القاسي والبريئة (قصة جزائرية🇩🇿)

✨الحلقة الخامسة وعشرين ✨

في القصر:
كانت سمية قاعدة فب كوزينة وقلقانة على منار خافت لتكون ماتت ولا كشما دارلها حتى فيقها صوتو
أنس: معليش ديريلي فنجان قهوة
سمية: أوك سيدي
حطتها و فوق طابلة حتى خطرت على بالها تسقسيه على سيرة منار باسكو علابالها بلي البوص صاحبو قادر يكون علابالو
سمية: كاش أخبار على مدام منار
أنس: حكمها مراد وداها ماعلاباليش واش صرا موراها
سمية: يخي مايقتلهاش
أنس: ماشكيتش يقتلها يمكن يعذبها برك
سكتت سمية خافت كشما يصرالها علابالها بلي تعذبت في حياتها وتخطفت فجأة بلا مقدمات بسباب باباها
في بلاصة خلاف:
كان في المصنع قاعد وڨارو في يديه رفد تلفونو عيطلو
مراد: نظن نسيت بنتك
مصطفى: يخي راهي مليحة
مراد: مراكش جيبلي في الاخبار باش تكون مليحة
مصطفى: قلتلك مكان حتى تطور دوكا حتى يصرا ونقولك وبنتي ماديرلها والو فاهم
مراد: ماتفوتش حدودك معايا يا ط****** .
مصطفى: كاين اجتماع في الأسبوع الجاي على سيرة تهريب الأسلحة كيلحق نقولك كل معلومة مهم بنتي مايصرالها والو
مراد: امممممم تخبي عليا حاجة علابالك فيمن تتشوى
وكوبا عليه ديراكت
مراد: طحت في مصيبة كمسيتها هي مراهيش كيما لبنات لوخرين بصح هكاك مرانيش نادم هذا هو ليلعب معايا وتزيد جي كهي تقولي مرانيش راجل عندها زهر ماقتلتهاش وماعذبتهاش لحد الآن صابر معاها
في الفلة:
ناضت من رقاد وهبطت لتحت مسمعت حتى صوت عرفت بلي خرج تنفست براحة وراحت للكوزينة فتحت فريجيدار ولاو عينيها قلوبة كلقات باطة نوتيلا فماك داتها وراحت قعدت في صالون فوق فوتاي وقاعدة تاكل وتتبنن
منار: امممممم غير نتي لتفرحيني حالتي حالة وحياتي راحت بصح هكاك فيك مانفرطش
قعدت تاكل حتى شبعت وناضت داتها رجعتها حتى بدا يطيح ليل وخافت هيا تكره تقعد فليل وحدها بلا مايكون حتى واحد
منار: علاش راكي تحوسي على جدو وحدك خير اصلا مكان والو وزيد كاين لڨارد يا منار يخي نتي قوية
راحت طيبت بيض بالطوماطيش و سلاطة وكلات وشعلت تلفزيون وتتفرج فيلم حتى جات لقطة تع البطلة مع صحبتها وعنقتها تفكرت منار إيناس وطاحو دموعها
منار: الكلبة توحشتها مانعرف واش راهي دير
حتى مسحت دموعها
منار: تنفخو عينيا من بكا ياربي حاجة باينة كامل واش صرا فيا يتنفخو
قعدت تتفرج حتى سمعت صوت الرعد ناضت تخلعت
منار: يخاه ياربي مشي وقت شتا تصب ورعد نخاف هذا الجو
جابت غطا وغطات روحها فوق الفوتاي وقاعدة تلهي روحها بالفيلم باش ماتخافش
منار: راهي 12 طول ماجاش واش دخلني ياربي فيه علاه راني نخمم فيه ان شاء الله مايوليش كامل
قعدت تتفرج ماحست روحها حتى غفات جازت ساعة ودخل مراد فتح الباب لقاها راقدة فوق الفوتاي راح عندها ونزل على ركايبو و يشوف فيها
مراد: نتي مختلفة عليهم كامل ماعلاباليش علاه يا جرة كلسانك طويل
مسحلها على شعرها ونحالها الغطا وشوميز كانت طالعة صبر روحها ورفدها طلعها لشمبرتها وحطها وهي معنقاتو من رقبتو حتى غاس فيها وفي شفايفها تشهى يبوسها بصح خاف ينوضها ماقدرش يتحمل نزل حط شفافو على تعها وباسها بشوية وماقدرش يبعد حتى بدا يبوسها بعنف وهيا بدات تتحرك وتحس واحد يبوسها ماقدرتش تحل عينيها حطت يديها على خدو وهي أصلا مشي متفاعلة معاه ومشي مستوعبة وبدات تفيق ماحس غير بطعم دموعها ويديها ليخبطو فيه حتى بعد عليها وهو ينهج وهي مزالها غالقة عينيها حتى فتحتهم وشافت فيه حتى نطقت بصوت باكي
منار: ماتبوسنيش ماتزيدش تمسني بعدما اغتصبتني عندك وجه تزيد تبوسني راك دايرني كيما هاذوك لق
مخلاهاش تكملها وغلقلها فمها بيديه
مراد: بلعي خ**** تع فمك ماتكمليهاش نتي مراكيش كيما هاذوك ومستحيل تكوني كيما هوما فاهمة
نحا يدو وناضت بلعقل تقعدت ومسحت دموعها
منار: راك رجعتني كيما هوما دوكا راك دايرني بلي أنا أنا
مراد خلاص راح يخبط راسو يهدر ولا يقعد ماتفهمش حطبة
مراد : ماتكمليهاش يا جرة نتي مختلفة مراكيش كيما هوما فاهمة دوكا بلعي خ**** تع فمك عليا
راح ناض ودخل لدوش ومنار مست شفايفها
منار: حتى وراقدة ماخطانيش حتى باش نرتاح من جدو والو مايخطينيش وأصلا علاش جابني لشمبرتو ياربي
خرج مراد وهو لاف على وسطو ومن فوق عريان وهيا غاست في صدرو وكور تاعو حتى نطق
مراد: تقعدي غايسة فيا
منار فاقت من سرحتها ودورت وجها ونطقت
منار: ماعندك حتى حاجة تعجب باش نغيس
مراد : امممممم
راح لدريسينغ جبد سروال خفيف لبسو وخرج حتى عيطت وهو خلع وشبيها
منار: روح البس تريكو ماتقوليش راح تقعد هكا
مراد: يا***** حسبتلي كشما صرا ومع لخر علاجال خ**** تع تريكو
منار: روح بدلو
حتى عيط عليها وخافت كعيط
مراد: بلعي خ*** تع فمك انا موالف هكا نرقد مادخليش روحك ف**** فاهمة
سكتت منار خافت لكشما يديرلها وهي حالتها حالة تكسلت وغطات حتى جا يرقد قدامها
منار: لالا ماترقدش قدامي
مراد: لحد الآن راني مليح معاك مالا اغلقي فمك وخلي العبد يريح ويرقد
فات الوقت منار عيات ترقد اما مراد رقد قاعدة تتحرك ونعاس ماجهاش حتى دارت عندو وشافتو راقد في سابع نوم ماتكذبش غاست في وجهو وهو راقد كملائكة ومع هو زين تمتمت
منار: زين يهبل
طاحو دموعها ودارت للجيهة لوخرا كتفكرت بلي هو نفسو لدا شرفها هو نفس الشخص لدمرها بسباب باباها