💝 Extra Part - 2 💝
◽◽◽◽◽
"ကိုကြီး အသက်ကလေးနဲ့ အစည်းအဝေးပြီးပြီလား"
Baeက သူ့အနားကပ်ထိုင်ရင်း ဂရုတစိုက်မေးလာတော့ Laptopကိုပိတ်နေရင်း ခေါင်းညိတ်ပြလိုက်သည်။
အခုနောက်ပိုင်းမှာ ဘုန်းအာဏာလျှံကို လွှတ်ထားလိုက်ပြီဖြစ်သောBaeသည် အသက်ကိုသာ သမီးလေးလို၊ တူမလေးလို ဂရုတစိုက်ယုယုယယ။
သူ့အပေါ်ကိုလည်း ဂျီမကျ၊ ရန်မလုပ်တော့ဘဲ Min Group၏ အမှုဆောင်ရှေ့နေချုပ်အဖြစ် ဆက်လက်လည်ပတ်လှုပ်ရှားနေဆဲ...
"ကိုကြီး အလုပ်နားတော့ဖို့ ကြံနေတာလား"
"ဘာဖြစ်လို့လဲ"
"ဒီရက်တွေထဲ အသက်ကလေးကို အရမ်းနေရာပေးလာတယ်လေ အလုပ်တွေလည်း အများကြီးခိုင်းလာတယ် အစည်းအဝေးတွေမှာလည်း အသက်ကို ဆုံးဖြတ်ခိုင်းနေတာ"
"ပညာသင်ပေးတဲ့သဘောပါ Baeရယ် ကလေးကအရင်ကတည်းက လက်စောင်းထက်တော့ အဆက်မပြတ်သင်ပေးမှ ပိုပြီးထက်မြက်လာမှာပေါ့ မဟုတ်ဘူးလား"
ထိုအခါ Baeက မယုံသလိုအကြည့်လေးဖြင့် မော့ကြည့်လာကာ ထိုအကြည့်တွေမှာ မကျေနပ်ခြင်းတွေပါရောယှက်နေ၍ ပေစောင်းစောင်းလေးဖြစ်နေသည်။
အနှစ်၂၀ကျော် ပေါင်းသင်းလာသူမို့ Baeသည် သူ့စိတ်သူ့သဘောကို အတော်လေးသိနေပြီဖြစ်ကာ အခုကိစ္စမှာလည်း ကိုယ့်လုပ်ရပ်ကိုထွင်းဖောက်မြင်နေရသည့်နှယ်...
ထို့ကြောင့် Baeလက်ကလေးကိုဆွဲယူကာ ခပ်တင်းတင်းလေးဖိဆုပ်ပြီး ခေါင်းညိတ်ပြလိုက်သည်။
"ဟုတ်တယ် ကိုယ်အနားယူချင်တယ် အသက်ကလေးလက်ထဲကိုပဲ စိတ်ချလက်ချနဲ့ အားလုံးထည့်ခဲ့ချင်တယ်"
"ကိုကြီးက ဘာလို့နားချင်တာလဲဟင် တကယ်ဆို အရွယ်ရှိပါသေးတယ်"
"အရွယ်ရှိသေးပေမယ့် လူငယ်တွေလောက်တော့ ဘယ်သွက်လက်တော့မလဲ ပြောမယ့်သာပြောတာပါ အသက်က သူ့မှာလုပ်ပိုင်ခွင့်တွေရှိထားတာတောင် ကိုယ့်ကိုပဲ အစစအရာရာဖွင့်ဟပြောနေကျ
ဒီကောင်မလေးကလည်း ထွက်စေချင်ပုံမရဘူး"
"ဘယ်လိုတွေပြောနေလို့လဲ ကလေးက"
"အနားယူပြီး ခရီးထွက်ချင်ထွက်ပါတဲ့ အိမ်မှာနားချင်လည်းနားပေါ့ ကုမ္ပဏီတစ်ခုလုံးကို သူ့ကိုပေးမထားခဲ့နဲ့တဲ့ Groupတစ်ခုလုံးကို စီမံခန့်ခွဲဖို့စောပါသေးတယ်တဲ့
အစ်ကို့သမီးက အကွက်ရွှေ့မြန်တယ်နော် ဒီကောင်က စရုံပဲစရသေးတယ် သူကတားနေပြီ"
YOU ARE READING
အသက်ကို အသက်လိုငြိတွယ်သူမယ်
Romanceကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...
