القاسي والبريئة (قصة جزائرية🇩🇿)

✨الحلقة السابعة والثلاثون ✨

دخلوا لدار كلحقت ساعة 5 راحت منار لفريجيدار تشاهات نوتيلا دات باطة وراحت قعدت فوق الفوتاي تع صالون وقاعدة تاكل وتبنن حتى هبطت عندها إيناس
إيناس: اوه تاكلي وحدك
منار: اممم هاذي خاصة بيا
إيناس: منار حبسي كثرتي منها بزاف لكشما يصرالك
منار: مايصرالي والو
كملت منار حطتها في فريجيدار راحت قعدت في صالون وتتفرج ومعاها إيناس حتى حست روحها راح تتقيا راح تجري للسالدوبان تقيات إيناس تبعتها
إيناس: يا طفلة خبرتك ماتكثريش منها
منار: بصح موالفة ناكلها كترمن هكا مايصرالي والو
إيناس: إيه كل مرة كيفاه
مسحت فمها وراحت شربت لما وطلعت لشمبرتها مست كرشها كي وجعتها راحت قعدت فوق الفراش اصلا ملي ناضت وحاسة روحها مشي نورمال وخاطرها ضايق حتى تكسلت في الفراش وغفات
جازو سوايع حتى لحقت ساعة 8 جات إيناس عندها لقاتها راقدة
إيناس: يخاه ياطفلة وشبيك ترقدي بزاف نوضي تتعشاي
منار: مرانيش قادرة إيناس كرشي قاتلتني ودوخة لاعبية فيا
راحت إيناس مستلها وجها مالقاتش عندها الحمى
إيناس: ماعندكش الحمى معليش نوضي نتعشاو درت باستا لتحبيها
منار: مارانيش قادرة
إيناس: منار خبرتك نوضي معنتها نوضي
ناضت منار وعيات أصلا تمشي راحت غسلت وجها لقاتو صفر حالتو حالة حتى تمتمت
منار: زعما هيا راح تجيني بصح مشي موالفة تقييني وأصلا طولت ماجاتش
راحت هبطت لتحت في كوزينة قابلتها إيناس في طابلة قعدت وبدات تاكل
منار: يسلم ايدك إيناس بنينة بزاف
إيناس: الله يسلمك عمري علابالك وجهك صفر ماعجبنيش راكي مريضة جاتك العادة
منار: ماجاتنيش من سمانة لفاتت وانا نستنا فيها طولتلي بزاف
إيناس خممت في حاجة خلاف وخافت تقولها و نحات الفكرة من راسها
إيناس: ايه يمكن طبيعي معليش نتي كولي مليحة الماكلة ليك شدي اشربي جو
كملت منار وراحت لصالون قعدت تبعتها إيناس حتى شافتها ناضت تجري للسالدوبان تتقيا
منار: اهئ اهئ اهئ
إيناس: يخاه واش صرالك وشبيك تتقياي
منار: ماعلاباليش وشبيني اهئ اهئ
إيناس: منار
منار: واش
إيناس: يمكن يمكن تكوني
منار: واش نكون مافهمتش
إيناس: حامل
منار دوخة لعبت بيها وشدت روحها كسمعت إيناس قالتلها هكاك دموعها طاحو شلال
منار: مارانيش حابة
إيناس: معليش ماتقلقيش روحك يمكن ماراكيش حامل ارواحي معايا لصالون
قعدتها فوق الفوتاي
إيناس: وقتاش آخر مرة مسك فيها
منار: في اخر مرة كراح يسافر
إيناس: يمكن تكوني حامل ويمكن لالا
منار: مرانيش حابة طفل منو مرانيش حابة انا روحي ماحميتهاش كيفاش نحمي طفل يكبر داخلي
عنقتها إيناس
إيناس: ماتبكيش عيشك علاش تقولي هكا اذا كتبها ربي فيها خير دوك نقول لڨارد يشرينا تاست باش نتأكدو
منار: امممممم قوليلو
راحت إيناس قالت لڨارد يشري تاست بعد نص ساعة جابو من فارماسي
إيناس: هيا نوضي جربي
منار: لالا خايفة
إيناس: نوضي علاش تخافي وشبيك اذا كنتي حامل حاجة مليحة هيا روحي
دخلت منار لسالدوبان وترعش سياتو حتى قاعدة تستنى وخرجتلها بوزيتيف فماك زادت في بكيتها تبكي بالشهقة دخلت عندها إيناس تجري لقاتها طايحة فلرض وتبكي
إيناس: وشبيك منار علاش ديري في روحك هكا
منار: مارانيش حابة طفل منو مرانيش حابة يكون عندي في كرشي جزء منو باسكو حياتي مشي مأمنة مالا حياة الولد كيفاه ياربي
إيناس عنقتها وقاعدة تواسي فيها
إيناس: منار وشبيك وليتي هكا احمدي ربي ناس تتمنى يولي عندها طفل وماتنسايش هو جزء منك نتي تان مشي غير هو فاهمة هو ولدك نتيا
منار: امممممم ولدي وراح نصير أم
إيناس: ايه راح تصيري احلى ام وانا خالة امسحي دموعك ماتهبلينيش
منار مسحت دموعها وناضت مست كرشها
