بعدما كملت منار خدمتها عارضتها إيناس لدارهم باش تتعشى وراحت معاها وعيطت ليماها خبرتها بلي عارضوها باش ماتتقلقش عليها قعدت عندها حتى لحقت 12 نص ليل وراحت لدار كوصلت شافت طونوبيل كحلة قدام دارهم وفيها رجال وخلعت من جهة واش دير طونوبيل هاذي هنايا قدام دارهم في نص ليل راحت تمشي كوصلت لباب شافت باباها يهدر مع واحد يبان شخصية من وجهو مي يخلع من جهة مصطفى : أمرك سيدي مجهول: المهمة هاذي لازم تنجح واذا فشلتو تتڨلب عليكم وموتكم على يدي مصطفى خاف بزاف واكثرية على عيلتو دخل في متاهة بسبب طمعو ومستحيل يقدر يخرج منها مصطفى : إيه سيدي تنجح مهمة ماتخافش منار : واش كاين هنا بابا مصطفى تصدم باسكو كان حسبتلو بلث راهي في دار كيما موالفة وماتلاقاش بخديجة باس تخبرو أصلا مصطفى : مكان والو بنتي روحي لشمبرتك مجهول غزر فيها غزرة كلها إغراء ومصطفى ماحبش كامل يشوفها وخاف عليها ومنار أصلا من غزرة هذاك مارتاحتلوش ومن غزرة باباها لتقول روحي لشمبرتك راحت طلعت مجهول : اممم بنتك شابة ماكانش علابالي عندك هذا الخير كامل مصطفى : مكلاه ندخلو بنتي في هذا الشئ هي خط أحمر مجهول : ماتنساش انا المتحكم هنا وندير واش نحب فهمت ن******* مصطفى خاف ماحبش يكثر معاه هدرة والمجهول راح دخلت منار لشمبرتها وماحبتش تخمم في الموضوع بزاف دخلت عملت دوش ولبست بيجامة بيجامة 👇
Oops! This image does not follow our content guidelines. To continue publishing, please remove it or upload a different image.
وراحت رمات روحها ديراكت في سرير كانت ميتة بالعيا على ساعة 3 تع صباح تحلم راهي في ظلمة وصوت كلاب يعيطو وواحد كان فماك حتى قاعدة تمتم ....بعد بعد عليا......شكون نتا واش تسحق مني.......وصوت تاع واحد يقول.....نتي ليا وحدي ......نتي ملكي ......ديريها في بالك أنا كابوسك..... أنا كلش في حياتك .....مستحيل تكوني لغيري......تهبلي......هبلتيني منار...... حتى عيطت وناضت تستغفر وتتفكر الحلم هذا نفسو لحلماتو سمانة لفاتت وتعاودلها ناضت شربت الما وتترعد من الخوف ماعلابالهاش علاه الحلم هاذا تعاود وزيد يخوف بزاف في القصر: مراد هبط للقبو وين كاين شخص لحكمو أنس باش يعذبوه ويخلوه ينطق أنس : ضربوه الرجال وماحبش يعترف مراد: خليه عليا بطريقتي الخاصة راجل: خلوني خلوني مانعرف والو ضربو مراد طيحو من الكرسي مراد: جيبولي الحديد وتريسيتي وموس ڨارد: حاضر سيدي سيد هذاك خاف كيفاه مايخافش وهو راهو وحش القاسي مراد : خلي نلعبو معاك لعبة ونشوفو لتربح وكمية صبرك راجل: مانعرف والو اطلقوني مراد زاد ضربو مراد : ماتنوضليش م******** شكون المسؤول الاكبر عليكم راجل وهو يهدر بسيف من كثر وجهو مشوه راجل: نعرف سليمان هذا مكان مانعرفش البوص بوص مجهول ومايخليناش نشوفوه إلا شوية رجال ومنهم سليمان لشافوه اما انا نخدم عند سليمان مشي عندو أنس: نظن ماراهوش يكذب من هدرة هاذي مراد جاب موس وقطعلو صبعو ولوخر عيط عيطة راجل : ااااا والله ماراني نكذب مانعرفش شكون البوص نخدم عند سليمان اطلقني يعيشك عندي عيلة مراد : اممم كنت فكرت في عيلة قبل ماتدخل في الوسخ هذا وضربو برصاصة جابها بين عينيه تخرج وخبط الباب طلع لشمبرتو وعمل دوش وخرج ولبس شورط وعريان من فوق ، قعد في الفوتاي كاس شراب في يد وڨارو من يد لوخرا مراد : راح نكشف شكون هذا البوص مازال مايعرف القاسي شكون هو وعلابالي خ******** تع مصطفى علابالو شكون هو وراح نعذبو ابتسم ابتسامة ماتبشرش بالخير كتفكر منار وعرف نقطة ضعف مصطفى هيا بنتو و من خلالها راح يكون موتهم على يديه
