Alluring [ ဘာသာပြန် ]

YOU ARE READING

Romance

绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။

#asshole #drama

Chapter 2

Start from the beginning

by xiaochong17

ဝေ့ရှီက အပြေးအလွှားဖြင့် Box No.7 ထဲသို့အတင်းအကြပ်ဝင်ရောက်လာသည့်အချိန်တွင် ရူဖေး၏နှုတ်လမ်းပေါ်တွင် သွေးစများပေနှင့်နေပြီဖြစ်သည်။တစ်စက်စက်ကျနေသည့်သွေးက ကြက်သွေးရောင်ကော်ဇော်ပေါ်သို့ဖြစ်ကာ ပါးစပ်ပေါ်ရှိသွေးစက်များပင်မကုန်စင်သေးခင် ထိုယောက်ျား၏လက်ဝါးက အားဖြင့်နောက်တစ်ချက်လွှဲရိုက်လာပြီဖြစ်၍ ရှောင်ဖယ်လိုက်ရန်ပင်အချိန်မရှိလိုက်ဘဲ အသံကျယ်ကြီးတစ်ချက်မြည်သွားခဲ့၏။

ထိုယောက်ျား၏လက်ဝါးနောက်တစ်ချက် လွှဲရိုက်လာတော့မည်ကိုမြင်လိုက်သည်နှင့် ဝေ့ရှီက မည်သည်ကိုမျှမစဥ်းစားနိုင်တော့ဘဲ ရူဖေး၏အရှေ့တွင် ဝင်ရပ်လိုက်ကာ စာကလေးငှက်ငယ်လေးကို မိခင်ငှက်မကြီးက ကာကွယ်ပေးချင်သည့်အလား။ကံမကောင်းစွာဖြင့် သူမရင်ဆိုင်နေရသည်က လေးခွနှင့်ပစ်နေသည့်ကလေးတစ်ယောက်ကိုမဟုတ် မကောင်းဆိုးဝါးဝံပုလွေအုပ်ကြီးဖြစ်၏။

ဘောဒီဂတ်နှင့်တူသည့် ထိုယောက်ျားက အနည်းငယ်အံ့သြသွားပြီးနောက် အနောက်တွင်ထိုင်နေသည့် သူ၏သူဌေးအား လှမ်းကြည့်ကာ မည်သို့ဆက်လုပ်ရမည့်အကြောင်းကို အမူအရာဖြင့်မေးမြန်းလိုက်၏။

အရပ်မြင့်သည့် ဘော်ဒီဂတ်လူထွားကြီးက ကာထားသဖြင့် အနောက်တွင်ရှိသည့်သူအား ဝေ့ရှီ ကောင်းကောင်းမမြင်ရကာ ပျင်းတိပျင်းရွဲဖြင့်ဆိုနေသည့်အသံကိုသာ ကြားလာရ၏။

"ငါပြောပါဦး လောင်ဝေ့...မင်းရဲ့ဒီနေရာမှာရှိတဲ့ မိန်းကလေးတွေက တော်တော်သတ္တိရှိကြပါလား!..တစ်ယောက်က ငါဖိတ်လာတဲ့ဧည့်သည်ကို အရက်နဲ့ပက်တယ်...တစ်ယောက်က အလွယ်ဆုံးစည်းကမ်းမျိုးကိုတောင် နားမလည်ဘဲ VIP Box ကို ဝင်ချင်သလို ဝင်ရဲတယ်...မင်းသေသေချာချာ မသွန်သင်ဘဲ အလျော့ပေးထားလို့များ သူတို့ ဒီလိုမျိုး စည်းမရှိကမ်းမရှိဖြစ်နေကြတာလား..."

အသံတစ်ခုက နောက်မှ အမြန်ဆုံးလိုက်လာပြီး

"ကျွန်တော် သင်ပြတာညံ့ဖျင်းလို့..သခင်လေးလင်းကို အပြစ်လုပ်မိသလိုဖြစ်သွားရပါပြီ..."