القاسي والبريئة (قصة جزائرية🇩🇿)

✨الحلقة 52✨

كانت طالعة في دروج رايحة لشمبرة خديجة حتى تحس واحد حكمها من يدها وجبدها ودخلها لشمبرة فارغة واستوعبت
إيناس: واش راك دير هبلت
مجد: وشبيك تتعاملي معايا هكذا اختفيتي 5 سنين ومع لخر بنتي وكأنو مكان والو وزيد أنا حوست عليك في 5 سنين هاذو وبلا فايدة واش صارلك
إيناس: علاه تحوس عليا واصلا انا واش نكون ليك باش تحوس عليا
قرب ليها مجد وايناس توترت
مجد: من نهار لواسيتيني في سبيطار قعدتي في بالي ونتي مشي فاهمة واش صاريلي
إيناس: مجد ماكان والو بيناتنا علاه راك ديؤ هكا
مجد: علاه ماكان والو بيناتنا راح تهبليني
إيناس: شوف انا غدوة مسافرة مراحش نقعد هنا ومكلاه تحطني في راسك
مجد: معنتها أنا والو بالنسبة ليك
منار سكتت مالقات ماتقول غير تشوف فيه ماقدرتش تفسر نظراتو ليها
إيناس: مجرد شخص تلاقيت بيه
مجد: امممممم هكذا
إيناس: هكذا نتا والو بالنسبة ليا
مجد تقلق منها حتى بدا يعيط
مجد: علاش مالا خليتيني نحطك في بالي ونخمم فيك ولا كاش واحد في حياتك احكي
إيناس: ماتعيطش عليا فاهم ماعندكش الحق تعيط
مجد: ماتخلينيش نتعصب ونفرغ فيك نقصي لسانك
إيناس: مانقصش ومادخلكش
بعدت عليه وفتحت الباب وخرجت وهي خارجة تلاقات بأدهم
أدهم: إيناس كيفاه حالة خالتي خديجة
إيناس: مليحة أدهم
خرج مجد وشافها مع راجل لشافو من قبل معاها كي شاف منار مع جاسر جنون حمرة دارو بيه راح عندهم
مجد: شكون هذا واش راكي ديري معاه
إيناس: واش دخلك
أدهم: اصبر اصبر اولا نتا لي شكون
مجد: اواه راح ينوضلي زبل في راسي
حكماتو إيناس وهدرت
إيناس: مجد عيشك هو مجرد دايراتو كي خويا لا أكثر وماتزيدش عليها
مجد: وشمن خوك علاه بقا دوكا واحد يدير خوك تعرفي نيتو
أدهم: شوف مكلاه تكثر الهدرة معايا وعليا فاهم
مجد: اوه سيد تقلق
إيناس: مجد روح منا مادخلش روحك فيا
مجد: راكي تحاوزيني علاجالو مليح
شاف فيها نظرة وكسرت قلبها وراح وطاحو دموعها ومسحتهم تمتم
أدهم: شكون هذا إيناس
إيناس: مجد خو مراد
أدهم: كاين علاقة بينكم من قبل
إيناس: هو حطني في راسو من نهار واسيتو كي مراد كان في سبيطار هذا مكان
أدهم: ايه غار عليك
إيناس: حنا موحال نكونو كيفكيف
أدهم: ونتي تحبيه
إيناس: مش عارفة وحتى اذا عندي مشاعر اتجاهو في نهاية حنا مسافرين غدوة
أدهم: ايه ماتقلقيش روحك هيا دوك نروحو لخالتي خديجة نطلو عليها
............................................................................
خديجة: معليش يما روحي نتي لدارك عييتي وانا راني مليحة
فاطمة: معليش بنتي غدوة نزيد نطل عليك
خديجة: علاه تعبي روحك يما
فاطمة: بنتي نجي معنتها نجي
خديجة: ايه فهمت
دخل مصطفى راحت عندهم
خديجة: مصطفى جيت
مصطفى: ايه
مصطفى شاف في فاطمة ونطقت
خديحة : مصطفى هاذي يما تذكرتها
مصطفى وجهو تبدل
مصطفى: امممممم تذكرت كيراكي الحاجة
فاطمة: مليحة وليدي
مصطفى: حمد لله
