ဝေ့ရှီက အောင့်သက်သက်ရယ်လိုက်ရင်း
"နင်ပြောလိုက်မှပဲ ငါက နဂါးဂူထဲဝင်သွားသလိုမျိုး မြှုပ်စရာနေရာတောင်မရှိဘဲ အချိန်မရွေးသေသွားနိုင်တဲ့ခံစားချက်ကြီးကို ခံစားလာရပြီဟ.."
"တကယ့်နဂါးဂူက နင့်နှလုံးသားထဲမှာရှိတာ..သူ့ကိုခွဲနိုင်လား သူ့အနားကနေထွက်သွားနိုင်လားလို့ ကိုယ့်ဘာကိုယ်မေးကြည့်...မခွဲနိုင်ဘူးဆိုရင် ကိုယ့်ဘာသာကိုယ် အတင်းကြီးထိန်းချုပ်ပြီးလုပ်ယူနေတာမျိုးတွေလျော့.."
ရူဖေးက နွားနို့တစ်ခွက်ကိုငဲ့လိုက်ရင်း
"ဒါနဲ့..နင်တို့က ဘာဖြစ်ကြတာလဲ"
ဝေ့ရှီက နောက်တစ်ကြိမ်သက်ပြင်းချလိုက်ပြီး
"တစ်ခွန်းတည်းနဲ့ ရှင်းပြဖို့မလုံလောက်ဘူး...အော်...ချီမော့ထွက်သွားတော့မယ့်အကြောင်း သိပြီးပြီလား"
နွားနို့သောက်နေသည့်သူက အိပ်ရာပေါ်ရောက်သွားပြီး တစ်ဖက်က မဂ္ဂဇင်းစာအုပ်ကိုကိုင်ထားရင်း
"သိပြီးပြီ...အရင်တုန်းကတည်းက သူပြောနေတာ"
ရုတ်တရက် တစ်ခုခုကိုတွေးမိသွားကာ ဝေ့ရှိကိုလှမ်းကြည့်လာပြီး
"သူ နင့်ကို လာရှာတာလား"
"လွန်ခဲ့တဲ့နှစ်ရက်က လမ်းမှာ မတော်တဆတွေ့ရင်း သူပြောပြလို့.."
ရူဖေးက ဝေ့ရှီ၏ အမူအရာကိုအကဲခတ်ကာ
"သူ...ဘယ်လိုမှ မနေဘူးလား.."
မေးခွန်းက အရမ်းကိုမှထူးဆန်းသလိုဖြစ်နေသဖြင့် ဝေ့ရှီက ရူဖေးအားလှမ်းကြည့်လာလေ၏။
"နင် ငါ့ထက််အရင် တစ်ခုခုကို ကြိုသိထားတာများရှိနေတာလား.."
"ငါ..."
ရူဖေးက စက္ကန့်ပိုင်းမျှတွေဝေနေသော်လည်း ဝေ့ရှီ၏အကြည့်များက သူမဆီမှရှောင်ဖယ်ထွက်ခြင်းမျိုးမရှိအောင် စိုက်ကြည့်နေခြင်းကြောင့် ဖုံးမကွယ်လိုတော့ဘဲ အမှန်တိုင်းဝန်ခံလိုက်၏။
"အင်း...ငါသိနေတာ..ငါတို့ ပထမဆုံးရင်းနှီးတဲ့နေကစပြီး..သူ နင့်ကိုသဘောကျနေမှန်း ငါသိနေခဲ့တာ.."
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 22
Start from the beginning