القاسي والبريئة (قصة جزائرية🇩🇿)

✨الحلقة الثامنة والأربعين ✨

في الصباح:
منار : هيا جماعة لتروح علينا طيارة ازربوا
هيثم: افففف العبد ممبا ماشبعش رقاد
أدهم: نتا بقالك غير رقاد
إيناس: يخي مانسيتو والو
هيثم: افففف نسيت Chargeur نروحو نجيبو استناو
منار: دايما هذا مهبلنا
أدهم: ربي يصبرنا وخلاص
جاسر: ماما راني فرحان كي راح نسافر لجزاير
منار: امممممم
إيناس: اا جاسر راني خايفة تولي تحب جزاير كترمن ترك
جاسر: ماعلاباليش على حساب اذا شفت فيها فراشات نصيدهم
إيناس ضحكت وأدهم تان حكماتو منار
منار: جاسر شكون علمك هاذ الشئ تع تصيد فراشات
جاسر: ماما سر مانقدرش نقولك
منار: جاسر ماتهبلنيش قولي شكون
خرج هيثم من شمبرة
جاسر: عمو هيثم هو لقال هكا
هيثم: واش قلت
منار: هيثم شوف طفل صغير واش تعلم منك
هيثم: والله ماراني فاهم واش تعلم
منار: يصيد فراشات
هيثم: ايه ويصيد وشفيها منعتو
ضرباتو إيناس على كتفو
إيناس: اففف منك يا هيثم تعلم طفل صغير يشوف لبنات كيما حالتك
هيثم: اااا هذا قصدكم معليش طفل صغير يكبر ينسى وأصلا بلاك خرج لباباه
منار: واش دخل باباه
إيناس: ايه يا هيثم راح تخرجنا من عقلنا المهم هيا نروحو لتروح طيارة علينا
هيثم: خلاص ماقلت والو
منار: هيا مشي وقت تمسخير
أدهم: تهدرو تهدرو وبعدتيك تفيقو على رواحكم وطيارة تروح هيا
في بلاصة خلاف:
هابط من دروج حتى شاف جداتو قاعدة قعد قدامها
مراد: جدة كيراكي
فاطمة: مليحة ولدي
مراد: جدة تبانيلي راكي مريضة شوية
فاطمة: برك رجليا راهم يوجعو وهبطلي سكر هذا مكان
مراد: جدة يهبطلك سكر كي تتقلقي ونتي علاش تتقلقي
فاطمة: الله غالب ولدي مكانش شكون مايتقلقش
مراد:حالتك مش عاجبتني
مجد: علاه وشبيك جدة
فاطمة: راهو زاد ثاني مابيا والو برك عيانة ورجليا يوجعو هذا مكان
مراد: وسكر هبطلك
مجد: جدة ندوك لسبيطار دبري راسك
فاطمة: مانروحش وانا مابيا والو
مراد: علاش جدة
فاطمة: باسكو مابيا والو نتوما تكبرو فيها
مجد: معليش دبري راسك
مراد: دايما تيبسي راسك
فاطمة: ايه ولدي نسيت روحك نتا
مراد: ايوه وليتي ليا دوكا بصح معليش كيما تحبي
مجد: ايه خليها دير رايها
راح ركب طونوبيلتو وديمارا لحق لشركة هبط راح لبيروه يخدم خدمتو حتى يدق الباب ويسمحلو بدخول دخلت مرا تمشي بإغراء قدامو وهو ولا على بالو
مراد: شكون نتي
ميرا: مسيو مراد انا السكرتيرة الجديدة
مراد: تقدري تخرجي دوكا
كمل خدمتو حتى صونا تلفونو ورفد
مراد: كاش أخبار لقيتوها على سعيد
ڨارد : سيدي عرفنا بلي هو حاليا راهو خارج البلد أما بخصوص فاضل هو موجود في بلاد
مراد: امممممم لازم تعرفو وكتاه يولي وفاضل زيدو حوسو على بلاصتو
ڨارد : حاضر سيدي
كوبا عليه وتمتم
مراد: نتا محال تكون عمي كنت عارف شكون قتل بابا ولي هو خوك وهكاك سكتت وكنت رئيس مافيا تع أعدائي راح تخلصوها غالية تشوفو القاسي واش يدير
ناض راح خرج
في المطار:
هبطوا من مطار كل واحد يجر فاليزة تاعو شموا ريحة بلادهم كل واحد حامل في داخلوا حكاية وذكريات في هاذي البلاد
إيناس: لدوك مارانيش مأمنة بلي رانا في جزائر
هيثم: إيه شفتي
أدهم: المهم شمينا ريحة بلادنا
منار: امممممم مهما يصرا هي تقعد بلادنا لتربينا فيها
أما جاسر كان راقد في حضن منار حكموا طونوبيل وصلتهم لأوتيل لراح يقعدو فيه كل واحد حكم شمبرتو رقدو ساعتين يرتاحو شوية حتى ناضت منار راحت دارت قهوة تصحصح بيها
منار: أوها راني في جزاير بعدما رحت منها محطمة ومدمرة كليا وليت ليها بصفتي ايدا أوغلو رجعت قوية من برا بصح من داخل ضعيفة ومالازمش نضعف لازم نتحكم في نفسي جيت نشوف ماما وعندي عملية لازم ننجح فيها هذا هو صح
راحت خذات دوش و قاعدة تخير واش تلبس حتى خيرت تلبس 👇