"ဘာတွေကြံစည်နေပြန်ပြီပဲ စပ်စလူးမ.. ဒီအဖေနဲ့အမေကိုမျက်နှာပျက်အောင်မလုပ်နဲ့နော် ညည်းပဲ နေရာတကာ ကိုသားပေါက်ကိုပဲမြင်နေရတယ်ဆိုလို့ နေ့ရောညပါမြင်နေရအောင် ဖန်တီးပေးထားတာ
အခုမှဘာဖြစ်ပြန်ပြီလဲ""မဟုတ်ပါဘူး"
"တော်!.. ဘာမှမပြောနဲ့ မယူချင်ပါဘူးဆိုပြီးခေါင်းခါလည်း ညည်းကိုဖမ်းချုပ်ပြီး အတင်းပေးစားပစ်မှာတဲ့ ကိုထက်ဘုန်းလျှံအကြောင်းသိတယ်မလား"
နေနေ့အတွက် လမ်းပိတ်သွားပြီဖြစ်ကာ စိတ်ဆိုးနေသည့်မာမားကိုလည်း ပြန်မပြောရဲတော့ဘဲ နှုတ်ခမ်းလေးကိုသာ ဖိကိုက်ထားလိုက်မိတော့သည်။
မာမားဟာ ဒေါသဖြစ်လာသည့်အချိန်တွေဆို တစ်အိမ်လုံးမခံနိုင်အောင် စိတ်ဆိုးပေါက်ကွဲတတ်ကာ ထိုအချိန်တွေတိုင်း ပါပါးကချော့မှသာ စိတ်ပြေသွားတတ်သည်။
အခုအချိန်ဟာ ပါပါး ဆေးရုံကိုသွားနေသည့်အချိန်မို့ မာမားကို ရန်မစသင့်သောအချိန်ဖြစ်၏။"စာကျက်တော့"
မာမားပြန်ထွက်သွားတော့ နေ နှုတ်ခမ်းကိုက်လျက်ကျန်နေခဲ့ပြီး မကြာခင်သေရတော့မည့်လူလို ခံစားလိုက်ရ၏။
ပါပါးရဲ့ဘာသာလို သရဏဂုံတင်ထားလိုက်ရမလား…
ဒါမှမဟုတ် မာမားရဲ့ဘာသာလို ကိုယ်တော့်ရှေ့မှာ အပြစ်ဝန်ချတောင်းပန်လိုက်ရတော့မလား…💝💝◽◽◽💝💝
"ဒက်ဒီ ဟိုကောင်မလေးနဲ့ကျွန်တော် မဟုတ်ဘူးလို့ပြောနေတာကို ဘာလို့ဇွတ်လုပ်နေတာလဲ"
စိတ်တိုတိုဖြင့် သူ့လေသံတွေတင်းမာနေကာ ဒက်ဒီ့ကိုလည်း ဒီလိုမျိုးတစ်ခါမှပြန်မပြောခဲ့ဖူး။
ဒက်ဒီပြောသမျှပြီးခဲ့သည့် သူသည် ဒက်ဒီ့ကိုပြန်လည်းခံမပြောဖူးသလို ဒီလိုမျိုးလည်း ဒေါသမဖြစ်ခဲ့ဖူး…
သို့သော် အခုကိစ္စကတော့…"ဒက်ဒီလည်း ငယ်ရာကနေကြီးလာတာပဲ ဟုတ်မဟုတ် မခွဲခြားတတ်တာတော့မဖြစ်နိုင်ဘူး ဒက်ဒီတမင်လုပ်တာ"
"အင်း"
"ဘာဖြစ်လို့လဲ"
"မင်းကို တောင်ကြီးမှာနေစေချင်လို့"
ဒီစကားဟာ ဒက်ဒီပြောလိုက်တာရော ဟုတ်ရဲ့လားဟု ကယောင်ကတမ်းတွေးမိသွားသည်အထိ ဒက်ဒီ့လေသံကပြတ်သားလှသည်။
အမြဲလို တည်ငြိမ်စွာစူးရဲနေတတ်သော ဒက်ဒီ့မျက်လုံးတွေက ဘယ်လိုအရိပ်အငွှေ့မျိုးမှ စွန်းထင်းမနေတာမို့ အကဲခတ်ဖို့လည်းမလွယ်။
आप पढ़ रहे हैं
အသက်ကို အသက်လိုငြိတွယ်သူမယ်
रोमांसကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...