💝 Part - 35 💝
◽◽◽◽◽
ဆေးညီလာခံကနေအပြန် ပါပါးမျက်နှာသိပ်မကောင်းသလို မာမားကတော့ ရယ်မောနေကာ နေ့ဆံပင်တွေကိုဖြီးပေးနေသည်။
နေကတော့ စာကျက်စရာတွေရှိသေးတာမို့ စာအုပ်နဲ့မျက်နှာမခွာနိုင်…
"သမီး သက်ထက်ဆီကိုသွားတော့ သားပေါက်နဲ့တွေ့ခဲ့သေးလား"
ရင်ထဲဒိန်းခနဲဖြစ်သွားပြီး ဟိုလူကြီး နေ့ကိုအနိုင်ကျင့်သည့်အကြောင်း မာမားပြန်သိနေသလားဟု မာမားကိုပြန်ကြည့်လိုက်မိသည်။
မာမားက နေ့အကြည့်ကိုသိနေသလို ရယ်ဟဟဖြင့် နေ့ခေါင်းကို ဖွဖွလေးခေါက်ကာ…
"ကိုထက်ဘုန်းလျှံက သားပေါက်နဲ့စေ့စပ်ပေးချင်လို့တဲ့ သံလွင့်ဆီဖုန်းဆက်လာတယ်"
"ဟင်!"
"အဲ့ဒါ နောက်နှစ်ရက်လောက်နေရင် သားပေါက်တို့လာကြလိမ့်မယ်"
"သမီးကိုလည်း ဘာမှမပြောဘူး ဘယ်သူကသဘောတူလို့လဲ အဲ့လူကြီးက နေ့ကိုဘာပြောထားတယ်မှတ်လဲ နောက်ခါသူ့ရှေ့ထပ်ရောက်လာရင် ကလီစာတွေထုတ်ပြီး ရောင်းစားပစ်မှာတဲ့ ဟင့်အင်း မယူချင်ပါဘူး"
"ဘယ်လို!"
"သူက နေနေ့ကိုသဘောမကျဘူးလို့ပြောတာ"
"သမီးကတော့ သဘောကျတယ်မလား"
"ဒါပေမယ့်ကြောက်တယ် အဲ့လူကြီးက ဦးဦးလိုပဲ မျက်နှာသေကြီးနဲ့ ပြောသလိုလုပ်မယ့်ရုပ်ကြီး..
မာမားရယ် နေ့ကိုအပြစ်ပေးချင်ရင်လည်း တခြားနည်းနဲ့ပေးပါ အဲ့လိုကြီးတော့မလုပ်ပါနဲ့ နေ့ကိုတကယ်သဝာ်လိမ့်မယ်"
"ဘယ်သူကသဝာ်မှာလဲ နေနေရယ် လူကြီးတွေကတောင် သဘောတူကြည်ဖြူနေကြပြီလေ"
"သိဘူး ယူရဲဘူး"
"မယူခိုင်းသေးပါဘူး စေ့စပ်ပေးမှာ"
ဘယ်လိုဆိုဆို နေ ကြောက်နေမိကာ အေးတိအေးစက်ဖြင့် စူးစူးဝါးဝါးကြည့်သွားသော သူ့မျက်လုံးတွေကိုကြောက်သည်။
နေ့ကိုတွေ့တိုင်း စိတ်ရှုပ်သွားတတ်သော၊ မျက်မှောင်ကုပ်သွားတတ်သော ထိုလူကြီးဟာ မာမားတို့ကွယ်ရာမှ လည်ပင်းညှစ်သဝာ်ပစ်ရင်ရော…
ဒါမှမဟုတ် သူ့ရဲ့ဒရုန်းတွေနဲ့…
YOU ARE READING
အသက်ကို အသက်လိုငြိတွယ်သူမယ်
Romanceကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...
