ဝေ့ရှီ၏ပြတ်ပြတ်သားသားပြောလာသည့်စကားကြောင့် ရူဖေးက အနည်းငယ်အံ့သြသွားရ၏။
"ဘာလို့လဲ..."
"ဒီလောကကြီးထဲမှာ ကံတရားကအလိုလိုပြန်လည်ပြီးလက်စားချေတယ်ဆိုတာမျိုး မရှိဘူး...ထောင်ချောက်ဆင်ပြီး ထောင်ဖမ်းနေကြတာ...ကောင်မလေးသာ အသက်ရှင်လျက်သတိရလာရင် ထောင်ဒဏ်က ၃နှစ်ကနေ ၇နှစ်ထိပဲ...တကယ်လို့သာ နစ်နာသူဘက်ကသေဆုံးသွားမယ်ဆိုရင် ပြစ်မှုကကြီးသွားပြီ....ထောင်ချောက်ဆင်ထားတဲ့သူ လိုချင်တာက ထောင်ဒဏ်တွေပြစ်ဒဏ်တွေမဟုတ်ဘူး..လုဇယ်ရှီကိုအသေလိုချင်တာ...ကောင်မလေးကိုသာ အသက်ရှင်လျက်ကယ်လိုက်ရင် သူဆင်ထားတဲ့ထောင်ချောက်က အဓိပ္ပါယ်မရှိဖြစ်သွားမှာပေါ့.."
ရူဖေးက ရုတ်တရက်တစ်ခုခုကိုနားလည်သလို ကြည့်လာ၏။
"ရွမ်ရှောက်နန်...နင်သူ့ကို သံသယဝင်တာလား"
ဝေ့ရှီက ခေါင်းရမ်းပြပြီး
"သံသဝင်တာမဟုတ်ဘူး...ငါသေချာသလောက်ကိုထင်နေတာ...လုဇယ်ရှီက တကယ်ကိုလူယုတ်မာတစ်ယောက်ဆိုပေမယ့် တုံးအနေတဲ့ကောင်မျိုးမဟုတ်ဘူး..သူက လက်ရဲသလို ဦးနှောက်လည်းကောင်းတယ်...ငယ်ငယ်ကတည်းကကို တခြားသူတွေကိုယှဥ်ပြီး တက်လာခဲ့တဲ့သူမျိုး...ကြီးလာရင် ပိုတောင်တော်လာဦးမှာပဲလေ...ဘယ်လိုလုပ်ပြီး အခြားသူတစ်ယောက်ရဲ့ချောက်ချတာကို လွယ်လွယ်ခံရမှာလဲ...သူ သတိမထားမိတဲ့အချိန်မျိုးမှာတိုက်ခိုက်လိုက်တယ်ပဲထား...လုအိမ်တော်ကြီးက နှစ်တွေအကြာကြီးအာဏာစက်တွေကြီးမားနေခဲ့တာ အကူအညီပေးမယ့်သူတွေအများကြီးရှိနေမှာပဲ...သတင်းက ဘယ်လိုနည်းနဲ့မှ ဒီလိုမြန်မြန်ပျံ့သွားနိုင်မှာမဟုတ်ဘူးလေ..."
ရူဖေးက ဆက်၍
"ရွမ်ရှောက်နန်က နင့်အစ်ကိုကြီးကို လူမျိုးကိုတောင်မှ လက်ဖဝါးပေါ်တင်ပြီး ကစားနိုင်တယ်ဆိုတော့ တကယ်ကို သူကပိုအာဏာပြင်းတာပေါ့..."
"ဖြစ်နိုင်တာနောက်တစ်ခုက...ထောင်ချောက်ဆင်တဲ့သူက သူတစ်ယောက်ထဲမဟုတ်မှာကိုပဲ..."
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 10
Start from the beginning