في إيطاليا: منار كانت تعوم في أمان الله حتى خلعها بصوتو مراد: واش راكي ديري هنا منار غزرت فيه منار: واش راني ندير مراكش تشوف بلي راني نعوم مراد: مراكيش في دارك باش ديري واش تحبي فاهمة منار: جابلي ربي خطفتني اتحمل مسؤولية فاهم مراد تقلق مراد: ماترجعيليش******** تع هدرة لنقتلك هنايا منار: اقتلني واش راك تستنى مراد: لالا نقتل يماك وباباك وبعدتيك دالتك منار خافت بصح ماحبتش تبين خوفها وضعفها قدامو خرجت من لابسين قدامو وهو كيلها من الفوق للتحت وشاد روحو منار: ماتمسهمش مسني انا ماتمسهمش مراد قرب عندها كتر حتى ولا وجهو مع وجها وعينيه في عينيها لقاعد يشوف فيهم غير القوة مراد: ماذابيا نمسك نتي تباني من شكلك ***** تبسم تبسيمة وكيلها من فوق لتحت ومنار خلاص ماتحملتش وطاحو دموعها حست روحها رخيصة ماحستش كيفاه ضرباتو كف منار: ماعندكش حق تقول عليا هكا احترم ماكملتش هدرتها وجبدها ليه حتى لسقو في بعضاهم وباسها منار خلعت مااستوعبتش قاعد تبعد فيه بصح والو حتى حبست واش جاب قوتها لقوتو حتى دموعها طاحو وهو مزالو يبوس فيها وحس بدموعها راهم يطيحو حتى بعد وقاعد يشوف في وجها وهيا مغمضة عينيها ماعلابالوش علاه عجبو الحال كي ماتعرفش تبوس وتان باينة هاذي اول مرة تاعها وحاير من روحو موالفين البنات يرمو روحهم عليه مشي هو يرمي روحو بعد عليها حتى منار استوعبت وشافت فيه وجات تضربو كف حتى حبسها حكملها يديها منار: ماعندكش الحق تبوسني كيفاه تتجرأ تبوسني كيفاه مراد : اخر مرة ترفعي يدك عليها وبما أنو راني خاطفك ندير واش جا في بالي منار دموعها طاحو عمرها ماخممت توصل لهاذ الشئ وهو أول واحد باسها طلقت يديها بسيف وراحت تجري طلعت شافتها سمية تبكي ماعرفتش علاش سمية: وشبيها هاذي دخل مراد وهدر مع سمية مراد: وجدي عشا وهاذيك اديلها ماكلتها لشمبرتها سمية: حاضر سيدي طلع لشمبرو وراح ديراكت دار دوش و قاعد تحت لما بارد مراد تمتم: وعلاش أول مرة يصرالي هكذا قدام طفلة***** وشكون بنت مصطفى ط******* نروحو عند منار لدخلت برك رمات روحها على سرير وتبكي منار: ياربي واش درت في حياتي باش وصلت لهنا ياربي كون معايا وسلكني بكات حتى شبعت ووجعها راسها راحت لدوش دوشت وخرجت لبست بيجامة 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبعدت فوق الفوتاي وتخمم منار: لازم نحاول نخرج منا بأي طريقة لازم مستحيل نقعد هنايا دخلت سمية عندها سمية: وشبيك منار راكي مليحة منار كانت حابة كاش واحد يقعد ويواسيها ويسمعلها عنقت سمية منار وهي تبكي: سمية مانقدرش نقعد هنا أمبوسيبل نتحمل مع هذا الوحش ماقدرتش سمية غاضتها من جهة: علابالي صعيبة بصح كنتي لباس بيك وشبيك منار: باسني سمية خلعت سمية: شكون باسك مافهمتش منار: هذاك الوحش سمية: امبوسيل منك صح منار: ماتزيديش عليا سمية أول مرة واحد يبوسني ماعندوش الحق يبوسني ماعندوش الحق وطرطقت بالبكا سمية: يخاه أول مرة بوص يبوس وحدة ومشي هذيك وحدة ترمي روحها عليه منار: علاه يخي هو موالف بالبنات سمية: هيا صح موالف ويقضي ليلة معاهم ويرميهم بصح هوما يرمو رواحهم ليه مشي هو فهمتي قصدي منار: إيه مادخلنيش فيه انا حبيت نهرب سمية خلعت: ماتهبلينيش منار مستحيل تقدري تهربي علابالك يقتلنا كامل منار: مانقدرش نتحمل مانقدرش سمية: زيدي اصبري شوية وتسلك إن شاء الله منار مسحت دموعها منار: جبتيلي ناكل جعت يمي سمية ضحكت عليها حستها طفلة صغيرة هاذوين كانت تبكي ودوكا ضحكت منار وماكلة في فمها: امممممم شحال بنينة ماكلتك يا سمية تهبل سمية كولي بصحتك و ماكملتش هدرتها ودخل مراد سمية خافت وراحت ديراكت خرجت اما منار كشغل مادخلش وماشافتش كامل فيه و مادارتلوش كامل حساب وقعدت تاكل مراد: غدوة كاينة مهمة راح تشاركي فيها واذا ماشاركتيش فيها ودعي صحبتك منار حبست الماكلة كذكر صحبتها إيناس وناضت وقفت قدامو وشافت فيه غاست مع كور تاعو كان عريان من فوق وحتى هذا وين انتبهت بلي هو زين وشباب بصح نكرت مهما يكون هو دمرلها حياتها وفاقت مع روحها منار: وشمن مهمة مراد: راح تمثلي على انك صحبتي وشريكتي في شركة في الحفلة هاذي ليسقسيك شكون قوليلهم شريكة مراد القاسي وبالنسبة لأسمك يولي إيفا يالدن فاهمة منار: امممممم فهمت والحوايج واش نلبس مراد : مابقالكش في ***** انا نعرف شغلي منار من جهة عجبها الحال كراح تخرج كرهت من هاذي الدار منار: أوك مراد قرب عندها: تحاولي ديري أي حاجة تعرفي المصير راني مانرحمش منار ضحكت: علابالي بلي نتا وحش غير ماتخافش مراد توجعو كلمة وحش بصح مابينش وأصلا مايلومهاش كدخلها في الوسط وراهي ضحية في اللعبة هاذي لسبابها باباها راح خرج ديراكت منار قعدت وتمتمت: حاولي منار واتهدني مشي كلش يجي بزعاف
