💝 Part - 42 💝
◽◽◽◽◽
"ကို နေနေ့ကိုကြည့်ပါဦး လိုက်သွားတာမှ တစ်ပတ်လောက်ပဲရှိသေးတယ် ဝတုတ်နေလိုက်တာများ"
မာမားက နေနေ့ပါးကိုဆွဲဖဲ့ပြီး မျက်မှောင်ကုပ်ကာပြောတော့ ပါပါးအကြည့်တွေ နေနေ့ဆီရောက်လာသည်။
ထိုအကြည့်တွေက ဆရာဝန်တစ်ယောက်က လူနာတစ်ယောက်အား ရောဂါရှာနေသည့်အကြည့်မျိုးမို့ နေ မလုံမလဲဖြစ်သွားမိသည်။
တချို့တားဆေးတွေက လူနဲ့တည့်လျှင် ဝ,လာတတ်သည်မလား…
"ပါပါး အဲ့လိုမကြည့်နဲ့ နေ ဘာမှမဖြစ်ဘူး"
"ဘယ်လိုကြည့်နေလို့လဲ"
"ပါပါးအကြည့်ကြီးက.."
မာမားဆီက ခွိခနဲရယ်သံထွက်လာတော့ နေနေသည် မျက်နှာကိုဖင်ခုထိုင်ထားချင်လောက်အောင် ရှက်သွားမိကာ နှုတ်ခမ်းလေးစူထော်ပစ်လိုက်သည်။
အိမ်ကိုမရောက်တာကြာလို့ ခဏပြန်လာကာမှ ရှမ်း နွားကြည့်သလိုကြည့်နေသော မာမားကြောင့် ဘယ်လိုနေရမှန်းမသိ။
"ကဲပါ.. ပြောပါဦး မင်္ဂလာပွဲကို ဘယ်လိုစီစဥ်ထားတယ်တဲ့လဲ"
"မသိဘူး အန်တီချစ်ခြင်းပဲစီစဥ်နေတာ ဒါနဲ့လေ ကိုကိုက ခေါင်းဆောင်ဖြစ်တော့မယ်လို့ပြောတယ် ပါပါးသိလားဟင်"
"တကယ်လား ပါပါးမသိဘူးသမီးရဲ့ ဘယ်သူပြောတာလဲ"
"အန်တီချစ်ခြင်းပြောတာပဲ ပြီးတော့ ဟိုတစ်ရက်တုန်းက နယ်မြေခေါင်းဆောင်တွေအားလုံး ဆင့်ခေါ်တယ်ဆိုလား လူတွေအများကြီး စံအိမ်ကိုရောက်လာတာ
အဲ့နေ့ကတည်းက ဦးဦးက တရားဝင်ကြေညာလိုက်တာတဲ့"
"အဲ့ဒါဆိုပိုကောင်းတာပေါ့ သမီးလည်းမြေပြန့်သွားစရာမလိုတော့ဘူး ဒါပေမယ့် သမီးရဲ့ယောက္ခမကတော့ စိတ်ဆိုးမယ်ထင်တယ်"
"ဟင်! ဘယ်သူလဲ"
"အက္ခရာလေ သူကိုယ်တိုင်က သံအမတ်ရဲ့သမီး ရှေ့နေမ.. သူ့သားကို Mafiaတစ်ယောက်အဖြစ်ခံမှာမဟုတ်ဘူး ဒီတော့ သမီးက သူတို့မိသားစုတွေကြား သိပ်ဝင်မပါနဲ့ သူတို့ဘာသာပဲ ဖြေရှင်းကြပါစေ"
"ဟုတ်"
ပါပါးက နေနေ့ခေါင်းလေးကိုပုတ်ကာ ထိုကိစ္စတွေအတွက်စိတ်မချဖြစ်နေပုံဖြင့် သက်ပြင်းတစ်ချက်ချကာ မာမားကိုလှမ်းကြည့်သည်။
မာမားကတော့ ပါပါးလို အေးဆေးစွာဖြေရှင်းမည့်သူမဟုတ်…
YOU ARE READING
အသက်ကို အသက်လိုငြိတွယ်သူမယ်
Romanceကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...
