القاسي والبريئة (قصة جزائرية🇩🇿)

✨الحلقة ثانية وعشرين ✨

منار كانت في ساحة ودور فيها وتخمم طريقة لتهرب بيها لاحظت بلي كاين لڨارد بزاف مراحش تقدر تهرب بصح هكاك خشنت راسها شافت بلاصة مضيقة في ساحة راحت ليها لاحظت بلي منعزلة مايقدروش يشوفوها لڨارد كتهرب والحيط مشي عالي معنتها تقدر تهرب واستغلت كقالتلها سمية راح عند عائلتو وراح يطول شوية راح تقولو كيفاه عرفت سمية باسكو سمعاتو في تلفون يهدر مع فاطمة معنتها استغلت الموقف ومراحش تخبر حتى سمية بلي راح تهرب باش ماتورطهاش معاها لتموت ضحية بسبابها
منار: ساعة 5 يكون كلش هادئ بقات ساعة نوجد روحي ونروح لازم
منار ماعلابالهاش واش راك يصرا فيها طاحت في وحش لحذرتها سمية بصح هيا ماتفهمش
راحت طلعت لشمبرتها وديراكت لدريسنغ وجابت ساك شوية كبير حطت فيه واش تحتاج وغلقاتو وراحت بدلت حوايجها لبست روبة  وشعرها طلقاتو
روبة 👇

راحت فتحت لباب بلعقل وخرجت بشوية وهبطت راحت لساحة وطلعت في الحيط وسوطات
منار: اوفف تمت المهمة بنجاح
كانت تمشي بلعقل خافت لڨارد يشوفوها
منار: يخاه ياربي كانو ضعت في هاذي الغابة
قاعدة تمشي وتمشي وتحوس على طريق الرئيسي مالقاتوش
منار: ياربي تبحرت واش ندير راح يطيح الظلام
في المصنع:
ماتسمعوا غير صوت واحد يعيط ويترجى
******: هو بعثني قالي نراقبك يعيشك خليني ماتقتلنيش
مراد: بلع خ****** تع فمك عقوبتك موت هاذي هيا
أنس: يا صاحبي وشبيك هكا راح يموت سيد
مراد : مانسحقش ط******* أنا
أنس: خلاص راني سكت اصلا نتا مراكش مليح
******: ماتقتلنيش عندي عايلة
مراد: كنت خممت فيها قبل
جبد سلاح وجابلو رصاصة مابين عينيه
حتى صونا تلفونو ورفد
ڨارد : س س ي د ي م د ا م ( سيدي مدام)
مراد : اهدر يا****** ماتنوضليش لع******
ڨارد : مدام هربت سيدي
مراد كسمعوا الجنون دارو بيه الكراسا لقدامو كسرهم
مراد وهو يعيط: كيفاه هربت ياط***** مافيكم حتى فايدة ياالكلاب درتكم تعسو ولا ت****** اليوم موتكم كامل على يدي
كوبا عليه أنس وخاف منو كشافو بهاذي الحالة اصلا كجا عندو جا مقلق
أنس: واش صرا مراد
مراد: هاذيك خ***** هربت هربت مني اليوم ن****** اليوم موتها على يدي
أنس: ماتتهورش مراد ماتنسايش هيا ورقة رابحة لينا كشما ديرلها يروح كلش
مراد راح وخلاه وأنس لحقو. وركبو في طونوبيل
في القصر:
سمية: ياربي يا منار واش داك تهربي واش داك
منار كانت تمشي في الغابة وتبحرت ماعرفتش وشمن جهة تروح حتى ظلام طاح
منار: ياربي نخاف ظلمة لازم نلحق لطريق رئيسي ويحبسلي كاش واحد يعاوني
مراد لحق للقصر راح عند لڨارد وقتل واحد منهم
مراد وهو يعيط: ماتلقاوهاس مصيركم كيما هاذا فاهمين نقتلكم ونرميكم للكلاب
لڨارد خافو بزاف ويترعدو
أنس: هدن روحك مراد ماتقلقش روحك
مراد: كيفاه نتهدن قولي خ***** هاربة وتقولي اتهدن كهي كباباها ط*****
حتى عيط لسمية
مراد: نتي جدك وظفتك عليها واش كنتي ديري كهربت
سمية وهي خايفة: سمحلي بوص غفلتني وراحت
جا مراد يقتلها حتى حكمو أنس
أنس: هبلت نتا كلش تعاملو بالقتيلة والعنف ماعندها حتى ذنب علاه تقتلها
مراد هبط سلاح وخرج راح ركب طونوبلتو
مراد: استناي نلقاك راكي نوضتيلي وحش تاعي ماحبيتش نأذيك بصح وصلتيها
منار حبست في نص الغابة وشربت الما حتى تشوف ضواوي من جهة الغابة فماك عرفت بلي لحقت لطريق الرئيسي
منار:اوفف وأخيراً
راحت لحقت لطريق رئيسي قاعدة تحاول تحكم طونوبيل توصلها بصح والو وحدة ماحبستلها
منار: افف علاش هكا احبسو
حتى تحبس طونوبيل كحلة وشاعل ضو ماقدرتش تشوف شكون حتى هبط وتصدمت