منار: راح نتهلر فيك وماراحش نخلي اي حاجة تقيسك نتا ولدي وروحي وقطعة مني
إيناس: منار راح تخبريه
منار شافت فيها ودموع طاحولها
منار: لالا مانخبروش باسكو قادر يقتلو
إيناس: وشنو كيفاش يقتلو هبلتي كيفاه اب يقتل ولدو
منار: ماعلاباليش منار خفت هو مايحبش لولاد وزيد هو مافيا ومانعرف ليحمينا فاهمتني
إيناس: بصح عندو الحق يعرف هو ولدو تان
منار: امممممم بصح مارانيش حابة نربيه في وسط الخطر خايفة يصرالو شئ وزيد انا دوك نسقسيه اذا تخلي المافيا واذا قالي لالا حياتي مستحيل تكون معاه باسكو ولدي يكون في خطر
إيناس: بصح هو يحميكم
منار: عارفة بصح حتى هو حياتو مهددة وفي خطر
إيناس: ارواحي ارقدي على حجري
رقدت منار وايناس قاعدة تمسحلها على شعرها
إيناس: هو قطعة منكم في زوح فاهمة وانا راني فرحانة كترمنك كي راح نولي خالة ياي حالا
منار ضحكت عليها في وسط بكاها
منار: اجمل حاجة نني تولي خالة إيناس: ايه علابيها حالتك هكا ووجهك صفر وهذا كامل بسباب ولدك الفصعون
منار: امممم إيناس روحي ارتاحي تعبتك معايا بزاف انا دوك نقعد شوية في صالون ونطلع
إيناس: وشمن تعب ياطفلة
منار: مرسي كي راكي معايا
إيناس: بلا مزيتي يخي حنا صحابات
منار: روحي ريحي راكي تباني تعبانة ماتقلقيش روحك عليا راني مليحة
إيناس: اوك عمري كيما تحبي
راحت إيناس ومنار مست كرشها وطاحو دموعها
منار: راح نحاول نحميك نتا قطعة مني ومن من باباك
طاحو دموعها كتر حتى غفات فماك بلا ماجيب خبر
صوت الباب تفتح دخل برك لقاها راقدة فوق فوتاي حالتها تشف المومن هو حار وشبيها حالتها هكا ووجها صفر وباين عليها كانت تبكي راح قعد فلرض على ركبتو مسحلها على شعرها حتى باسها بوصة مرصوصة على راسها وناض رفدها داها لشمبرتها حطها في الفراش وهي معنقاتو في رقبتو شاداتو بيديها جا يبعد حتى تنطق في وسط نومها
منار: مراد
هو قلبو دق كسمعها قالت أسمو هبط على شفافها باسها جا يبعد ماقدرش بدا يبوسها بعنف حتى بدات تفيق وحست واحد يبوس فيها حتى طاحو دموعها شلال كعرفاتو هو من ريحتو شكون من غيرو تكذب عليكم اذا ماتفاعلتش معاه تفاعلت معاها وحطت يديها في لحيتو ماحبس حتى حس النفس يتقطع عليها بعد وهو ينهج و شاف دموعها ليطيحو شلال وجعتلو قلبو حلت عينيها شافتو ماتكذبش على روحها توحشاتو بزاف توحشاتو قاعدة تتفحص في وجهو حتى دنات يدها وحطتها على خدو وهو ساكت ويشوف حتى بعدت يديها وغطات وجها وطرطقت بالبكا هو حار فيها
مراد: وشبيه س***** تبكي
منار: ماتهدرش معايا فاهم وتان ماتزيدش تقرب مني وتبوسني
مراد: حبسي تمسخيرك و بكا ماتنوضليش ******
منار حبست بكا ونحات يدها على وجها قرب منها رفدها حطها في حجرو وهيا تصدمت
منار: واش راك دير رجعني للفراش
مراد كيلها من الفوق لتحتت وهاذيك روبة لمفصلتها
مراد: وشبيه وجهك صفر
منار طاحو دموعها تان كتفكرت بلي راهي حاملة بولدو
منار: مابيا والو
مراد: راكي مريضة
منار: شوية برك علاجال الماكلة مرانيش ناكل
عيط عليها
مراد: س**** راح تخرجيني من ملة محمد يخي كاين كلش فدار
منار: ماتعيطش عليا فاهم علاش كلش ديرو بالعياط والعنف انا تعذبت في حياتي بسبابك ودمرتلي حياتي ودخلتني ضحية في لعبكم نتا وبابا وتزوجتني بلا ماعلابالي وتقربت مني وخليتك تاني مرة تتقرب مني وهكا مزالني متمسكة بصح نتا مراكش تحس بيا اهئ اهئ ماراكش تحس
مراد قسمتلو قلبو وعندها الحق ڨاع واش قالت بصح هو فرحان كتزوجها وكولات ملكو وتاعو وحدو هيا علاش ماعاجبهاش الحال وحابة تبعد عليه حضنها خباها في حضنو لكان يلقى يدخلها داخل قلبو وواحد مايشوفها غرس وجهو في رقبتها ويشم في ريحتها لتخدرو حتى همستلو
منار: بعد عليا