Unicode
" ဘာလို့ သူများကို ခိုင်းတာလဲ "
"........."
" မင်း ကော်ဖီသောက်ချင်ရင်
ငါ အခု မှာပေးလို့ရတယ် သူ့ကို
သွားပြီး ဖျော်ခိုင်းစရာ မလိုဘူး "
" ဖလော်ရီနာ မဖျော်ခိုင်း..."
" သူက မင်းရဲ့အစေခံ
မဟုတ်ဘူး ဖလော်ရီနာ ! "
တင်းမာနေတဲ့ မျက်နှာထားနဲ့ ပြောလာတဲ့
ကိုက တော်တော်လေး စိတ်တိုနေပုံရတယ် ။
ပြဿနာဟာ ဒီလောက်ထိ ကြီးသွားသလား ? !
" မင်းရဲ့အိမ်မှာ မမလေးတစ်ယောက်လို
နေပြီး တွေ့သမျှ လူတိုင်းကို ခိုင်းရသလား
ငါ မသိပေမဲ့ ! ငါ့ ကုမ္ပဏီမှာတော့ မရဘူး ! "
" ကို ! ဖလော်ရီနာက..."
" ငါ့ဘ၀မှာ ဘယ်လိုလူတွေကို အမုန်းဆုံးလဲ
မင်း သိလား ? ကိုယ့်ကိုယ်ကိုယ် ဘ၀င်မြင့်ပြီး
အရာရာမှာ ထင်တိုင်းကြဲနေတဲ့ လူတွေကိုပဲ ! "
" ကို ! ! ! ပြောတာတွေ လွန်နေပြီနော် !
ဒီကိစ္စ ဒီလောက်ထိ ပြောဖို့ လိုလို့လား ? "
" စိတ်ပျက်ဖို့ကောင်းတယ် "
" ? ! "
" ငါ မင်းကို ဒီလိုမျိုး မထင်ထားဘူး "
သူ(မ)အနေနဲ့ အပြစ်ကြီးတစ်ခု
ကြူးလွန်ထားမိသလို မျက်၀န်းတွေနဲ့
အကြည့်ခံလိုက်ရလို့ ပြောစရာပါမဲ့တယ် ။
ဒီကိစ္စ သူ(မ) အမှားမှ မဟုတ်တာ !
" နောက်တစ်ခါ ကုမ္ပဏီကို မလာခဲ့နဲ့တော့ "
အံ့ဩစရာကောင်းလောက်အောင်ပဲ
သူ(မ) နှင်ထုတ်ခံလိုက်ရတာလား ?
_____________________________
တူထုချသံ သုံးချက်အဆုံးမှာ လှပတဲ့
ကျောက်မျက်ရတနာကို သူ(မ)ရတယ် ။
ငွေကြေးတော်တော်များများ
ပုံအောလိုက်ရပေမဲ့လည်း
ကို လိုချင်နေတဲ့ ရတနာကိုမှ
ကြားက ဖြတ်လုနိုင်လိုက်တာမို့
သူ(မ)စိတ်တွေကျေနပ်နေမိတယ် ။
ဒီကျောက်မျက်ရတနာက ပုံမှန် ကျောက်စိမ်းတုံး
တစ်တုံးသာဖြစ်ပေမဲ့ ကုမ္ပဏီတစ်ခုနဲ့ လက်တွဲဖို့
ဆောင်ရွက်နေတဲ့ ရှောင်ကျန့်အတွက်တော့ အဲ့
ကုမ္ပဏီရဲ့ဥက္ကဌအကြိုက်ဖြစ်နေတဲ့ ဒီကျောက်ကို
လက်ဆောင်အဖြစ်ပေးဖို့ရာ လိုအပ်နေတာပင် ။
