القاسي والبريئة (قصة جزائرية🇩🇿)

✨الحلقة 60✨

في بلاصة خلاف:

في الصباح:
في كوخ مهجور وسط الغابة منتشرين فيه لڨارد وطونوبيلات كحولة
كانت مربوطة في الكرسي غالقين عينيها بقماشة كحلة ومسكرينلها فمها علاجال عياطها بدات تفيق بشوي ودايخة حتى بدات تتذكر واش صرالها وتشوف كلش كحل تذكرت أخر مرة واحد غلقلها فمها وخلاص عرفت أنها مخطوفة بدات تعيط بصح بلا فايدة غالقينلها فمها
مرو ساعات وهي في الحالة هاذيك حتى تسمع الباب تفتح وحست كاش زوج رجال دخلو من مشيتهم حتى تسمع صوت واحد هدر
..........: اوووو الاميرة ماحملتش تقعد هكا
منار بدات تتحرك وتعيط بصح صوتها يخرج خفيف كي مغلوق
.........: نحيلها القماشة لي في عينها
نحاولها برك عماها ضوء لضرب فيها فتحت عينيها شافت راجل كبير في عمر هكاك يلحق عمرو بين خمسينات
سعيد: اممم القاسي عرف يخير حتى عينيك يهبلو
شاف في بنظرة تقززت منو ومن نظراتو بصح من جهة حمدت ربي كي جاسر ماداوهش جي فيها ولا في جاسر
سعيد: اوووو لازم نسمعو صوت مرت القاسي
أمرهم ينحولها قماشة لفي فمها حتى بدات تعيط
منار: شكون نتا احكي
سعيد: نقصي صوتك عزيزة ماتخلينيش نأذيك وأنا مش حاب بصح عارف انو راح نأذيك بسباب حبيب قلبك
منار: شكون نتا
سعيد: عدو
منار: واش حاب
سعيد: حاب نقضي على راجلك كيما قضيت على باباه
منار تصدمت معنتها هذا لي قدامها قاتل بابات مراد ليكون خالها
منار: نتا موحال تكون إنسان نتا حيوان و
ماكملتش هدرتها حتى تحس بكف قاوي ضربها تجمعو دموع في عينيها بصح موحال تضعف
سعيد: ياق****** ماتجاوزيش حدودك معايا نقتلك هنا لكان مشي غايتي
منار ابتسمت بابتسامة استفزاتو
منار: موحال تقدر على مراد القاسي وحضر نفسك للموت نتا ماتستاهلش تعيش
سعيد ضحك بضحكة شر
سعيد: اففف نتي وياه لراهو واجد قبركم كيما قدرت نقتل أحمد نقتل وليدو الكلب ط******
منار: مريض نفسي موحال تكون طبيعي
سعيد: جسمك ولطاي تاعك مليحة لازم نذوقوها
بزقت منار في وجهو
منار: خماج حيوان
زاد ضربها كف اقوى من قبل حتى سال دم من فمها
سعيد: سكري ن***** تع فمك راح نقتلك وواحد مايسمع بيك
حتى دخل فاضل لشاف الحالة
فاضل: واش صرا
سعيد: بنت ختك قوية
منار شافت في فاضل وعرفت هذا خالها بصح موحال ديرو خالها
منار: نتا علاجال دراهم والورث شاركت في جريمة خوك لهذي درجة وصلت ااا خالي نتا شيطان
فاضل: سكري فمك ماتزيديش الهدرة معانا فاهمة كي نتي كي يماك ق****** لهربت مع مصطفى ط******
منار تقلقت من هدرتو
منار: ماتهدرش على يما وبابا فاهم ماتنساش روحك نتا يا حيوان واش تسوى راح تدفعو ثمن ومراد راح يقتلكم كامل
فاضل: هههه دوك نشوفو ولد الاخ واش يدير
خرجو وخلاوها وخلات دموعها طاحو
منار: ياربي سلكني على خير و عاون مراد باش ينتقم منهم عارف انو راح ينقذني عارفة خايفة يتأذى نتأذى أنا ولا هو هو الوحيد لداخل قلبي عندي هو وجاسر اهئ...اهئ...اهئ

في القصر:

في بيرو مراد لمڨلب وأنس معاه ومجوعة من الهاكرين بالميكروات يكشفو بلاصة منار وين كاينة من خلال ساعتها لي لابستها الشئ لي مش عارفاتو لا منار ولا جماعة سعيد انو ساعة ركب فيها مراد من قبل جهاز تعقب علاجال الأمان وراهو جا الوقت يستفاد منها
كان قاعد في الكرسي وڨارو في يديه يكمل واحد يزيد واحد كمل زوج بايط ورايح لباطة ثالثة
مراد: راكم تت******* بيا ازربو القاو بلاصة
*******: سيدي مشي مكشوفة بلاصة بالضبط وتان اسمها محذوف
مراد: كيفاه هذا مش مكشوفة تكشفوها فاهمين ن****** ماتجهلونيش
واحد ماتجرأ يرجعلو شافو حالتو رايحة فيها وغضب لراهو فيه يقتل بيه لعباد عادي جاز شوية وقت حتى هدر هاكر
******: سيدي لقينا بلاصة قريبة للغابة تاع ساحل
مراد: وين بالضبط
******: مش محدد بالضبط
مراد: كيفاه مش محدد لازم تحددوه فاهمين لن*****
******: سيدي رانا نديرو مجهودنا ونلقاوه
أنس: مراد اهدأ راح نلقاوها
مراد : كيفاه نهدأ البارح خطفوها ونتا تقولي اهدأ
أنس سكت ماحبش يكثر معاه هدرة باسكو علابالو تتڨلب
خرج مراد من بيرو حتى تصادفو فاطمة ومعاها جاسر
فاطمة: ولدي كاش أخبار
مراد: رانا نحوسو
جاسر: بابا ماما يخي راح تكون مليحة
رفدو مراد في حضنو
مراد: راح تكون مليحة ماماك قوية بزاف وراح نرجعها لينا نوعدك
جاسر: امممممم توحشتها
مراد عنقو وهدر في نفسو
مراد : حتى أنا توحشت كل تفصيل فيها وياويلهم يكونو قاسوها ولا مسوها موتهم راح يكون عذاب

