ဝေ့ရှီက ရေညှိများဖုံးလွှမ်းနှင့်နေသော လှေကားထစ်များရှေ့တွင်ရပ်ကာ အမြင့်ဆုံးတွင်ရှိနေသော ဘုရားကျောင်းတော်ကြီးကို မျှော်ကြည့်နေခဲ့၏။
သရဲတစ္ဆေ မကောင်းဆိုးဝါး နတ်ကောင်းနတ်မြတ်များကို ဘယ်သောအခါကမှ တထစ်ချယုံကြည်ခဲ့ဖူးခြင်း မရှိပါသည့်တိုင် ယခုအချိန်တွင် သူ့အတွက်ဖြင့် ရှိရှိသမျှသော နတ်ဘုရားများ အားလုံးထံသို့ လိုလိုလျားလျား ဒူးထောက်ပေးနိုင်ပါ၏။ဘယ်သောအခါကမှလည်း ဆုတောင်းစာလေးတစ်ခုတောင် မပြုခဲ့ဖူးပါသည့်တိုင် ယခုအချိန်တွင် သူ့အတွက်ဖြင့် လှေကားတစ်ထစ်ချင်းဆီတိုင်းတွင် တစ်ခါဦးချညွှတ်တွား ဆုတောင်းပေးနိုင်ပါ၏....
ရူဖေးက ဂျင်းပြုတ်ရည်တစ်ခွက်ကျိုပြီးနောက် ချီမော့ထံသို့ ပန်းကန်လုံးဖြင့် ယူလာခဲ့၏။ထို့နောက် ဝေ့ရှီ၏ နဖူးထက်သို့ လက်တင်ကြည့်လိုက်၏။ဝေ့ရှီက ပူကျစ်နေကာ အိပ်ရာထက်တွင် ပန်းသီးတစ်လုံးလိုနီရဲနေသည့်မျက်နှာဖြင့် လှဲအိပ်နေခဲ့၏။
"သူ မစဥ်းစားဘဲလျှောက်လုပ်တာကို နင်က ဒီအတိုင်းလွှတ်ထားလိုက်တယ်ပေါ့..လှေကားထစ်က ကိုးရာ ကိုးဆယ့် ကိုးထစ် ပြီးတော့ နှင်းတွေကလည်းကျနေသေးတယ်...သူ့ခန္ဓာကိုယ်က အစတည်းကမှ ကျန်းမာရေးမကောင်းပါဘူးဆိုမှ...အဲ့လှေကားထစ်တွေပေါ်မှာ သေသွားနိုင်တာကို နင် မစဥ်းစားမိဘူးလား.."
ရူဖေးက ဘေးနားတွင်ထိုင်နေသည့် ချီမော့အား အပြစ်တင်နေ၏။
ချီမော့က လက်ထဲတွင်ကိုင်ထားသည့် ဂျင်းပြုတ်ရည်ပန်းကန်ကိုငုံ့ကြည့်ကာ ဖြေးဖြေးချင်းဆိုလာ၏။
"သူ ခေါင်းမာတတ်တာကို သိရဲ့သားနဲ့...ခံစားနေရတဲ့ နာကျင်မှုတွေကို ဖောက်ထုတ်လိုက်ဖို့အတွက် လမ်းတစ်ခုလိုတယ်လေ...သူ့ကို ဇွတ်ထားနေလို့ တခြားကိစ္စတစ်မျိုးမျိုး ထလုပ်ပစ်လိုက်ရင် ဘယ်လိုလုပ်မလဲ..."
"သူ့ စာမေးပွဲကရော?.."
ချီမော့က ခေါင်းရမ်းပြရင်း
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 18
Start from the beginning