القاسي والبريئة (قصة جزائرية🇩🇿)

✨الحلقة 50✨

راحت منار لحقت لشمبرة فاطمة وقفت بعيد باش واحد مايشوفها حتى شافت سارة وأنس خرجو من شمبرة مع طفل صغير هدرت مع نفسها
منار: تزوجو ورجعو كيفكيف وعندهم طفل سارة تستاهل كل خير مبروك عليهم
حتى شافت الباب تفتح وقلبها دق بالقاوي حتى شافتو ايوه شافتو خرج مع مجد دموعها طاحو ويدان ماقدرتش تشد روحها ماتكذبش على روحها توحشاتو بزاف قاعدة لاحظت بلي ضعف شوية بصح هكاك باقي زين وزاد زيان كتر مسحت دموعها تحاول تشد روحها وتقوي نفسها حتى شافتهم راحو راحت تجري فتحت الباب ودخلت
فاطمة: كشما نسيتو و
ماكملتش كلامها وتصدمت كي شافت منار لراحت عنقتها وسلمت عليها
منار: جدة راكي مليحة
فاطمة: منار وين كنتي يا بنتي وين رحتي وخلتينا وخليتي ولدي يعاني
منار: سامحيني جدة كنت مضطرة يخي نتي حالتك مليحة
فاطمة: مليحة بنتي خليتي فراغ كبير توحشتك
منار: حتى انا توحشتك جدة
فاطمة: ماعلاباليش علاش نحسك قريبة ليا بنتي
منار دموعها طاحو حتى هدرت
منار: جدة حبيت نخبرك حاجة
فاطمة: غير الخير بنتي
منار مسحت دموعها وحاولت تتمالك نفسها
منار: جدة يخي نتي كانت عندك طفلة
فاطمة: امممممم راحت ومابانش عليها خبر بسباب باباها
منار: جدة بنتك هيا ماما
فاطمة تصدمت
فاطمة: كيفاه ماماك مافهمتش
منار: جدة انا قبل 5 سنين عرفت كي جيت نسافر المهم راني خبرتك
فاطمة: ياوخدي على بنتي معنتها نتي حفيدتي يا نور عينيا
منار عنقتها وفاطمة تان بداو يتباكاو
فاطمة: وينها كبدتي حابة نشوفها
منار: دارت عملية ليوما
فاطمة: لازم نشوفها دوكا لازم
حكمتها منار
منار: جدة ربي يعيشك مشي دوكا مزالكي عيانة خلي ترتاحي شوية تشوفيها نوعدك
فاطمة: ايه المهم نشوف كبدتي لتشوات عليها
منار: إيه دوكا نخرج جدة وعيشك ماتقولي لحد أنك شفتيني
فاطمة: ايه بنتي
سلمت عليها منار وناضت فتحت الباب وطلعت راسها وياريتها مافتحتش الباب وتقابلو عينيهم بعد 5 سنين شافو في بعضاهم كل نظرة تحكي حاجة منار تسمرت في بلاصتها ومراد تصدم و نظراتو باردين منار فاقت على نفسها ماحبتش تضعف قدامو تمالكت نفسها ودموعها عالشافر اما حالة مراد مانحكوش عليها جات جايزة حكمها من يدها زير عليها بلا ماحكا كلمة غلق الباب وراح داها لشمبرة وحدوخرة فارغة في سبيطار وهي تحاول تنحي يدها منو حتى غلق الباب ولصقها في الباب
مراد: علاش وليتي
منار ماقدرتش تشوف في عينيه وتسمرت في بلاصتها ودموعها عالشافر
منار: معليش تطلق يدي واجعتني
حكمها مراد من وجها وطلعهولها وطاحو عينيها فيه
مراد: احكي علاش وليتي بعد ماخلتيني وانا في فراش تع الموت احكي عندك وجه تقابلي بيه
منار قعدت ساكتة كلمة تع فراش موت كسرتلها قلبها من جهة عندو الحق بصح من جهة مايلومهاش دارت هكذا باش تحمي جاسر من اعدائو والمافيا ليحاربوه وهو اصلا كان رافض فكرة لولاد
حتى تجرأت وهدرت
منار: ماوليتش عندي خدمة هنايا
مراد لاحظ برودها بالنسبة ليه تبدلت بزاف مشي منار ليعرفها حتى بدا يضحك وحدو ويصفق
مراد: برافو رحتي وخليتيني بلا ماتبرري وزيد محال نتي تكون منار لنعرفها ولتزوجتها صح دمرتلك حياتك ودخلتك في لعبي بصح مشي تلحقي تهربي وتخليني وانا في فراش الموت بلا ماعلابالك بيا لهذي درجة كرهك كبير ليا
منار أول مرة تسمع يقول أسمها شافت فيه
منار: كلش فات دوكا وكان من زمان وانا نسيتو ونتا حاول تنساه
مراد ماقدرش يتمالك نفسو وعيط عليها وحكمها من حزامها وقربها ليه