حتى دخلو مصطفى وخديجة وإيناس وهيثم وأدهم
إيناس: كيفاه هاذي منار تخطفت ونتا وين كنت
مراد: نقصي صوتك
إيناس: مانقصش من نهار دخلت لحياتها دمرتها فاهم نتا خربت كل حاجة كانت مليحة في حياتها وبسبابك دوكا تخطفت
عيط مراد عليها
مراد: نقصي صوتك ماتجهلينيش ون*******
هيثم: هي كانت تهرب من خطر ونتا دخلتها بنفسك فيه
مصطفى: مع لخر امنتك على بنتي ودوكا نتا سباب انا حميتها رغم الخطر
مراد رجع شعرو ملور راح وخلاهم علابالو راح يقتلهم اذا قعد معاهم ومع هدرتهم راح دخل صالة اع سبور وقاعد يضرب ويعيط
مراد: عارف بسبابي عارف انو انا سباب في دخولها لهذي المتاهة بصح مش راح نسمح يصرالها شئ موحال تتقاس نموت أنا ولا هي المهم تكون هيا بخير راح ننتقم منكم يا الكلاب يط********
حتى تعب وراح خذا دوش
..................................................................
طاح ليل
كانوا دموع في عينيها توحشت جاسر بزاف ماسمعت غير الباب تفتح ودخل منو
سعيد: اووو راهي تبكي مسكينة
منار مارجعتلوش
سعيد: هيا نعيطو حبيب القلب نشوفو واش يدير
دورت وجها ليه قالت مع نفسها معنتها راح يعيط لمراد
قاعد يعيط مرة لولا مارفدش عاودلو مرة دوزيام رفد
سعيد: اوه بسيف باش ترفد يا القاسي
مراد: حضر روحك للموت
منار سمعت صوتو دمعة طاحتلها
سعيد: اوه القاسي راهو يهدد ومرتو وحبيبتو قدامي قاعدة
مراد تقلق وبدا يعيط
مراد: إياك تفكؤ تمسها فاهم ن****** يا ط******* تفكر تمسها راح تشوف واش راح يصرا فيك
سعيد: أوف اهدأ كيما خبرتك من قبل ورقة الملكية مقابل مرتك
مراد: موحال تحصل عليها نحيها من بالك
سعيد: مالا موحال تلقى مرتك ولا تسلكها
كوبا عليه سعيد ومراد تقلق وكانو معاه هاكرين وقدرو يحددو المكان من خلال المكالمة
******: في بلاصة***** بالضبط في وسط الغابة
مراد: أنا نروح وحدي
أنس: وشنو هبلت
مراد: قتلك نروح وحدي معناها وحدي مادخلوش رواحكم نتوما اقعدو هنا احمو جاسر فاهمين
أنس: فهمنا بصح يجو معاك شوية رجال
مراد: خلاص ابعث رجال يلحقوني
راح مراد لبس وخذا معاه السلاح وراح خرج ديراكت في راسو برك ينقذ منار مايهمو حتى واحد مهم هي تكون بخير
ديمارا وزوج طونوبيلات موراه ليكونو رجالو
لحق بعد ساعة حبس في طريق قدام ساحل مقابلتها غابة لي تدخللها ونتا تمشي مشي بالطونوبيل
هبط من طونوبيل تعبوه لڨارد موراه ودخلو للغابة

دخل ليها الڨارد بعدما سمعها تعيط
ڨارد : واش تحتاجي
منار: حابة نروح لتوالات
ڨارد : ممنوع
منار: بصح راني مزيرة بزاف لازم نروح
ڨارد : ممنوع معنتها ممنوع
منار: عيشك تمتم ونرجع لازم نروح اديني
بعد تحلال نحالها لرابطها بيهم وداها لتولات
دخلت لداخل شافت فيها تاقة صغيرة
منار: ياربي سلكني ونقدر نخرج ونهرب
لحسن حظها لقات كرسي فماك صغير حطاتو فوق توالات حتى تسمع ڨارد يعيط
ڨارد : ازربي
منار: راني قريب دقيقة
طلعت فوق كرسي وخرجت راسها من تاقة صغيرة شافت بلي تخرجها للغابة خرجت منها بسيف بطلوع الروح حتى طاحت فلرض وناضت عطات الريح لرجليها وقلعت تجري
بعدما حس بيها طولت فتح لباب لقاها مكانش شاف تاقة مفتوحة عرف بلي هربت خبر لڨارد لوخرين لدارولو حالا علابالهم البوص تاعهم يقتلهم
سعيد: كيفاه هذا يكلاب يط****** مرا تهرب منكم ونتوما رجال قد****** اليوما نقتلكم
فاضل: كيفاه هاذي هربت رانا مخدمين ط****** معانا
راحو سعيد وفاضل زادو رجال وخلاوهم ينتشرو في الغابة يحوسو عليها بينما مراد مزالو يمشي في الغابة مش عارف بلاصة الكوخ بالضبط
منار كانت تجري وسمعت صوت رجال موراها زادت في جريتها حتى طاحت وتعكلت رجلها وعيات تجري بيها بصح ناضت وكملت تجري

رايكم جماعة في البارت ❤️