خرجت من عندو وهبطت لتحتا لقات جاسر في ساحة يلعب شافتو لابس مليح ماتقلقتش راحت توجد لعشاء طيبت باستا و دارت سكالوب وسلاطة
كان هابط في دروج ومزالو دايخ وكان عريان من فوق لمحها في الكوزينة طيب للحظة تمنى يقعدو هكا عيلة بصح هو مزال قلبو تان مجروح كي خلاتو في زوج قلبهم مجروحين من بعضاهم بعملتهم شاف جاسر يلعب في ساحة راح خرج ليه
مراد: هيا ولدي راح يطيح ليل
جاسر: إيه بابي
رفدو مراد في حملتو ودخلو للكوزينة ومنار كانت دير في سلاطة وغايسة تخمم ماحستش بيهم كي دخلو حتى فيقها صوت جاسر و دارت لقاتو في حضن مراد قرب ليها مراد
مراد: رانا جينا عند ماماك نشوفو واش دير
جاسر: امممممم ريحة بنينة تع ماكلة
منار كي شافتو بلا تريكو تقلقت باسكو هو مريض لازم يلبس حاجة دافية تدفيه هدرت بلا ماتفيق لروحها من تقلاق
منار: علاش مش لابس تريكو دوك يزيد عليك المرض
مراد فرح كي فهمها بلي خافت عليه
مراد: مارانيش حاب نلبس نحب هك أصلا دار دافية
منار شنفت عليه ودارت كملت سلاطة وهو راح قعد وحط جاسر فوق حجرو
حطت منار الماكلة فوق طابلة و بداو ياكلو ليشوفهم يقول عائلة متكاملة ولباس بيها بصح هوما من داخل مجروحين في قلوبهم
رفد جاسر باستا ووكل منار وزاد وكل مراد تان
مراد: افففف جات من بطلي بنينة
جاسر: إيه كلش مني بنين
مراد: اووو الراجل راهو يفتخر
منار: حقو يفتخر راجل تاعي خرج لجدو
مراد تبدل وجهو من هدرتها
جاسر: بصح مامي كنتي تقوليلي خرجت لباباك
منار تصدمت من هدرتو وفضحها في دقيقة ومراد حس بالفرحة
مراد: امممممم خرجت ليا ولدي
في بلاصة خلاف:
فاضل: خرج عندو ولد جابولي أخبار
كان قاعد في بيروه في ضلمة وشوية ضو يبين وجهو ڨارو في يدو يتكيف
سعيد: امممممم لقينا نقطة ضعفو مرتو وولدو
فاضل: أنا خممت الولد ماندخلوهش باسكو راح يتعبنا من أحسن نستغلوه من مرتو ومتأكد يدير كلشي علاجالها
سعيد: امممممم صح لازم نخطفو مرتو
فاضل: إيه وهكا نشرطو عليه يعطينا الورقة الأصلية للملكية تع أحمد
سعيد: امممممم موحال نخليه يفسدلي قتلت باباه بسباب الملكية ومع لخر خرجلي هو في بلاصتو
فاضل: إيه نتحصلو عليها ونديرو خطة كيفاه نخطفو مرتو
سعيد: امممممم هذي هيا
فاضل: أنا مع لول ماكنتش عارف انها بنت مصطفى وبعدا شفتها في تصاور وعرفتها بنتو وكان مخبي عليا الكلب ط*****
سعيد: ايه هذاك تع حسابو وحدو خليه برك
فاضل: ايه نحاسبوه ببنتو راح نضربو عصفورين بحجر واحد كان مراد حسبتلو بسهولة يلقى بلاصتنا
سعيد: هههههه غبي كيما باباه
في دار الجبل:
مراد: كيفاه هاذي بدلو بلايصهم احكي
ڨارد : سيدي في لحظة بدلوها
مراد: ط***** فاقولي بلي عرفت بلايصهم نتوما زيدو حوسو واحكمو كاش راجل من رجالهم فاهمين
ڨارد : فاهمين بوص
