سعيد: كيفاه هاذي مالقيتوهاش تجبدوها من تحت لرض فاهمين
فاضل: هدن روحك دوك يلقاوها
سعيد: مخططنا يروح بلا بيها لازم نلقاوها باش نتحصلو على ورقة الملكية فاهم
فاضل: إيه عارف
دخل عندهم ڨارد ومن حالتو باينة بلي مضروب
فاضل: واش صرالك نتا
ڨارد : سيدي هجم علينا مراد القاسي وقتل كامل الرجال
سعيد : ربحت مالا هو لداها ونتوما ك****** عبد واحد غلبكم يا الكلاب
رفد سلاحو وضربو برصاصة بين عينيه
فاضل: ماشكيتش يكونو بعدو بزاف الغابة كبيرة وزيد ليل طاح
سعيد: زيد انشر رجال أكثر يحوسو في كل بلاصة
فاضل: إيه
سعيد: وكي يلقاوهم نروحو لبلاصتهم
فاضل: تتلاقا بمراد
سعيد: ايه علاش نتا خايف من ولد خوك ماعندو مايدير
فاضل: أنا نعرفو من تحت التحت ماشكيتش نقدرولو
سعيد عيط عليه
سعيد: سكر فمك نتا تان خايف من ولد خوك وهو والو مايقدر يدير شئ
............................................................
كملو يمشو حتى منار شافت كوخ صغير
منار: مراد هاوليك كوخ صغير
مراد كانت حالتو بدات تسوء وجرحو نزف بزاف شاف وين راهي تشوف لقاه كوخ صغير بصح يدبرو رواحهم فيه منار شافت فيه لقاتو بدا يدوخ من جرح وراهو متحمل
منار: هيا باش نعالجك جرحك راهو ينزف بزاف
راحو ليه دخلو لقاوه مغبر وفيه فوتاي وطابلة
فرشت منار فوتاي بفراش لقاتو فوق طابلة تكسل فيه مراد
شافت باب وحدوخر من جهة طابلة راحت ليه فتحاتو حتى تلقى كوزينة صغيرة دخلت لداخل حلت العين ساح الما عمرت في طبسي بعدما غسلاتو لقات فماك موس صغير داتو معاها ولات لمراد لقاتو حالتو ساءت ومغمض عينيه
منار: اتحمل عيشك أصلا بسبابي صار هذا شئ
طاحو دموعها
مراد: ماتبكيش حبسي دموع مابيا والو مجرد جرح
منار:كيفاه هاذي مابيك والو رصاصة دخلت فيك وتقولب عادي
مراد: ااا حطبة ماتزيديش عليها دوكا داويني
منار سكتت ماحبتش تكثر معاه الهدرة بدات خدمتها ودموعها يطيحو في سكات كي شافتو يتوجع في سكات كي نحات الرصاصة لفتلو قماشة كبيرة عليه كملت مسحت وعقمتهولو شافت فيه لقاتو يشوف فيها حتى هدرت
منار: راح جيك حمى دوكا أرقد
ناضت راح تروح حتى حكمها من يدها وطاحت فوقو وهي تخلعت
منار: وشبيك
حتى ناض من بلاصتو وتقعد وقعدها في حجرو
منار: راك مريض واش راك دير
مراد: مامسوكش يخي لكلاب هاذوك
منار: لالا دوكا اتكسل وماتهبلنيش
قرب منها باسها من جبهتها بوسة طويلة وهي مستحلية شعور وماحستش بدموع لطاحو من عينيها بعد عليها وشاف في عينيها مدمعين وحمورا رفد يدو
مسحلها دموعها
مراد: عارف انك تعذبتي معايا وعارف انو دمرتلك حياتك بصح نتي هي كلشي في حياتي اا زينة قلبي نتي تاعي وخاصة بيا ونتي عارفة هذا شئ
منار دموعها طاحو أكثر ونطقت بالغصة
منار: عارفة ونتا تان تعذبت في حياتك مع انو ماحكيتليش بصح عينيك يحكو كمية الألم لعشتو
مراد: امممممم حبسي بكا دوكا عينيك طيبتيهم وتباني بشعة كي تبكي
منار: أنا بشعة مالا
شنفت عليه وهو ضحك
مراد: لالا نتي زينة تاعي لا زينة قلبي
منار: اتكسل دوكا راح مريض جابلي ربي وزيد ماتنساش حالتنا
مراد: امممممم
منار شافت فيه وحكمتلو خدو وعينيهم في بعض
منار: راح تقتلهم ولا تسلمهم للعدالة
مراد: بابا سعيد لي قتلو وموحال نخليه هكاك
منار: مش حابة توسخ يديك بيهم مش حابة
