အင်အားအလုံးအရင်းဖြင့် တိုက်ခတ်လာသည့်လေက ရုတ်တရက်ရပ်တန့်သွားခဲ့၏။ဤအဖြစ်အပျက်က ဝေ့ရှီအား လမ်းမကြီးမှဖြတ်သွားဖြတ်လာလူတစ်ယောက်လို တစ်ခဏအတွင်းမေ့ပျောက်သွားခဲ့ခြင်းလား။
ရူဖေးအနေဖြင့် ဤလုပ်ရပ်အား ရွမ်ရှောက်နန်၏လက်တုန့်ပြန်ခြင်းဟု သတ်မှတ်ပေးရမည်ဆိုလျှင် အောင်မြင်သွားလား ရှုံးနိမ့်သွားလား ဆိုသည့်အဖြေကိုတော့ သူမကိုယ်တိုင်လည်းမဖြေတတ်ပေ။
ဝေ့ရှီက ထိုသူ၏ကောလဟာလသတင်းများပေါ်တွင်လည်း ဘယ်သောအခါမှ မှတ်ချက်ပေးနေခြင်းမျိုးမရှိ စိတ်ပျက်သွားသည့်ဟန်မျိုးလည်းမရှိ ပျော်ရွှင်သွားသည့်ဟန်လည်းမရှိ။ တစ်မျိုးတည်းသာရှိနေခဲ့၏။ တီဗွီမျက်နှာပြင်ထက်တွင်ပေါ်လာသည့်သူအား တစ်စုံတရာကိုပျောက်ရှသွားခဲ့သည့်အရာတစ်ခုလို ငေးမောကြည့်နေခြင်းသာရှိ၏။
ဝေ့ရှီ၏ဤအခြေအနေကိုကြည့်ပြီး ရူဖေးအနေဖြင့် ပျော်ရမည်လော ဝမ်းနည်းရမည်လော မသဲကွဲနိုင်ခဲ့၏။
သူမအနေဖြင့် ထိုယောက်ျားက ဝေ့ရှီအတွက် ဘယ်လိုအဓိပ္ပါယ်မျိုးအထိ ရှိနေခဲ့မှန်း သိနေသောကြောင့်ပင်။သူမ၏ ငယ်ဘဝတစ်ခုစာလုံး အရွယ်ရောက်သည့်အချိန်တစ်ခုစာလုံးအတွက် အကောင်းဆုံးသော အတောက်ပဆုံးသော အမျှော်လင့်ဆုံးသော အရာဖြစ်၏။
'Alluring' ဆိုသည့်နေရာက အမည်နာမအတိုင်း စွဲလမ်းဖွယ်ကောင်းနေဆဲ။အမဂ်လာသေခြင်းကြောင့်ခွဲခွာရသည်ဖြစ်စေ မဂ်လာလက်ထပ်ခြင်းကြောင့်ဖြစ်စေ ထိုအရာများက အပြင်လောကသက်သက်တစ်ခုဖြစ်နေ၏။အပြင်ဘက်တွင် ဘယ်လိုပြောင်းလဲပြီးရိုက်ခတ်နေကြပါစေ ဤနေရာတွင် ကခုန်ပြီးသီချင်းဆိုပျော်မြူးနေဆဲ။
ရွမ်ရှောက်နန်က နဂိုကတည်းက ယခုလိုအပန်းဖြေသည့်နေရာများသို့ လာရောက်သည့်အကျင့်မျိုးမရှိသည်လည်းဖြစ်ကာ နောက်ပိုင်းတွင် သူ၏အရိပ်အယောင်အား တွေ့ပင်မတွေ့ရတော့ပေ။
လင်းလော့ချွမ်က မကြာခဏရောက်လာသည့်ဧည့်သည်တစ်ယောက်ဖြစ်ကာ ရူဖေးအား ထပ်၍အဖော်လုပ်ပေးရန်မခေါ်တော့။သို့သော် VIP Box သို့ အရက်ပို့ပေးရန်တာဝန်ရှိနေသည့်ဝေ့ရှီက ထိုလူနှင့်မှ ရှောင်လွှဲ၍မရအောင် ထိပ်တိုက်တွေ့ကြလေ၏။
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 9
Start from the beginning