القاسي والبريئة (قصة جزائرية🇩🇿)

✨الحلقة الاولى ✨

في الليل
منار كانت راقدة في شمبرتها في سابع أحلامها فجأة سمعت يماها تعيط ناضت بسيف باسكو كانت عيانة من الخدمة وخرجت من شمبرة راحت لصالون وشافت باباها مقلق من وجهو ويماها تان حتى نطقت
منار: واش كاين ماما واش صرا وشنو هذا العياط في نص ليل
ينطق باباها مصطفى
(مصطفى): مكان والو ارجعي لشمبرتك منار
منار: كيفاه مكان والو سمعت ماما تعيط واش صرا بابا
مصطفى وهو يعيط:قلتلك ولي لشمبرتك ماتفهميش مكان والو
منار: ماما واش صرا
خديجة:مكان والو منار برك أنا وباباك ضاربنا هذا مكان
منار مأمنتش مي قالت في بالها بلي ضاربو كيما موالفين بصح حارت كيفاه يضاربو فنص ليل وناس ڨاع راقدة
منار: بصح ماما فنص ليل تضاربو وناس راقدة مشي لهذي درجة
خديجة : سمحيلنا بنتي نوضناك ولي ارقدي
شافت منار في باباها لقاتو مقلق وحارت كيفاه راهو مقلق لهذي درجة لأنو أول مرة تشوف حالتو هكا

Flash back
مصطفى كان قاعد في صالون و يهدر في تلفون مع يدو اليمين في الخدمة
ملاحظة:مصطفى يخدم مدير الأعمال في شركة خارجية معروفة
مصطفى: خلاص عادل مهم نتا قمت بواجبك ودوك ندبر راسي
عادل:بصح سيدي لازم ترجعلو دينو ماتقعدش مربوط معاه نتا ماتعرفوش مليح هو مشي انسان وحش وناس كامل تخافو وعلابالهم بلي خطير
مصطفى: إيه أنا كانت عندي غاية من انو ديت من عندو دراهم مي دوك نرجعهوملو في الوقت المناسب
عادل:على أي حال سيدي تحتاج حاجة راني هنا

مصطفى: ايه
سمع مصطفى واحد يطبطب في الباب
مصطفى:واحد راهو يطبطب هيا نخليك
عادل: هيا  غدوة ان شاء الله
راح مصطفى فتح الباب وانصدم كلقاه هو
.......: واش حسبتلك راح تهرب مني
مصطفى:كيفاه عرفت داري وين جاية قلتلك راح نرجعلك دراهمك
........: حاجة ساهلة بالنسبة ليا واش راك تشوف فيا****راك ماتعرفنيش مليح فهمت
مصطفى: راح نرجعلك دراهمك ماتفهمش
........: مادورش في جيهتي فهمت
قرب منو
........:راني عارف حقيقتك وشكون نتا وغمزلو
مصطفى:مافهمتش وشمن حقيقة واش راك تخلط
.........: نتا تعرف حقيقة واش راك تخدم
مصطفى تقلق وعيط عليه
مصطفى: شكون نتا واش دخلك في خدمتي دينك راح نرجعو و
ماكملش هدرتو ومراد خرج سلاحو من جيبو وحطو في راسو هبطت خديجة تجري في دروج
خديجة: ماتقتلوش تعيش
مصطفى:خديجة ماتتدخليش ارجعي لشمبرتك
خديجة: شكون هذا مصطفى
مراد: عندك عائلة اتهلى فيها فهمت
يروح مراد وبعدتيك يحبس ويدور وشاف فيه نظرة حقد وقاسية
مراد: عارف حقيقتك مادورش بيا فهمت