القاسي والبريئة (قصة جزائرية🇩🇿)

✨الحلقة الحادية عشر✨

فاتوا ليامات على أبطالنا مصرا والو فيها لحق اليوم المنتظر بالنسبة للبوص ( مجهول) ولهو يوم المهمة تع تجارة الأسلحة لراح يستقبلوا الأسلحة في الميناء ومراد راح يدير هجوم عليهم
مراد : وجدتو كامل رجال حاجة ماناقصة يخي
أنس: إيه كلش واجد بقات ساعة ويلحقوا للميناء والرجال راهم فماك يراقبوا من بعيد
مراد : امممم مليح مالازمش تنجح مهمتهم لازم تفشل
لحقوا رجال سليمان وسليمان معاهم لراح يحكمو السلاح ومصطفى تان معاه
مجهول : كلش واجد استلموهم واقتلوهم على حسب خطة لدرتها فهمتو وباينة مراد هذاك راح يدير كاش حاجة معنتها دينا احتياطات في القناصات يقتلو رجالو
سليمان/مصطفى: مفهوم بوص
لحقوا المافيا لوخرا وهبط سيدهم
سليمان: مرحبا بيك سيد******
*******: مرحبا كالعادة حنا نمدولكم الأسلحة ونتوما دراهم
مدلهم سلاح ومدلهم سليمان دراهم مزورة مشي حقيقية وفي هاذيك دقيقة بدا هجوم من طرف مراد
********: شكون هاذو******
سليمان: خبوا السلاح في شاحنة المخفية ازربوا
داو الرجال ومصطفى تان الاسلحة هاذوك داوه لشاحنة احتياطية لدارها البوص وكان متأكد مراد راح يهجم عليهم
مراد :ن****** راهو ينسحبوا وداو الاسلحة لبلاصة وحدوخرة
كثرو رجال البوص ورجال مراد نقصوا
أنس: نظن ننسحبوا مراد
مراد:  كيفاه تت****** ماتهبلش خ****** مالازمش تنجح صفقة
أنس: بصح رجالهم زادو على تاعنا ودارونا فخ عندهم شاحنة وحدوخرة دارو فيها احتياط
مراد شاف مصطفى ركب في هاذيك شاحنة مع سليمان فماك زاد غلو كتر وعيط
مراد : راك نقتلكم موتكم على يدي يا ط******* خاصتن نتا يا مصطفى راح نعذبك اشد تعذيب كعندك يد في هذا الشئ يا حقير
أنس: هيا مراد لازم ننسحبوا
في كافيتريا:
كانو قاعدين منار وإيناس في كافيتيريا يشربو القهوة
إيناس: حقا عيطلك أيهم هذاك
منار : اففف نسيتو كامل
إيناس: إيه من الاحسن يبعد عليك أصلا
منار: ايه
إيناس: منار تبانيلي ماراكيش مليحة اليوما
منار تفكرت الكوشمار لحلماتو مي هيا من النوع لمتحبش تبين مشاعرها وخوفها
منار: نو راني مليحة راني عيانة برك
إيناس: إيه أصلا الخدمة طايحة علينا بزاف
منار : إيه كارثة
كانوا قاعدين يهدروا حتى يصوني تلفون منار
مدير: نسحقك في بيرو تاعي دوكا
وكوبا عليها
منار : اففف يعيي هذا الزمر واش يسحق من جدي
إيناس: شكون
منار: مدير هذاك
إيناس: يخاه علاه عيطلك
منار : علمي علمك ماعلاباليش واش يسحق مني قالي نلقاك في بيرو تاعي دوكا
إيناس نجي معاك ونستناك قدام الباب
راحت منار ولحقت للبيرو تاعو وطبطبت
مدير: مرحبا بيك آنسة منار
منار : اهلين بيك سيد******
مدير : فليل عندك مناوبة تخدمي فليل
منار : كيفاه مناوبة فليل أنا مانقدرش نقعد ليل كامل هنا بزاف و
مخلاهاش تكمل هدرتها
مدير : عندك مناوبة معنتها عندك مناوبة ماتنسايش تعويض لقلتيلي عليه مرة لفاتت
منار ماحبتش تخدم فليل خاصتن انو اليوما طونوبيلتها ماجابتهاش معنتها تخلاص عليها تروح أبيي في ليل على زهرها
منار : اوك سيد*****
وخرجت
إيناس: واش قالك منار
منار : عندي مناوبة فليل
إيناس: وشنو كيفاه هذا وتقعدي وحدك فليل هنايا
منار : ماعندي حتى حل معليش ماتقلقيش روحك عليا
إيناس: اففف كيفاه مانتقلقش عليك خلي نقعد معاك
منار : مستحيل تروحي لدارك وبلعي زمر فمك عليا
إيناس: أوه يعيي هذا كلب حمار
منار : نعيط لماما نقولها
إيناس: ايه عيطيلها
منار عيطت ليماها باس ماتتقلقش عليها وخديجة ماعجبهاش الحال كامل ماعلابالهاش علاه مارتاحتش تخدم فليل
خديجة : ايه بنتي ماطوليس عليا بزاف برك وانتبهي على روحك
منار : ايه ماما ماتقلقيش روحك عليا
كوبا عليها
لحق وقت المناوبة فليل منار قعدت في البيرو تاعها وحدها وقاعدة تخدم في الورق تع المرضى لعطاهوملها المدير وكملتهم كانت ساعة 1 كملت خدمتا وخرجت قاعدة تمشي ومن جيهة خايفة ماعلابالهاش علاه حتى حست واحد يلحقها وتدور وماتلقى حتى واحد حتى لحقت لوحد الحومة مهجورة وعرفت بلي غلطت في طريق
منار  اففف ياربي غلطت في طريق
قاعدة تمشي حتى سمعت صوت كلاب يعيطو وخافت بزاف وتزرب في مشيتها حتى خرجت في طريق رئيسي وعمرها ماجازت من طريق هذا حتى تحس واحد غملها فمها وقاعدة تعيط حتى طاحت