"ဒီနေ့ မင်းကို အပြင်ထွက်ဖို့လာခေါ်တဲ့အကြောင်းက မင်းကိုပေးစရာလေးရှိလို့.."
ဝေ့ရှီက အနောက်သို့တစ်ချက်ပြန်ကြည့်လိုက်လျှင် လင်းလော့ချွမ်က လှမ်းဆွဲထားသည့်လက်ကိုချက်ချင်းလွှတ်ပေးလိုက်ပြီး သော့တစ်ချောင်းကိုထုတ်၍ သူမ၏လက်ထဲထည့်ပေးလိုက်၏။
"ဒါ ကိုယ့်အိမ်သော့..မင်း အရင်တစ်ခေါက်က ရောက်ဖူးတဲ့နေရာလေ..နောက်ဆို အိမ်တံခါးဖွင့်ဖို့သော့မေ့သွားတာမျိုးရှိရင် ကိုယ့်အိမ်မှာသွားနေနေ...ညအိတ်ဝတ်စုံနဲ့ တစ်ယောက်တည်း လမ်းမပေါ်မှာလျှောက်သွားမနေနဲ့...ပြီးတော့ ဒါ.."
ပန်းထိုးထားသည့်အိတ်သေးသေးတစ်လုံးကို ထုတ်လာပြီး အိတ်ထဲမှ စာရွက်အပိုင်းအစတစ်ခုထုတ်၍ သူမဆီ လှမ်းပေးလာ၏။
ဝေ့ရှီခေါင်းငုံ့ကြည့်လိုက်ရာ စာရွက်ပေါ်ရေးထားသည့်က လင်းလော့ချွမ်၏ကုမ္ပဏီလိပ်စာ ၊ အခြားဗီလာ၏လိပ်စာ ၊ ထို့အပြင် သူ၏လက်ကိုင်ဖုန်းနံပါတ် ၊ ကုမ္ပဏီဖုန်းနံပါတ် ၊ ရုံးဖုန်းနံပါတ် စသည့် ဆက်သွယ်လို့ရမည့်နည်းလမ်းမျိုးစုံကိုရေးထား၏။ထပ်ပြီး မှတ်ချက်အနေဖြင့် အောက်ဖက်တွင် စာလုံးသေးသေးလေးများဖြင့် ရေးထားသေး၏ ; ဒီကောင်မလေးက မေ့တတ်ပြီး လမ်းပျောက်လွယ်ပါတယ်။တကယ်လို့များ လက်ခံရရှိထားရင် အုပ်ထိန်းသူကို အမြန်ဆုံးဆက်သွယ်ပေးပါ။ အုပ်ထိန်းသူဘက်က ထိုက်ထိုက်တန်တန်ကို ကျေးဇူးပြန်ဆပ်မှာပါ။ မတော်လို့များ ဒဏ်ရာအနည်းအများပါလာခဲ့ရင် အုပ်ထိန်းသူက အဆုံးထိလိုက်စုံစမ်းစစ်ဆေးမှာမလို့ အနာတရမလုပ်မိခင်သေချာစဥ်းစားစေချင်ပါတယ်။
ဝေ့ရှီက ဖတ်နေရင်း သဘောတကျထရယ်လေသည်။လင်းလော့ချွမ်က ထိုစာရွက်အပိုင်းအစကို ပန်းထိုးအိတ်ထဲသို့ပြန်ထည့်ပြီး ဝေ့ရှီ၏လည်ပင်းတွင် လွယ်ပေးလိုက်၍
"စာရွက်ကို ပလပ်စတစ်လောင်းထားပြီးသားမလို့ မိုးစိုမှာကို စိတ်ပူစရာမလိုဘူး..နောက်ဆို နေ့တိုင်းလွယ်ထား..မတော်လို့များ လမ်းပေါ်ရောက်နေတုန်း ရောဂါဟောင်းပြန်ထလာရင် ခေါင်းငုံ့ပြီးကြည့်ရင်ကို ရပြီ...မင်းကို ကူညီပေးမယ့်သူရှိမနေရင်တောင် မင်းဘာသာမင်း ကိုယ့်ကို ရှာလို့ရတယ်လေ..ထပ်ပြီး လမ်းပျောက်နေတော့မှာမဟုတ်ဘူး.."
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 43
Start from the beginning