القاسي والبريئة (قصة جزائرية🇩🇿)

✨الحلقة الثانية ✨

في الميتم:
منار: هيا لولاد ونراكم جبتلكم كادوات
جاو يجرو لولاد فرحانين وسلموا على منار 
وليد: مرسي منار شحال شابة لعبة
منار: يسلمك ياعمري
وليد:عيد ميلادي غدوة منار
منار:يو معنتها غدوة كاين حفلة هنايا
وليد: ييييييي
منار عنقاتو 
منار:راح تكون أجمل حفلة ونديرو فيها تحديات ومسابقات
وليد: متحمس متحمس
منار:مالا نخليك أنا نروح لنور باي باي وليد
وليد:باي باي منار
راحت منار لنور لتكون مسؤولة على الميتم
نور:مرحبا بيك آنسة منار شرفتينا
منار: الله يسلمك نور راني موصيتك على لولاد وفريلهم كامل واش يحتاجو
نور:أكيد مدام
منار: تفضلي هاذو دراهم وصرفيهم عليهم على واش يحتاجو
نور:شكرا مدام
في المصنع مهجور:
صوت راجل يعيط وهو يتعذب ماتسمع غير صوت رصاصة خرجت من سلاحو
مراد:ادوه وارموه للكلاب
صوت تلفون يرن
أنس: مراد ونراك كاين إجتماع لازم تحضرو
مراد: إلغيه مابقاليش في جد الإجتماع
أنس: وشبيك كشما صرا
مراد: واحد من رجال ***** سليمان حكمتو وقتلتو
أنس: علاه قتلتو لكان سييت كتر
مراد: بلع جد فمك مابقاليش نتا أصلا ماشبعتش في الضرب فيه وتشويه كل واحد راح نعذبو ونموتو ويعرفو شكون هو القاسي
كوبا عليه
مراد: مزال ماتعرفنيش يا الخا*****سليمان حسبتلك تسلك مني راح تشوف القاسي واش يدير
في سبيطار:
صوت طالوها لي كامل دارو يشوفو شكون ،شكون من غيرها منار الجابري ماتحس غير صحبتها المقربة تعيط
إيناس: أفف بسيف باش لحقتك وين كنتي طولتي يالحمارة
منار: كنت في الميتم علابيها علاه كشما صرا إيناس
إيناس: برك مدير تع المستشفى قاعد يدور على الخدامين وأنا مزية لعبتهالو من حقك تشكريني
منار: يعيي هذاك داير روحو مدير زعما وهو الله أعلم خبايا تاعو صحة الزينة كخبيتي عليا
سارة: هيا هيا نروحو نخدمو ليجي تان
منار: اوف شحال تخافي منو
( منار تخدم طبيبة أخصائية للتغذية وايناس طبيبة أخصائية للعظام)
منار: هاذا هو دوا للازم تشربيه مدام **** وداومي عليه وماتنسايش الخضرة لازم تاكليها مليح وربي يشافيك
******:يعطيك صحة بنتي
منار: أوف عييت راهي 6 مزال زوج سوايع ونخرج 😩
ماسمعت غير صوت عياط وين ممرضين وخرجت تشوف واش كاين وتلقى ممرضة مع واحد عجوزة و واحد واقف معاها
ممرضة: ماتقدريش لازم تكون ورقة صلاحيتها جديدة هاذي خلاص تاريخها لازم تعاودي الورقة
منار: واش كاين هنا
ممرضة:أنسة منار ورقتها خلاصت صلاحيتها وقلتلها ماتقدريش داوي لازم تكون صلاحيتها جديدة
راجل: بصح تقدري تجوزيها ماتنسايش لقدامك مدام فاطمة القاسي
فاطمة:خلاص معليش
منار: وشمن طبيب حبيتي تشوفي جدة
فاطمة:معليش بنتي نجي في نهار وحدوخر
منار:معليش جدة قوليلي نفريهالك
ممرضة:بصح ممنوع و
منار: روحي منا خلاصت خدمتك أنا نتكفل
فاطمة:جيت نشوف طبيب تغذية
تبسمت منار
منار: راني قدامك جدة أنا راني طبيبة في تغذية
فاطمة: صحة بنتي سبحان الله ربي قابلني بيك
منار: ارواحي معايا
في القصر:
مجد: سارة أنا مرانيش قاعد أصلا باش نوصلك دبري راسك روحي مع شوفور
سارة: بصح خويا راني حاب توصلني وشوفور داتو الجدة لسبيطار
مجد: وشمن سبيطار وشبيها
سارة: والو برك راحت لطبيب باش ينصحها في الماكلة
مجد: حصلتيني في جدك دايما لاصقة فيا
سارة : يخي ختك أنا وانت خويا نورمالمو ماترفضلي حتى طلب
مجد: قولي لخوك هذاك
سارة: هذاك أصلا كأنو مشي خونا ماعلابالوش كامل بينا
مجد: وين راكي عايشة مالا في قصرو يبقى خونا ماتنسايش ماضيه وعانى في حياتو
سارة: إيه صح يبقى خونا ربي يخليهولنا
مجد: إن شاء الله ، هيا نوصلك هيا راح تهبليني
ككانوا خارجين قابلهم مراد داخل
مراد: وين بيها
مجد: راح ندي سارة عند صحاباتها وأنا عندي اجتماع
مراد: مانحبش أنا هاذو الجياحات تخرجيلي كل تقيقة مع صحباتك
سارة: خويا لازم نروح عارضوني ماحبيتش نحشمهم
مراد يخاف على عائلتو ويحاول على قدر الامكان يحميهم من أعدائو خاصتن كعندو بزاف أعداء ومايثيق فحتى واحد
راح وخلاهم ،وهو طالع في دروج تلاقا بيماه مريم
راح ديراكت جاز عليها وكالعادة ماشافش في وجها كشغل مشي يماه حتى تهدر وتحبسو
مريم: واش وليدي حتى سلام ماتقولهاش ليماك
مراد مايحملهاش ، راهو شاد روحو كسمع كلمة يماك
مراد: علاه راكي معتبرة روحك يما واقيلا بركاي ماتتخايلي وهذي أخر مرة تهدري مع******
راح وخلاها
مريم: راح نحاول نكسبك بأي طريقة
وراحت كملت طريقها