_ ملاحظة كتير بدأ يتابعني، أو بدأ يتابع كتاباتي بس مايعرفش مين أنـا؟
★ أنا أماني طارق، كاتبـة بدأت من زمان أوي، بس فعليا بدأت كتابة ونشر من سنة ٢٠١٧. أول عمل ليا هو على مر الزمان وحاليا في صدد كتابة عدة روايات ولكن الضوء مُسلط على « زوجة العمدة ج٢».
بدرس في كلية تجارة أنجلش جامعة القاهرة، وفي سنة رابعة حاليا وعلى نص سنة ٢٠٢٤ هتخرج💕.
بدأت رواياتي تتعرف او ناس تتابعني_ كلكم من واتباد مش برا_ برواية براثن الذئب و حُكم بعد المُرافعة حُذفت في نهاية سنة ٢٠١٧ لان اسلوب الكتاب كان فيه أغلاط( وانا بصراحة كسلت أعدل😩).
وبعض الناس بدأت تعرفني بقراءة عايزة عريس و زوجة العمدة.
٭ رواياتي بها أخطاء، سـواء أملائية، أخطاء بذكر الاسامي( لاني بنسى كتير فأحيانا وانا بكتب أنسى شخصيات جانبية اساميهم كانت إيه). وأخطاء أحيانا في كَيان الشخصيات.
* هل أنا بكره النقد؟
لا لا، بحبه بالعكس، بس مدام مش هتهني😂 فأشطا، يعني لو شخصية البطلة وحشة ومستفزة عادي ... بس بلاش أهانات شخصية ...
دايما هحب إن حد ينصحني .. سواء بِكُتب او ترشيحات( بفضل أغلبهم كتب قديمة، أو مترجمة ... او أنجلش-بقرأ كله).
بلاش واتباد ... لاني بزهق من القراءة عليه.
مصرية وحاليا عندي ٢١ سنة😌.
٭ أحيانا لما بشوف نقد ومش بيعجبني وبقول طيب ليه مكمل ما تمسح الرواية، مش برد، وده مش لاني بكره أرد، لان طبيعي الروايات يبقى فيها نقد وحش ونقد حلو.. فكوني سيبته فعادي حتى لما أرجع تاني للرواية أراجعها.. أبص للنقد وأحطها كنقطة. لذلك ماتبخلش في نقدك ... ورائيك ، لانك الوحيداللي هتخليني أبص للعيوب وأصلحها.
وشكُرا ليكم💕📚.
📚 أي سـؤال عن أي روايات قديمة حابين نتكلم ونرجعها؟
مثل: ( سجينة العقربان ... حكم بعد المرافعة، ترانيم كاذبة، قيود حريرية).
_ الروايات القادمة. كنت حابة أقول إني من سنتين كتبت ثلاث فصول من قصة «في سطوة عشقه) واللي هُما من الأساس، أبطال رواية حكم بعد المرافعة ولكن مع أختلاف الاحداث والتركيز هيكون على قصة أميمة وآسر.
القصة دي فضلت سنة تانية وتالتة جامعة عندي رغبى ملحة أخلصها كتابة بس بأجلها علشان أحسن أسلوبي وأخلصها وتنزل براحتها... هي الرواية هتكون بثنائيات كتير ... وكل الشخصيات الهامشية أبطال في الرواية عادي وعلشان كده ما كتبتش كتير منها. ولكن بإذن الله أخلص الروايات اللي واقفة وننزلها عادي.
٭ رواية آدم الجزء الثاني، المفروض هنزل ليكم الشخصيات.
وهنتكلم عن شخصية ذُكرت في المدخل بس هيكون بطل مع آدم. بس هنتكلم عنه وجهة نظري خصوصا اني لسه مفكرة ليه لأ ماأديش حقه وأطلع صوته!
_ وأخيراً. شكرا لاي حد بجد بيفكر يضيع وقته الثمين على اي كتب ليا❤️.
YOU ARE READING
زوجة العُمدة- الجزء الثاني.
Romanceتلك الأيام التي مضَّت لم تكن سوى ألمًا ينطوي بصدرها.. عينيها الزُمرتين.. ذاتَ سحرًا غنيًا، لطالما قالت بداخلها، بأن جمالها الهاديءِ سيجعلهُ لها .. وأن ما ينقصها سيأتي ليُكملها، ولكنْ لم تكن تدري، بأنها أحلامًا .. ولن يصبح فارسها ذو الخيل البيضاء مل...