مراد: لهذي درجة وصلتي كلش نسيتيه راكي ت***** بيا أنا لي رخيس لحبيتك و عشقتك بكلك فاهمة أنا لي رخيس لتخيلت حياتي كامل معاك وفي الآخر هربتي مني
منار ماقدرتش تشد روحها ودموعها طاحو من هدرتو خاصتن كي قالها عشقتك بكلك عرفت بلي جرحاتو وكسرتلو قلبو حتى هدرت
منار: نصيبنا ماكانش كيفكيف ونتا تزوجتني بلا ماعلابالي ومسيتني غصب عليا بصح رغم هذا شئ حاولت وخبرتك اخرج من مافيا بصح ماحبيتش ودوكا قاعد تلوم فيا
مراد: لهذي درجة انانية خفتي على روحك ورحتي خليتيني علاجال هاذا الشئ واش كاين في عقلك هذا كيفاه تخمي يا حطبة مزالكي حطبة وتبقاي حطبة
منار هدرت مع نفسها: مارانيش أنانية درت هكذاك علاجال ولدنا
منار: اطلقني دوكا
مراد قاعد يشوف فيها حتى بعد عليها
مراد: ماتزيديش توريلي وجهك مرة ثانية فاهمة اذا شفتك مرة ثانية نقتلك عادي بالنسبة ليا  ونتي خرجتي كيما هاذوك ق****** نفسهم
منار قلبها تجرح وكسرتها هدرتو لخرة شدت روحها ومسحت دموعها وخرجت
كي خرجت مراد كسر كامل واش كاين في شمبرة هاذيك وقاعد يعيط
مراد: علاش درتي هكا فيا ودمرتيني علاش وليتي وشوفتيلي وجهك علاش
قاعد يكسر في كلش حتى حبس وقعد فلرض و طاحت دمعة من عينو دمعة راجل واعرة مسحها وهدر
مراد: حبيتك وعشقتك نتي الوحيدة لقدرتي داويني ومع لخر نتي لي مرضتيني وعذبتيني محال نجوزهالك على خير يا منار الجابري
في شمبرة خديجة:
إيناس: اوه طولت
دخلت منار في هاذيك دقيقة ودموع في عينيها إيناس خلعت من حالتها
إيناس: منار وشبيك واش صرالك
منار: شفتو يا إيناس شفتو
إيناس: اشششش ماتبكيش ماتعذبيش روحك نتس دوكا كونتي روحك وماتضعفيش
منار: قلبي راهي شاعلة فيه نهار مارانيش قادرة نتنفس ياربي
إيناس عنقتها
إيناس: اشششش خلاص علاجال جاسر اسكتي راهو هنا ونتي تبكي قدامو
مسحت دموعها ودارت عند جاسر لي لقاتو يلعب مع خديجة حتى راحت عندو ورفداتو وحضناتو وتبكي
جاسر:  وشبيك مامي تبكي
منار ماقدرتش ترجعلو قاعدة تبوس فيه خايفة يديهولها مراد محال تقدر تعيش بلا جاسر
حط جاسر يديه على خدودها وقاعد يمسحلها في دموعها
جاسر: مامي يخي نتي قوية
منار: قوية يا عمري كي تكون نتا معايا تقويني ياروح قلبي
جاسر: خلاص ماتبكيش
منار: يخي ماتقدرش تروح وتخليني ياك
جاسر: لالا مانخليكش كيفاه نخلي ماما
عنقاتو حتى هدرت خديجة
خديجة: بنتي وشبيك
منار: مبعدا نحكيلك ونراه هيثم يخرج جاسر هنايا يشم هوا ولا أدهم
إيناس: أدهم راح يشوف عيلتو دوك نعيط لهيثم
عيطتلو ايناس وقالها راني جاي لحق هيثم وخذا جاسر معاه
منار: ماما راني حابة نخبرك بحاجة بصح ماتتقلقيش
خديجة: اهدري بنتي ماتخلعينيش عليك
منار: ماما تلاقيت بجدة فاطمة ولي تكون جدة مراد وجداتي تان
خديجة دموعها طاحو
خديجة: وشبيها واش جابها لسبيطار
منار: تعبت برك وجابوها اسمعيني خبرتها انك هنا وحابة تشوفك وفرحت بزاف
خديجة: مرانيش قادرة يابنتي
منار: ماما هيا تكون يماك وتقدري ماتخافيش هيا تحبك بزاف
خديجة: حتى انا نحبها
منار: نتي ماتقدريش تشوفيها راكي دايرة عملية دوك هيا حبت جي وبما انو تلاقيت بمراد ماعندي وين نتخبى برك جاسر نخبيه دوك نروح نجيبها ونجي
خديجة: ايه بنتي
دخل مصطفى
مصطفى: واش كاين وشبيكم
منار: تحكيلك ماما انا دوك نجي

رايكم لبنات في البارت ومراد عندو الحق كهدرلها هكذاك ولا منار عندها حق كي خلاتو باش تحمي وليدها من أعدائو ❤️