القاسي والبريئة (قصة جزائرية🇩🇿)

✨الحلقة الثالثة عشر ✨

نرجعو لمنار لكانت قاعدة قدام الباب تخبط وتعيط والماكلة قعدت كيما راهي
منار : افتحولي الباب خرجوني منا
ناضت وراحت لتاقة حاولت تقتحها ماقدرتش حتى تسمع صوت مفتاح يدور والباب تفتح وتتصدم
منار: نتا
مراد : علاه شكون توقعتي من غيري
قاعد يقرب ليها وهي تبعد
منار : علاه خطفتني واش غايتك كخطفتني كي زعما ضربتك كف مانسيتهاش
حتى قرب منها شمت ريحتو الرجولية لمخلطة بالڨارو
منار: بعد بعد عليا
لصقها مع الحيط
مراد: راح تكون هنايا لفترة معايا فهمتي ماتتجاوزيش حدودك معايا
منار: واش راك تهدر وشنو هاذي نقعد معاك مستحيل خليني نخرج ماتهبلنيش واش تكون نتايا حتى تحبسني
مراد: بلعي ****** تع فمك لنكسرهولك دوكا فاهمة
منار: مانبلعش علاه خطفتني علاجال كف برك خطفتني لهاذي درجة واش تكون
مراد قرب لوذنها وهيا خافت وارتعشت
مراد بصوت خافت في وذنها : باباك هو سباب في خطفك مالا اقعدي عاقلة لكشما ندير لعيلتك فاهمة
منار: واش دخل بابا وأصلا مادخلش عيلتي واش غايتك اهدر
مراد: ماتعرفيش حقيقة باباك بلي هو من مافيا
منار تصدمت وقاعدة جامدة ومراد يشوف فيها
مراد: نظن ماتعرفيش حقيقة باباك لمشارك في جرايم وقتل ناس بريئة
منار عيطت: اسكت اسكت بابا مستحيل يكون هكا فهمت
حتى شدلها يدها وزير عليها
مراد: اخر مرة ترفعي صوتك عليا راكي ماتعرفينيش كنتعصب ونترون مالا اقعدي عاقلة
منار شافت فيه نظراتها قوية وهو نظراتو كلها باردة وتخوف مراد لاحظ تحدي في عنينها والقوة ولا وحدة ولا واحد تجرأ يهدر معاه ولا يشوف في عينيه من قبل وجي فرخة كيفها تهدر معاه هكاك
منار: واش راك حاب مني من لخر
مراد: راح نحتاجك في أمور اقعدي عاقلة برك
منار: بعدني علاه دخلتني في معماعة تاعك واش درتلك
مراد: تتقبلي مصيرك بسيف على ******
منار قعدت تشوف فيه ومزالها مشي مستوعبة واش صار فيها معنتها خدمتها تنساها حياتها لقديمة تنساها راح تعاني دوكا في حياتها هكا مكتوبلها مراد ماعلابالوش علاه غاس في عينيها حتى فيقاتو
منار: مام نتا من مافيا باينة عليك وحبيت تدخلني في لعبك وتستغل بابا أصلا كنتا كبابا كامل مجرمين وتقتلوا في ارواح بريئة
مراد: ماتتماديش معايا وماتشبهنيش بباباك فهمتي وأنا عندي غاية من كل حاجة مالا ماتقلقيش ******
جا خارج حتى حبساتو بهدرتها
منار: مام نتا ماتعرفنيش كيفاه جبتني هنا وثقت ماخفتش كشما نفسدلك
دار ليها
مراد: راني نعرفك وماتقدريش تفسدي غير ماتخميش
وراح خرج
حتى طاحت منار فلرض وطرطقت بالبكا
منار: ياربي وين طحت كلما نقول راح نتهنى تخرجلي مصيبة وحدوخرة بابا خرج من مافيا ومجرم كنت لباس بيا بخدمتي خرجلي هذا الوحش الكلب كيفاه راح نسلك منو
مسحت دموعها
منار: ملازمش نضعف قدامو باش يعرف شكون هيا منار الجابري
في دار مصطفى:
إيناس: ماتقلقيش طاطا راح يلقاها عمي مصطفى
خديجة: يبنتي دار بلا بيها ماتسواش خايفة عليها خايفة كشما يأذوها
إيناس: منار قوية نعرفها وراح تحاول تهرب وتولي عندكم
خديجة: ايه قوية بصح ضعيفة من داخل
إيناس : ماتخافيش دوك تولي
خديجة: إن شاء الله بنتي ان شاء الله روحي نتي عندك خدمة مانعطلكش
إيناس: لالا نقعد معاك مانخليكش وحدك
خديجة :لالا غير روحي ماتضيعيش خدمتك في باطل بنتي أصلا دوك يجي مصطفى
إيناس: مالا نخليك وغدوة نولي عندك طاطا
خديجة: يكثر خيرك بنتي
إيناس: بلا مزية طاطا
في القصر:,
مريم: كيما قلتلك ختي وصاتني عليها مانقدرش نرفضها وهيا مسكينة بنتها وحيدة ووليدها محمد راح يروح معاها
فاطمة: مابقاليش مشاكلك وأصلا مراد مايحبش يذبحنا لكان يسمع واحد يدخل للقصر
مريم: اقنعيه تقدري نتي يحبك مشي كيما أنا
فاطمة : في وجه ختم كدارتلي الخير راح نقنعو مشي في وجهك
مريم: المهن اقنعيه ورديلي بالخبر
في الوقت دخلو سارة وأنس
سارة: راح قضينالك واش حبيتي كامل جدة
فاطمة: صحة بنتي
مريم: وين كنتي سارة
سارة: رحت نقضي لجدة
مريم: نتا تقدر تروح
فاطمة: وين يروح خلي نضيفو
أنس: جدة مكلاه عندر شغل
فاطمة: نو اقعد ماتشوفش لهاذي
وخنزرت في مريم ومريم راحت وطلعت
سارة: معليش أنا ندريلو قهوة
دخل مجد تان في هاذيك دقيقة
فاطمة: شرفت وين كنت يا باشا كي نتا كي خوك
مجد: والله خدمة كانت طايحة على راسي علابيها جدة
وسلملها على راسها وسلم على أنس
مجد: مرحبا بيك عدنا أنس
أنس: يعيشك مجد
جابت سارة صينية فيها قهوة وڨاطو وحطتهم
مجد: أوه سارة ختي طيبلنا قهوة مليح
خنزرت سارة فيه
سارة: ذوقها وتشوف شحال بنينة
غزر فيها أنس وهيا ثاني
حمحمت
سارة: احمم انا نطلع لشمبرتي عييت
فاطمة: ايه روحي بنتي

جماعة اكتبولي رايكم في الحلقة. واذا راهي عاجبتكم كرونيك وأصلا مزال أحداث بزاف راهم جايين وان شاء الله يعجبوكم