دخلوا عندهم أدهم وإيناس ولحقتهم منار
أدهم: راكي مليحة خالتي
خديجة: مليحة ولدي يما هاذا صاحب منا وإيناس كخوهم وسمو أدهم
فاطمة: تشرفت فيك وليدي
أدهم: حتى أنا جدة
إيناس: منار وينو جاسر
منار: بعثتو مع هيثم كان عيان خليتو يرتاح
إيناس: ايه معليش
قربت منار عند فاطمة
منار: جدة سمحيلي كدرت هكذاك
فاطمة: معليش بنتي علابالي عانيتي وفرحانة انو عدنا حفيد
منار: امممممم
فاطمة: وولدي مراد
منار شافت فيها مالقات ماتوقللها
منار: جدة خايفة يديهولي صعيبة عليا جدة حسي بيا
فاطمة: عارفة يا بنتي بصح في نهاية هو ولدو ومنو
منار: علابالي جدة بصح ماكانش حل
فاطمة: إيه انا نعيط ولدي مجد يوصلني
منار: ايه جدة راكي عييتي
فاطمة: ايه راني رايحة بسيف عليا حابة نقعد مع بنتي
منار: بصح لازم ترتاحي نتي تان وغدوة ارجعي شوفيها
فاطمة: ان شاء الله بنتي
عيطت فاطمة لمجد خبراتو قالها راني نستناك في برا سلموا عليها وخرجت وديماراو لدار
.........................................................................
كان قاعد في بلاصتو السرية ليفرغ فيها واش في قلبو حاكم في يدو ڨارو يتكيف حتى يفيقو صوت تلفون ورفد
أنس: مراد وينك
مراد: علاه واش باغي
أنس: راني جاي انا وسارة نباتو في القصر فماك وعيطت لمجد قالي رجعت جدة للقصر
مراد: امممممم
أنس: وشبيك مراد
مراد: عارف انو هاذيك رجعت
أنس: شكون
مراد: ماتهبلنيش*******
أنس: منار
مراد: ماتنطقش أسمها على لسانك فاهم
أنس: خلاص يا أخونا ماقلنا والو
مراد: موحال نجوزهالها على خير
أنس: مراد بلاك تتهور وتندم
مراد: هيا عذبتني وخلات قلبي يموت ويولي كترمن زمان راح نوريلها شكون مراد القاسي تع صح وليضحك أكثر خرجت بنت عمتي اتخايل
أنس: وشنو بنت عمتك
مراد: امممممم اذا حبيت خبر سارة باش ماتتصدمش ومانعرف واش مخبي عليا تان
أنس: ماتقلقش روحك مراد
مراد: ايه انا نكوبي
كوبا عليه
........................................................................
كان هيثم قاعد في صالون حتى دخل أدهم بعدها رجع من سبيطار وإيناس تان رجعت معاه منار برك لقعدت مع يماها
هيثم: اوه جيتو
أدهم: ايه
إيناس: جاسر راقد
هيثم : ايه راقد
إيناس: غدوة علينا نسافرو منار خبرتني وزيد كي شافها مراد خلاص معنتها لازم
هيثم: تشوفو انا واش صرالي
أدهم: اهدر نتا دايما ديرنا مصيبة
إيناس: شوف احكي وماتهبلناش
هيثم: مراد تلاقيت بيه وكان معايا جاسر لمرة ثانية القدر يجمعهم وبسيف باش جبتو من عندو جاسر ماكانش حاب
أدهم: إيه صعيبة يكون عندك ولد وماتعرفش انو لتلاقيتو من قبل ولدك
هيثم: ايه دوكا جاسر باباه مراد وهو مش عارف مانعرف ردة فعلو كيفاه راح تكون حتى نظرتهم نفس الشئ
في هاذي الهدرة جاسر ناض من رقاد وسمع هدرتهم وهدر مع روحو
جاسر: معنتها بابا هو مراد لتلاقيت بيه من قبل وماما خبات عليا لازم نروحو نشوف بابا

جماعة بارت الجاي مؤثر وجدو بابيي تمسحو دموعكم 😭❤️