مراد : لازم نعذبهم موحال نجوزهالهم هكاك
منار: عارفة عارفة صعيبة ليك واش رايك تعذبهم برك وتسلمهم للعدالة
مراد: امممممم نفكر واذا تحكمت في روحي
منار: هيا ترقد
منار: ترقدي معايا
منار: حمى راح جيك فليل
مراد: خبرتك ترقدي معايا دوكا معنتها ترقدي
منار فهمت بلي خشن راسو جات في راسها فكرة باش علأقل كجيه الحمى تفيق
منار: بشرط ترقد على صدري
مراد شاف لصدرها وهي فهمت نظراتو حتى تمتمت
منار: اوف منحرف
مراد سمعها وضحك
مراد: شايف كلشي وحافظ
منار: مراد خلاص اسكت ودوكا هيا نرقدو عيانة راني
تكسلت هيا وهو رقد على صدرها محضنها ومزير عليها ويشم في ريحتها لتخدرو وهي محضناتو وبيد تلعب بشعرو وهدرت في قلبها
منار: رغم كل شئ قدر جمعنا مرة ثانية بعدما خليتك لمصلحة ولدنا حبيتك ومزال نزيد نحبك يا عمري وتبقى أب ولدنا جاسر خدمتك فيها خطر علاجال باش تنتقم من قاتل خالي ولهو باباك وانا واقفة معاك عارفة انك عانيت بصح رغم كل هاذ الشئ تحملت
قربت منو باستو من راسو طاحت دمعتها مسحتها قاعدة تلعب بيديها بشعرو وتخمم ماجاهاش رقاد وهي تفكر خايفة عليه من سعيد وفاضل كشما يأذوه
مست جبهتو لقاتو سخون
عرفت الحمى جاتو ناضت
بشوي بعدت عليه جابت لما وقماشة حطتهم على جبهتو وزادت حطتلو على رقبتو
سمعاتو يهدر كلمات مش مفهومين قربت منو حتى سمعاتو مليح يقول
مراد: بابا ماتروحش عارف انو انا ضعيف كي نكون وحدي وزيد يما هاملتني وماعلابالهاش بيا
منار دمعتها طاحت قربت باستو من خدو قعدت معاه ليل كامل باش تهبطلو الحمى حتى هبطت تنهدت براحة وقرب من فوتاي بشوي تكسلت بجيهة الفوتاي هذاك شوي واسع مشي مضيق بزاف حضناتو وحطت راسو على صدرها حتى حساتو زير عليها وتمتم
مراد: ماتروحيش وتخليني نتي حياتي كلها بلابيك نموت
زادت حضناتو وطاحو دموعها ماحست روحها حتى غفات من العيا
في بلاصة خلاف:
كان قاعد في كرسي وبيرو تاعو ضلمة حتى دخل ليه
مجهول: يخي مالقاهمش
فاضل: لالا مراحش يقدر يلقاهم أصلا
مجهول: اممم مليح يخي هو مراهوش شاك فيك
فاضل: لالا مش شاك وموحال يشك فيا وانا خدام معاه نن زمان
مجهول: مليح هكذا أحسن
فاضل: ونتي وكتاه تكشف على روحك
مجهول: مزال حتى ننتقم منو وبعدا ساهل
فاضل: ومراد راح تكون ردة فعلو صعيبة كي يشوفك
مجهول: عارف مي راح نشرحلو كلش
فاضل: المهم أنو سعيد مايلقاهمش بسك رجال لدرتهم نقصتهم وحبستهم على تحواس
مجهول: خوذ حذرك
فاضل: امممممم راح ناخذ حذري بصح عارف انو مراحش يشك فيا هو علابالو حاب ورقة الملكية من مراد
مجهول: امممممم يحلم
فاضل: على كل حال أنا نروح دوكا غدوة نجيبلك أخبار ثانية
مجهول: امممممم روح
راح فاضل خرج من عندو ومجهول قاعد في كرسيه ويفكر وهدر مع نفسو
مجهول: كلشي كان مخططلو لصالحك مراد القاسي عارف انو في البداية مراحش تسامحني بصح في نهاية تسامحني والشئ لفرحان بيه متزوج ببنت خديجة وهاذي حاجة مليحة بالنسبة ليا
خرج من البيرو متجه لغرفتو لتدخلها برك تلقا تصاور تاع مراد وتاع عيلتو كلها نحا نواضرو وتكسل ورقد
جماعة رايكم في البارت وشكون تتوقعو هذا مجهول ❤️
YOU ARE READING
القاسي والبريئة (قصة جزائرية🇩🇿)
Romanceعندما يتحد القلب والعقل ياترى ماذا يحدث أول قصة لي أكتبها وأتمنى أن تنال اعجابكم ❤️
