ရုတ်တရက် ပတ်ဝန်းကျင်တစ်ခုလုံးက ရုတ်ရုတ်သဲသဲဖြစ်သွားသည်ကို ခံစားမိလိုက်၏။ကန်တင်းတစ်ခုလုံးရှိ မျက်လုံးများက သူမဆီသို့ တစ်ချိန်တည်းပြေးဝင်လာကြ၏။
ခေါင်းကိုမော့ပြီး ပြဿနာ၏အရင်းအမြစ်ကို ရှာဖွေကြည့်ရတော့၏။
လင်းလော့ချွမ်။ဒီလူက အမြဲတမ်းလေပွေတစ်ခုလို သွားချင်ရာသွားပြီး လုပ်ချင်ရာလုပ်သည့်ပုံမျိုး။ကိစ္စကြီးကြီးငယ်ငယ် စိတ်အခြေအနေပေါ်မူတည်ပြီး နေထိုင်ခြင်းမျိုး။
သူမ၏ မျက်နှာချင်းဆိုင်တွင်ရပ်နေပြီး လူကြီးလူကောင်းဆန်ဆန်ပြုံးပြ၍
"ကိုယ် ထိုင်လို့ရတယ်မလား.."
မထိုင်နဲ့လို့ ပြောလို့ရလို့လား?
ဝေ့ရှီက ပတ်ဝန်းကျင်ကိုဝေ့ဝဲကြည့်လိုက်၏။အချင်းချင်းတီးတိုးပြောနေပုံအရ ဤလူအား သူတို့မှတ်မိပုံရ၏။သိလည်းသိမှာပါပင် လင်းလော့ချွမ်၏ထင်ပေါ်ကျော်ကြားမှုက ရွမ်ရှောက်နန်ထက်မနည်း။အထူးသဖြင့် ဆွဲဆောင်မှုရှိသည့်နေရာမျိုး..
ရှိရှိသမျှသော ကျောင်းသားကျောင်းသူများ၏အကြည့်ကြောင့် ဝေ့ရှီ ပို၍နေရခက်လာ၏။လင်းလော့ချွမ်က မျက်နှာချင်းဆိုင်တွင် ဝင်ထိုင်လိုက်ပြီးနောက် သူမ၏အခြေအနေက အပ်ချောင်းများပေါ် ထိုင်နေရသလိုဖြစ်လာ၏။ဇွန်းကိုင်ထားသည့်လက်က ချွေးစေးများပြန်လာကာ ခန္ဓာကိုယ်ကတောင့်တင်းပြီးခပ်တန်းတန်းဖြစ်လာ၏။ပုံစံက ချက်ချင်းအရှိန်ယူ ပြေးထွက်တော့မည့်အလား။
လင်းလော့ချွမ်က သူမ၏ရည်ရွယ်ချက်ကို ဖောက်မြင်နေသည့်အတိုင်း လေသံခပ်ပျော့ပျော့ဖြင့်ဆိုလာ၏။
"လိမ်လိမ်မာမာလေးထိုင်နေတာ အကောင်းဆုံးပဲ..မဟုတ်ရင် အခုအခြေအနေထက် ဆယ်ဆ နေရထိုင်ရခက်အောင် လုပ်ပြမယ်.."
ဝေ့ရှီက သူ့အား မှင်သေ၍လှမ်းကြည့်လိုက်၏။ဤမျှ ချောမောလှပါသည့်လူတစ်ယောက်က အဘယ်ကြောင့်မကောင်းဆိုးဝါးလိုပြုံးနေမှန်း နားမလည်နိုင်တော့ပေ။
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 17.2
Start from the beginning