"သူတို့ဘာသာ ဘာကြီးတွေပဲဖြစ်နေနေ သမီးကိုဆွဲထည့်လို့ကတော့ နိုင်းက ငြိမ်ခံနေမှာမဟုတ်ဘူးနော် ဘယ်သူပဲဖြစ်နေနေ ဝင်ရန်ဖြစ်ပစ်မှာ"
"နိုင်းကလည်း အဲ့ဒီလူတွေက သူစိမ်းတွေမှမဟုတ်တာ"
"သူစိမ်းမဟုတ်လို့ ပိုလုပ်ရမှာပေါ့ နေနေက သူတို့မျက်စိရှေ့မှာပဲကြီးလာတာ ပြီးတော့ နိုင်း အားနေလို့ မွေးထားတဲ့ကလေးမှမဟုတ်တာ ဘယ်သူအနိုင်ကျင့်တာမှ မကြိုက်ပါဘူး"
"ကဲပါ မာမားကလည်း အဲ့ဒီနေနေကလည်း မာမားဒီနိုင်းရဲ့သမီးပဲဥစ္စာ ငြိမ်မခံပါဘူး"
"ဒါမှ ငါ့သမီး"
မာမားနဲ့နေနေ ပြေလည်ရေးရသွားပြီး လက်သီးချင်းတိုက်ပစ်လိုက်တော့ ပါပါးသည် အရှုံးပေးလိုက်သလို ဆိုဖာကိုမှီချရင်း သက်ပြင်းချ၏။
ထို့နောက် ထုံးစံအတိုင်းရေရွတ်ပြန်သည်…"ဒုက္ခလှလှရောက်တာပဲ"
💝💝◽◽◽💝💝
"ကိုမင်းနေရာ ရှိလား"
"ရှိပါတယ် ချိန်းထားတာလားရှင့်"
"မချိန်းထားဘူး ဒီအတိုင်းပဲလာတာပါ"
"အဲ့ဒါဆိုမရဘူးရှင့် အစ်ကိုလေးက စာရင်းတွေစစ်ပြီးစိတ်ဆိုးနေတယ် ညီမ သွားလည်းမပြောရဲဘူး"
အသက်ခေါင်းလေးကိုသာ ညိတ်ပြလိုက်ပြီး ရုံးခန်းအရှေ့နားက ထိုင်ခုံလေးတွေမှာထိုင်ချရင်း ကိုကြီးကိုဖုန်းခေါ်ဖို့ ဖုန်းထုတ်လိုက်သည်။
"စိတ်ပျက်ဖို့ကောင်းလိုက်တာ"
ကိုကြီးအသံစူးစူးကြီးကြားလိုက်ရ၍ ဘာဖြစ်တာလဲဟု အသက် လည်ပင်းလေးရှည်သွားပြီး မှန်တပ်ထားသောရုံးခန်းကို လှမ်းကြည့်မိ၏။
ဝန်ထမ်းတချို့လည်း အနားမှာရှိနေကာ ကိုကြီးက ဖိုင်ပါးလေးတစ်ထပ်ကိုဖွင့်ကြည့်ရင်း သုန်မှုန်နေသည်။"ပြော.. ဒီစာရင်းတွေကွာနေတာ ဘယ်သူတာဝန်ယူမှာလဲ ဟမ်! လာမစစ်ရင်ကိုမစစ်သလိုပဲ ဒီဆိုင်မှာ Accountဘယ်နှယောက်ရှိလဲ"
"၄ယောက်ပါ"
"ထွက်ခဲ့ အဲဲ့ဒီ၄ယောက်လုံး"
ဒေါသဖြစ်နေပုံရသည့် ကိုကြီးအသံကို အသက်အံ့ဩသွားမိသည်က ကိုကြီးဟာ အသက်ကွယ်ရာမှာ တခြားတစ်ယောက်လိုဖြစ်နေခဲ့သောကြောင့်။
သူဟာ အသက်နဲ့ဆို အမြဲတမ်းမချိုမချဥ်မျက်နှာမျိုး၊ စပ်ဖြဲဖြဲမျက်နှာမျိုးသာဖြစ်ပြီး သူ့ဆိုင်မှာ ဒီလိုမျိုးကြီးတဲ့လား…
YOU ARE READING
အသက်ကို အသက်လိုငြိတွယ်သူမယ်
Romanceကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...