القاسي والبريئة (قصة جزائرية🇩🇿)

✨الحلقة الثانية عشر ✨

في القصر:
روزا : معنتها كاينة سبة لجيتي للقصر
مريم: وي هذا هو الحل نقول لفاطمة بلي ختي راح تسافر عند حماتها ونتي ماعندكش وين تقعدي ووصاتني ختي عليك مالا خليها عليا
روزا:  مالا كتقنعي هاذيك العجوزة عيطيلي
مريم: إيه
كانت سارة هابطة في دروج وشافت أنس دخل عيتيها ولاو يبرقو وكانت فاطمة قاعدة في الصالون
فاطمة : أهلا ولدي سحقيتك في حاجة علابيها عيطتلك
سلملها على راسها
أنس: اطلبي جدة ونلبيلك طلبك
فاطمة: نحتاج عفايس من سوق تشريهملي ماحبيتش نقول لمجد ولخدامين ولڨارد سحقيتك نتا خير
أنس: ايه مديلي ونجيهوملك
سارة: جدة لكان قلتيلي ليا
أنس: معليش قالتلي ليا أنا نلبيلها طلبها
فاطمة: إذا حبيتي روحي معاه وجيبوهملي أصلا كاين عفايس تع طبيخ نتي تعرفيهم أحسن منو
سارة فرحت بزاف كي راهي رايحة معاه حتى أنس من جهة عجبو الحال
( سارة تحب أنس من بكري حاطة عينها عليه ومام أنس وفي زوج مااعترفوش لبعضاهم ومن جهة أنس حاب يبعد عليها بسبة خوها مراد للكان يعرف يقتلو حتى لكان كان صاحبو من بكري)
أنس: إيه مالا وجدي روحك نروحو
سارة أوك
في بلاصة وحدوخرة:
في الغابة كانت فماك دار ولا نقولو قصر مخفي في جهة تع الغابة دايرين بيه شجور

بدات تحل عينيها بشوية وتفطن وتتفكر واش صرالها حتى استوعبت وناضت لقات روحها في شمبرة ولا نقولو جناح كبير وتفكرت  اخر حاجة واحد غملها فمها وفاقت بلي راهي مخطوفة
شمبرة 👇

منار: وين راني
ناضت راحت لباب حاولت تفتحو لقاتو مغلوق وبدات تخبط فيه وتعيط
منار:افتحولي لباب شكون نتوما افتحولي
قاعدة تخبط وتعيط بلا فايدة حتى كرهت راحت تطل من تاقة شافت غير شجر و بلاصة ماكان فيها حتى سكن ولا ديار
منار: ياربي وين راني  وين حصلت
راحت قعدت فوق سرير وتفكرت بلي يماها تكون قلقانة عليها وباباها ، حتى سمعت صوت باب يتفتح وواحد يدور المفتاح وناضت حتى تشوف وحدة من شكلها تبان خدامة ورافدة صينية تع ماكلة في يديها
منار : عيشك قوليلي ونراني شكون خطفني اهدري
خدامة : مدام كولي ماكلتك
وجات تروح حكمتها منار
منار: ربي يحفظك عاونيني عاونيني نهرب ربي يعطيك واش تتمناي
خدامة: سمحيلي مدام اطلقيني خليني نروح عندي خدمة
وراحت ولحقتها منار حتى غلقت الباب عليها
منار: خرجوني منا تعيشو خرجوني
حتى طاحت فلرض
في دار مصطفى:
خديجة: ماعلاباليش عيطتلي اخر مرة بارح فليل قالتلي عندي مناوبة فماك اخر مرة
مصطفى: واقيلا تكون عند صحبتها إيناس
خديجة: لالا عيطتلها إيناس قالتلي ماراهيش عندي ياربي كشما صرالها باينة
مصطفى خاف بزاف وتخمامو كامل راح في اعدائو خاصتن كي هو من مافيا يتوقع كلش
خديجة وهي تبكي: باينة يكونو خطفوها ياربي بسبابك نتا بسباب خدمتك
خديجة عرفت بخدمة مصطفى
مصطفى: وشمن خدمة
خديجة: فقتلك بلي نتا تخدم في المافيا واش حسبتلك غبية مانفيقش باينة كاش واحد عدوك خطفها ياربي بسبابك نتا سباب
مصطفى: خلاص بلعي فمك عليا دوك نلقاها
خديجة: دبر راسك القاها دير
ماكملتش هدرتها وصونا تلفون تع مصطفى وشاف بلي رقم مجهول ورفد
مصطفى: شكون معايا
......... : اممم نظن في هذا الوقت راك مقلق على بنتك
مصطفى: مالا نتا لي خطفتها واش غايتك اهدر
مراد: تخلص كامل واش درت ببنتك
مصطفى عيط: مادخلهاش في خدمتنا هيا واش دخلها
مراد: ماتعيطش يا****** ماتنساش معامن راك تهدر
مصطفى: واش غايتك كخطفتها
مراد: نعذبك ومن جهة جيبلي الاخبار وتكون جاسوس على البوص المجهول
مصطفى: وشنو وين عرفك نخدم عند بوص
مراد: نظن ماتعرفنيش شكون المهم جيبلي اخبار كامل البوص وشكون هو وعلابالي علابالك شكون هو بضبط
مصطفى: انسى نجيبلك اخبار عليه هاذي غير نحيها فهمت
مراد: اوه مالا بنتك انساها تان
وكوبا عليه مراد
مصطفى: بلاك تأذيها مادخلهاش في الوسط
خديجة: شكون هذا مصطفى اهدر
مصطفى: ******* تع مراد لخطفها
خديجة: ياربي واش راك تستنى روح جيبها
مصطفى: وشبيه ****** كيفاه نروح نجيبها قالي لازم نجيبلو اخبار على بوص كبير ويمدهالي بصح أنا مستحيل نديرها مستحيل نخون البوص باسكو اذا خنتو نهايتنا كامل على يدو
خديجة: ومنار منار تخليها عندو هبلت كيفاه تخليها عندو
مصطفى: بلعي فمك بلعي دوك نعرف واش ندير مشكلة طاحت على راسي ،وكسر كرسي لكان قدامو