အသက်ကို အသက်လိုငြိတွယ်သူမယ်

Extra 2

"ဟုတ်တာပဲလေ အသက်ကလေးက မြေပြန့်နဲ့ထိတွေ့တာမှ ၂နှစ်လောက်ပဲရှိသေးတာကို ကလေးကိုတစ်ယောက်တည်း မထားခဲ့ချင်ပါဘူး"

ဟု နှုတ်ခမ်းစူစူလေးဖြင့် ပြန်ပြောလာသည့်အခါ Baeပါးလေးကို အသာလေးဆွဲဖဲ့ပစ်လိုက်မိသည်။
Baeကပါ ဤအတိုင်းပြောနေမှတော့ အနားယူမည့်ကိစ္စကို ပြန်စဥ်းစားဖို့လိုပြီဟု အလိုလိုဆုံးဖြတ်မိကာ ရှေ့ဆက်ဘာလုပ်ရမလဲဟု ရွှေ့ထားလိုက်သည့်အကွက်တွေက ဆက်တိုက်...

ဒီခေါင်းထဲပြေးလွှားနေသည့် Chessရုပ်တွေအကြောင်း Baeသိရင် နှုတ်ခမ်းစူပြီးပြောပါလိမ့်ဦးမယ်
ရှင်က တကယ့်Playerကြီးပဲ ဆိုပြီး...

💝💝◽◽◽💝💝

"ဒီနေ့ဘာအလုပ်ရှိသေးလဲ ဦးနန္ဒ"

"မရှိဘူး သားလျှံ"

"ဒါဆိုTrainingကွင်းခဏသွားလိုက်ဦးမယ် ဦးယံရဲ့သားသမီးတွေ ဘာလုပ်နေကြသလဲလို့"

ဦးနန္ဒက ခေါင်းညိတ်ပြသောကြောင့် သေနဝာ်ကိုခါးကြားမှာထိုးထည့်ကာ ထိုင်ရာမှထထွက်လာခဲ့တော့ သူ့လျှောက်လမ်းတစ်ခုလုံး Leoponတွေဟာ ခေါင်းညွတ်အရိုအသေပေးကြ၏။
စံအိမ်ရှေ့ မြက်ခင်းပြင်ကိုရောက်တော့ ၁၀ဧကနီးပါးရှိသော ခြံဝင်းကြီးကိုတစ်ချက်ဝေ့ကြည့်လိုက်မိကာ ဦးယံရဲ့အငွှေ့အသက်ကို လွမ်းဆွတ်မိသည်။

ဦးယံက Leoponရဲ့တစ်စိပ်တစ်ပိုင်းဖြစ်ခဲ့သလို Leoponတစ်ခုလုံးလည်းဖြစ်ခဲ့တာမို့ စံအိမ်ရှေ့ရေပန်းကြီးကို ကြေးရုပ်ကြီးဖြင့်အလှဆင်ထားသည်။
ထိုအရုပ်ကြီးမှာ သူတစ်ခါမြင်ဖူးခဲ့သော ဒက်ဒီတို့ငယ်ငယ်ကဓာတ်ပုံအတိုင်း၊
ဒက်ဒီကိုလက်မှာပွေ့ချီကာ ကျန်လက်တစ်ဖက်က ဦးယံ၏လက်ကိုဆွဲကိုင်ထားသော အဘိုးတို့၏ ပုံတူကြေးရုပ်ကြီးဖြစ်၏။
ထို၃ယောက်ဟာLeoponရဲ့အရှင်သခင်တွေဖြစ်သလို ဒီမြေ၊ ဒီနေရာအတွက် ရေကုန်ရေခမ်းကြိုးစားခဲ့ကြသူတွေမဟုတ်လား...

"ကိုကို နေလည်းသိပ်မကောင်းသေးဘဲနဲ့"

ရေခွက်ကလေးတစ်ခွက်ကိုင်ကာ သူ့အနားရောက်လာသည့် မိန်းကို တစ်ချက်ငုံ့ကြည့်မိတော့ ဤဒုက္ခလှလှလေးသည် သူ့ကိုမော့ကြည့်မနေခဲ့။
လွန်ခဲ့သောနှစ်ရက်က အရောင်းအဝယ်လုပ်ရင်း ခြုံခိုတိုက်ခိုက်ခံရ၍ သူ ဒဏ်ရာရခဲ့ကာ ထိုဒဏ်ရာကြောင့် ဖျားခဲ့ပေမယ့် ပြင်းပြင်းထန်ထန်ကြီးလည်းမဟုတ်။
အခုလည်း နေမကောင်းသေးတာဟုတ်ပေမယ့် လူမမာလိုလည်းလှဲမနေချင်သောကြောင့် သူမဟာ တဂျီဂျီဖြင့် နောက်ကလိုက်ပြီး ဆေးတိုက်နေ၏။