"မင်း မသိလို့..ငါဆိုတဲ့လူဆီမှာ ဝါသနာတစ်မျိုးရှိတယ်...လျှောက်သွားနေတတ်တဲ့ ခွေးပေါက်လေးတွေ ကြောင်ပေါက်လေးတွေကို သဘောကျရင်ကျသလို ကောက်ယူသွားတတ်တာလေ"
ချီမော့က သွားဖြူဖြူလေးများပေါ်အောင် ပြုံးပြ၏။နေရောင်အောက် မော်တော်ဆိုင်ကယ်ပေါ်တွင်ထိုင်ပြီး ဂျုံလိုဖြူဖွေးနေသည့်အသားအရေနှင့်ခန့်ညားသည့်မျက်နှာတို့ပါ ပေါင်းလိုက်လျှင် ကြေငြာဆိုင်းဘုတ်များပေါ်က မော်ဒယ်အလားပင် ထင်ရလောက်မည်။
"တိရိစ္ဆာန်တွေကို ချစ်လည်းမချစ်တတ်ဘဲနဲ့ ကောက်သွားပြီး ဘာလုပ်တာလဲ"
"ကောက်သွားပြီး ချက်စားတာလေ..အရသာရှိမှရှိ.."
ဝေ့ရှီက အောင့်သက်သက် ရယ်ပြလိုက်ရလေ၏။
"ဘာလုပ်နေတာလဲ.." ချီမော့ကမေး၏။
ဝေ့ရှီက ပုခုံးနှစ်ဖက်ကို တစ်ချက်ပင့်လိုက်ပြီး
"ဘယ်မှသွားစရာမရှိလို့ ဒီအတိုင်း လျှောက်သွားနေတာ.."
ချီမော့က helmet နောက်တစ်လုံးထုတ်ကာ ဝေ့ရှီဆီသို့ပစ်ပေးလိုက်၍
"ဒါဆိုအတော်ပဲ..သွားစို့..ငါ မင်းကို လေညှင်းခံဖို့ ခေါ်သွားပေးမယ်.."
>>>>>>>
ချီမော့က နေရောင်ထိုးနေသည့်ပင်လယ်ကမ်းစပ်နားတွင် ဆိုင်ကယ်ကိုရပ်လိုက်၏။ဤနေရာက ပင်လယ်ကမ်းစပ်မြို့တစ်ခုလုံးရှိ အလှဆုံးသောနေရာဆိုလည်း မမှား။
နှင်းပွင့်များနှင့်ဆင်တူလွန်းလှသည့် အဖြူဖျော့ဖျော့သဲသောင်ပြင်၊ မြစိမ်းရောင် ပင်လယ်နှင့်ကုန်းမြေထိစပ်ရာအနားသတ်များ၊ နေရောင်ကြောင့် တလက်လက်ထနေသော ပင်လယ်လှိုင်းလုံးတို့က မဂ္ဂဇင်းဓါတ်ပုံများအတွင်းမှ ခုန်ထွက်ဘာသည့်အတိုင်းပင်။
နှစ်ဦးသား ရွှေဝါရောင်ကမ်းခြေစပ်တွင်ထိုင်လျက် ပုခုံးသားချင်းထိစပ်ကာ ကိုယ်စီ အမှီသဟဲပြုရင်း မဝေးသောနေရာမှ ပင်လယ်ကြီး၏တေးသီသံကို နားထောင်နေကြ၏။
YOU ARE READING
Alluring [ ဘာသာပြန် ]
רומנטיקה绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 21
Start from the beginning