كوبا عليهم وهو مقلق كي ضيعهم دار برك لقا منار مقابلاتو معنتها سمعت كلامو قربت منو وحطت عينيها في عينيه ليقتلوه
منار: لوكتاه تخلينا أنا وجاسر معاك
مراد: بلاصتكم معايا حطيها في راسك
منار: موحال نعيش معاك افهم
مراد: مانعاودش هدرتي مرة ثانية
منار: ماتنساش خدمتك راهي خطيرة علينا انا خايفة على جاسر مش عليا أنا
مراد: واحد مايمسكم مادام أنا عايش فاهمة
منار: ماتهدرش برك انا لازم نكون بعيدة عليك مانقدرش نخلي جاسر يعيش في خطر فاهم
مراد تقلق من هدرتها كأنو مش واثقة فيه هي عندها الحق كي كاين خطر بصح هو موجود ويحميهم مسح على شعرو كعلامة غضب شافت فيه تقلق ماتحس غير كي قرب منها وهي تبعد حتى لصقها مع الحيط
منار: بعد عليا ماتقربش مني
مراد شاف الخوف في عينيها لهذي درجة خايفة منو
مراد: خايفة مني خايفة نقربلك
منار شافت فيه وعينيها مدمعين
منار: امممممم نتوقع كلش منك بعد واش درتلي كرهتك وعفيتك
مراد حط صبعو على شفافها باش تسكت
مراد: ماتزيديش تعاودي هدرة هاذي فاهمة ماتزيديش تقوليلي عفيتك وكرهتك ماتجهلينيش
نحاتلو يديه من فمها
منار: اجهل واش راك تستنى علاه بقات حاجة مادرتهاليش
مراد: فمك ااا حطبة
منار: مادخلكش في فمي لباس بيه شوف فمك نتا
مراد: شوفي ماتعصبينيش
منار: اتعصب شكون شادك
مراد مسح على وجهو
منار: أنا غدوة نروح مانقعدش معاك هنا راني قتلك
مراد: جربي تروحي ولا أهربي تشوفي واش ندير
منار: أصلا واش بقى مادرتش يخي راك دايرني ق*****
مراد تقلق في أخر كلمة لقالتها مافاقش بروحو حكمها من خصرها وقربها ليه حتى ولا وجهم قريب من بعض لدرجة يتنفسو نفس الهوا
مراد : آخر مرة تعاودي هاذي الكلمة راكي مرتي اااا حطبة وعندنا ولدنا افهمي
منار: بعد عليا دوكا راني مانحملش قربك مانحملش كي تمسني
مراد: لهذي درجة كرهتيني
منار دموعها طاحو
منار: واكثر ماتتخيل
طلعلها وجها بيديه
مراد: قوليها وشوفي في عيني قولي انو تكرهيني
منار ماتقدرش حتى تحط عينيها فيه علابالها تضعف شجعت روحها وهدرت بسيف وشافت في عينيه
منار: نكرهك
مراد قلبو ماحبش يأمن اما عقلو أمن حتى مافاقش بروحو وهدر
مراد: وأنا نعشقك
منار قلبها دق بلقاوي ودموعها طاحو كتر ماقدرتش تتحمل بدات تتحرك باش يخليها حتى خلاها وراحت خرجت تجري لشمبرة وين جاسر راقد غلقت الباب وطاحت تبكي بالساكت وتخبي شهقتها ، أما مراد بقى جامد في بلاصتو ودمعة طاحتلو ومسحها وهدر
مراد: راح نحاول نصلح علاقتنا علاجال ولدنا عارف انو خايفة على جاسر بسباب خدمتي بصح كي مزالني حي موحال حاجة تقيسكم نتوما كلشي عندي وعايش علاجالكم
YOU ARE READING
القاسي والبريئة (قصة جزائرية🇩🇿)
言情عندما يتحد القلب والعقل ياترى ماذا يحدث أول قصة لي أكتبها وأتمنى أن تنال اعجابكم ❤️
