ဝေ့ရှီက ခေါင်းကိုလက်နှစ်ဖက်ဖြင့်ဆုတ်ကိုင်ပစ်ပြီး အဖြစ်အပျက်များကိုပြန်တူးဆွနေသည့်တိုင် အိပ်မက်တစ်ခုလိုသာထင်နေမိပြီး အခြားဘာတစ်ခုမှစဥ်းစားထွက်မလာခဲ့၏။အတွေတွေအဝေဝေဖြင့် လုအိမ်တော်မှထွက်လာပြီး အများသုံးဘတ်စ်ကားဂိတ်တွင် ဘတ်စ်ကားအလာကို စောင့်နေခဲ့ရာမှ နောက်ထပ် ဘာဖြစ်သွားခဲ့သနည်း။
စဥ်းစားလို့မရတော့ပေ။မှတ်ဥာဏ်များက နှစ်ထပ်လိုလို ပုံရိပ်ယောင်လိုလိုသာဖြစ်နေ၏။
ထို့နောက် ရွမ်ရှောက်နန်နောက်သို့ ညစာစားရန်လိုက်သွားခဲ့ပြီး ထိုမှတဆင့် ကားထဲဝင်ကာ သူပေးသည့်ကုတ်အကျီကိုခြုံလိုက်ပြီးနောက် နောက်ထပ် နောက်ထပ်ရော ဘာဖြစ်သွားခဲ့သနည်း။
တစ်စုံတစ်ယောက်က သူမ၏မှတ်ဥာဏ်တချို့ကို ခဲဖျက်ဖြင့်လာဖျက်သွားသည့်အလား ဘာဆိုဘာမှမမှတ်မိတော့ပေ။
ဝေ့ရှီက လက်သည်းထိပ်များကိုကိုက်ရင်း ဒေါသများကိုဖြေလျော့နေလေ၏။ အိုလွန်းနေပြီလား?..အသက်လေးက နှစ်ဆယ်ရုံရှိသေး ဘာလို့ မေ့လွယ်နေရတာလဲ?..
အိပ်ရာထက်တွင် ဝိဥာဥ်လွင့်သလိုထိုင်နေသည့်အခိုက် ရုတ်တရက်အခန်းတံခါးပွင့်လာပြီး အခန်းပိုင်ရှင်ဝင်လာခဲ့၏။သူ၏ပုံစံက အခုမှရေချိုးပြီး ပြန်လာသည့်ပုံဖြစ်သည်။ခန္ဓာကိုယ်အောက်ပိုင်းတွင်ပတ်ထားသည့်သဘက်တစ်ထည်သာရှိပြီး ဆံပင်က ရေစက်လက်ဖြင့်စိုနေ၏။
"မနေ့ညက မင်း ကိုယ်ပူနည်းနည်းရှိနေတာကိုကြည့်ပြီး စောစောနိုးလာမယ်လို့ မထင်မိလိုက်ဘူး...နည်းနည်းထပ်အိပ်ပါဦးလား"
ရွမ်ရှောက်နန်က အဖျားကျဆေးကို ကုတင်ခေါင်းရင်းတွင်တင်လိုက်ကာ ထုံးစံအတိုင်း ခန္ဓာကိုယ်ကိုကိုင်းရင်း အသာအယာနမ်းရှိုက်လာ၏။
ဝေ့ရှီ၏မျက်နှာရှေ့တည့်တည့်တွင် သေချာလေ့ကျင့်ထားသည့်ကြွက်သားတို့နှင့်ပြည့်နေသည့်ရင်ဘတ်ကြီးက နေရာယူလာသဖြင့် မနေနိုင်ဘဲ ခေါင်းကိုလွှဲလိုက်ရာ ရွမ်ရှောက်နန်၏အနမ်းတို့က ဆံပင်စနားဆီသို့ ပြောင်းလဲထိတွေ့သလိုဖြစ်သွား၏။
YOU ARE READING
Alluring [ ဘာသာပြန် ]
רומנטיקה绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 26
Start from the beginning