လင်းလော့ချွမ်က ဤအထိဖတ်လာခဲ့ပြီး ခေါင်းကိုမော့ကာ ပြတင်းပေါက် အပြင်ဘက်ရှိနေရောင်ခြည်ကို လှမ်းကြည့်လိုက်၏။ယနေ့၏ ရာသီဥတုက အတော်လေးကိုသာယာနေခဲ့သည်။
သို့သော် ဝေ့ရှီထွက်လာခဲ့သည့်အချိန်က အရှေ့ရပ်မှ အလင်းရောင်အထွက်ခင် အမှောင်ရိပ်မကုန်ဆုံးသေးသည့် မိုးသောက်ယံအချိန်တွင်ဖြစ်သည်။ဘတ်စ်ကားဂိတ်သို့လျှောက်လာရာ လမ်းတစ်လျှောက် အမှိုက်ပုံးနားတွင်စွန့်ပစ်ထားသည့် ပလပ်စတစ်ကော်ပတ်ရုပ်တစ်ခုကို တွေ့လိုက်ရ၏။တစ်ကိုယ်လုံးအဝတ်အစားမဲ့နေပြီး ခြေလက်များပြုတ်ထွက်နေကာ ခေါင်းကမြေကြီးနှင့်တစ်သားတည်းထိနေပြီး မျက်လုံးများက ဝေ့ရှီဆီသို့ စိုက်ကြည့်နေလေ၏။ဝေ့ရှီက အနားသို့လျှောက်သွားပြီး ပြုတ်ထွက်နေသည့်အပိုင်းအစတစ်ခုချင်းစီကို ပြန်ဆက်ပေးကာ သူမ၏လည်တိုင်တွင်ပတ်ထားသည့် ပိုးသားပုဝါစကိုဖြုတ်ပြီး ကော်ပတ်ရုပ်၏လည်ပင်းတွင် ပတ်ပေးလိုက်၏။
ဤအချိန်တွင် အရှေ့အရပ်မှနေလုံးကြီးထွက်လာခဲ့ပြီး နှစ်ယောက်သား၏မျက်နှာထက်ဆီသို့ အလင်းရောင်များထိတွေ့လာခဲ့သည်။ဝေ့ရှီက အရုပ်မလေး၏မျက်နှာကိုကြည့်ရင်း ခပ်ဖွဖွလေးပြုံးမိသွားကာ မျက်ဝန်းများလည်း တဖြည်းဖြည်းရဲတက်လာပြီး လက်ဟန်ဖြင့်ဆိုလိုက်၏။
"နင် အရမ်းလှတယ်...စိတ်မကောင်းမဖြစ်နဲ့နော်.."
တကယ်တော့လေ လောကကြီးမှာရှိတဲ့ ငါတို့လို ယောက်ျားလေးနဲ့မိန်းကလေးကြားက ချစ်ခြင်းမေတ္တာတွေက ဘယ်လိုပဲထပ်တူညီနေကြရင်တောင် ငါတို့မလိုချင်တဲ့ ဝမ်းနည်းခြင်းတွေ စိတ်ညစ်တွေက ပါလာရဦးမှာပဲ...စိတ်မကောင်းစရာက နင် ငါ့ကို ထပ်ပြီးနာကျင်ရအောင်လုပ်နေတုန်းပဲ အရမ်းအရမ်းကို နက်နက်ရှိုင်းရှိုင်းဖြစ်သွားတဲ့ထိကို နာကျင်စေခဲ့တာ...ဖြစ်နိုင်တာက အစကတည်းကနေအခုချိန်ထိ ကံကြမ္မာကိုအစိုးရတဲ့နတ်ဘုရားက ငါတို့နှစ်ယောက်ကို လုံးဝဂရုမစိုက်ခဲ့တာနဲ့တူတယ်...ငါတို့နှစ်ယောက် ပထမဆုံးတွေ့ခဲ့တဲ့အကြိမ်ကတည်းကနေမှာ...နင်က ရည်ရွယ်ချက်တစ်ခုနဲ့ငါ့အနားကိုရောက်လာခဲ့ပြီး ငါ့ကို အနိုင်ကျင့်ခဲ့တဲ့အတွက်ကြောင့် အထက်ကောင်းကင်နတ်မင်းကြီးက ဒီတစ်သက် ဒီတစ်ဘဝမှာ ငါတို့နှစ်ယောက်အတွက် ဆုံဆည်းပေးဖို့ ကံကြမ္မာကိုမပေးတော့ဘူးလို့ ဆုံးဖြတ်ချက်ချခဲ့တာနဲ့တူပါတယ်...
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 51
Start from the beginning