဆယ့်လေးနှစ်အရွယ်အထိရောက်သွားခဲ့သည်ကို လှမ်းကြည့်နေခဲ့သည်။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။