Unicode
တစ်နှစ်တခြား ထိုးကျလာတဲ့ ၀င်ငွေဇယားကို
ကြည့်ရင်း ငါ့ခေါင်းတွေ ထိုးကိုက်လာခဲ့တယ် ။မလွယ်ကူလိုက်တာ ~ စီးပွားရေးလောကမှာ
ပါးမရှိဘဲ တစ်ယောက်တည်း ရပ်တည်ရတာ
ငါ့အတွက် တစ်စက်ကလေးမှ မလွယ်ကူဘူး ။အရင်က ငါ မသိခဲ့တာ...ပါးရဲ့
အရှိန်အဝါကြောင့်မို့သာ ငါ့ကို
မထိရဲဖြစ်နေခဲ့ကြတယ်ဆိုတာ !ငါ အခုမှသိတယ် ။ အဲ့ဒီ့ မြေခွေးအိုကြီးတွေက
ငါ့လို လူငယ်လေးဆို အထင်အမြင်သေးတယ် ။
ထိုးနှက်ချင်တယ် ။ အဘက်ဘက်က တိုက်ခိုက်
ချင်တယ် ။ ပျော့ကွက်တွေ့ရင် ချနင်းချင်တယ် ။ဒီလိုမျိုး ကြောက်စရာကောင်းတဲ့ လောက !
ငါတစ်ယောက်တည်း ရင်ဆိုင်ခဲ့ရတာ သုံးနှစ် !အခြေအနေဟာ သိပ်ပြီး မကောင်းလှဘူး ။
ငါသာ ဆက်မထိန်းနိုင်တော့ရင် နောက်ထပ်
တစ်နှစ်အတွင်းမှာတင် ပြိုလဲသွားနိုင်တယ် ။" ရှာခိုင်းထားတဲ့ ဒီနှစ်ပိုင်းအတွင်းမှာ
နာမည်ရလာတဲ့ ကုမ္ပဏီတွေစာရင်းပါ "" Leopard ? အသစ်လား တစ်ခါမှ မကြားဖူးဘူး "
" အရင်က ဒီအတိုင်း နာမည်မရှိတဲ့ ကုမ္ပဏီပါ
နောက်ပိုင်း ဆက်ခံသူပြောင်းသွားပြီး ဒီနာမည်
အသစ်နဲ့ စျေးကွက်ကိုထိုးဖောက်လာတာ တစ်လ
အတွင်း Top 3 ထိ ရောက်အောင် လုပ်နိုင်တယ် "" Top 3 ! ! ! "
" ဟုတ်ကဲ့ အလားအလာရှိတဲ့ ကုမ္ပဏီတစ်ခုပါ "
" ပြောင်းသွားတဲ့ ဆက်ခံသူအသစ်ကို သိလား "
" ရှာလို့မရဘူး Boss တစ်ခါမှ လူရှေ့ကို
ထွက်မပြဖူးလို့ လေလိုမျိုးဖြစ်တည်မှုပါ "ရှောင်ကျန့် မျက်ခုံး ပင့်သွားတယ် ။
လေလိုမျိုးဖြစ်တည်မှု ? ဟုတ်လား ?" စိတ်၀င်စားစရာပဲ ငါ ပိုပြီး သိချင်တယ် "
" ကြိုးစားကြည့်ပါ့မယ် "
ခေါင်းညိတ်လိုက်ပြီး သွားလို့ရပြီဖြစ်ကြောင်း
အချက်ပြလိုက်တယ် ။ Leopard တဲ့လား ?Logo ကအစ မည်းနက်နေလိုက်တာ ~
ငါသိချင်တယ် ။ ဒီကျားသစ်ရဲ့ နောက်
ခြေလှမ်းတွေကို...ဒါမှလဲ ငါ သိနိုင်မယ် ။