"ချစ်ခြင်းကရော"
"သူလည်းငါနဲ့လိုက်မှာ ငါပိုင်တာအဲ့ဒါလေးရှိတော့တယ် ကျန်တာသားပေါက်ကိုအကုန်ပေးခဲ့ပြီးပြီပဲ နောက်ကြောင်းပြန်လှည့်မကြည့်ချင်တော့ဘူး သူ့သဘောသူ့ဆန္ဒနဲ့ပဲ ဆက်အုပ်ချုပ်နေခဲ့လိမ့်မယ်"
"မြေပြန့်က အစ်ကို့ရဲ့ privateကျောင်းတွေနဲ့ ကာစီနိုကရော"
"မင်းလက်ထဲမှာပဲလေ မင်းကြိုက်တာလုပ်ပေါ့"
"မလုပ်ပါဘူး အစ်ကို့အပိုင်ဥစ္စာ"
"အေး.. အဲ့ဒါဆိုလည်း ငါ့အကောင့်ထဲကိုသာ လတိုင်းအပြည့်ထည့်ပေးလိုက်"
သူ ရယ်လျှက်ခေါင်းခါပြမိပြီး ဒီအဖေ၊ ဒီအစ်ကိုနဲ့ ရင်းနှီးနွေးထွေးစွာ နေချင်စိတ်ဖြစ်လာသောကြောင့် အကယ်၍ မြေပြန့်ကိုပြန်ရောက်ခဲ့လျှင် သက်ထက်အတွက်ကိုသာ ဦးစားပေးတော့မည်။
အသက်ကလေး ဒီနယ်ပယ်မှာ ကျွမ်းကျင်ခိုင်မာလာခဲ့လျှင် အဖေနဲ့အစ်ကိုဆီမှာ တစ်လတန်သည်၊ နှစ်လတန်သည် နေရမည်။
ငွေကြေးစည်းစိမ်တွေနောက် လိုက်ခဲ့ပြီးပြီမို့ ဘဝရဲ့အေးချမ်းမှုကို ရှာဖွေဖို့အချိန်ရောက်ပြီဟု သူ ထင်မိသောကြောင့်လည်း ဖြစ်၏။
💝💝◽◽◽💝💝
"မမလေး မတွေ့ရတာတောင်ကြာပြီ"
ငလျှံ့ရဲ့ပွဲဖြစ်ပေမယ့် Mineကိုလာနှုတ်ဆက်သူတွေလည်းရှိကာ သူမကတော့ Cocktailတစ်ခွက်ကိုင်ကာ ခေါင်းလေးပြန်ညိတ်ပြီးနှုတ်ဆက်၏။
Mineဟာ Leoponရဲ့တစ်ထောင့်တစ်နေရာမှာ ခမ်းနားထည်ဝါသော သူရဲကောင်းတစ်ယောက်ဖြစ်ခဲ့သူမို့ ယခုထက်ထိအရေးပါနေဆဲဖြစ်ပုံရသည်။
ရယ်မောစကားပြောနှုတ်ဆက်ကြရင်း သူမကို တရိုတသေ ခေါင်းညွတ်နှုတ်ဆက်သူတွေတောင် ရှိသေးသည်။
"သူတို့က ချင်းရွှေဟော်နယ်မြေလုပွဲတုန်းက အသက်နဲ့ပါခဲ့တဲ့လူတွေလေ"
"အင်း"
"ဟိုလူကြီးက ကချင်ပြည်နယ်နဲ့ ပြဿနာဖြစ်တုန်းက သူကခေါင်းဆောင်လေ"
သူမ ပြောသည့်နယ်မြေလုပွဲတွေ၊ ဘိန်းစစ်ပွဲတွေအကြောင်းလည်း ဘာမှမသိပေမယ့် ခေါင်းကိုသာညိတ်ပြပြီး နားထောင်နေမိသည်။
Mineကို တစ်ဦးတည်းသောသမီးလေးဖြစ်လင့်ကစား သူမရဲ့ဖေဖေက နုနုရွရွလေးမထားခဲ့မှန်း သူပိုပြီးသိလာခဲ့ကာ Mine ခေါင်းဆောင်ဖြစ်မလာသည့်အတွက် သူမဖေဖေဘယ်လောက်တောင် နှမျောလိမ့်မလဲ…
ČTEŠ
အသက်ကို အသက်လိုငြိတွယ်သူမယ်
Romanceကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...
