القاسي والبريئة (قصة جزائرية🇩🇿)

✨ الحلقة الثامنة عشر ✨

كان راقد على كرشو لابس شورط وعريان من الفوق حتى يصوني تلفون وينوضو من رقادو
مراد: شكون ط***** حتى العبد ماتخلوهش يرقد بعقلو
أنس: يا أخونا وشبيك نوض أصلا عندك إجتماع على 11 راهي 10
مراد: ق***** يا ****** تعيطلي علاجال خ**** تع الإجتماع
أنس: بصح
ماكملش هدرتو وكوبا في وجهو
ناض خذا دوش وخرج ينشف شعرو و راح لدريسنغ يخير واش يلبس حتى صونا تلفونو و رفد
فاطمة: واش ياولدي تسافر وماجوزش عليا تسلم كأني مرانيش جداك لرباتك
مراد: سمحيلي جدة بصح خرج عندي شغل لازم نكملو علابيها
فاطمة: مالا يا سخطة تفضل خدمتك عليا
مراد: لالا جدة مشي هكا تعرفيني نحبك بزاف
فاطمة: حبس تبلعيطك المهم دبر راسك غدوة جي
مراد: عندي شغل مانقدرش غدوة
فاطمة: مانعاودش هدرتي مرتين وراني دايرتلك ماكلة لتحبها
مراد : ايه مالا نجي علاجال ماكلة
فاطمة: شوف سخطة يحب ماكلة كترمن جداتو
مراد: لالا نتي كتر المهم لازم نكوبي عندي اجتماع
فاطمة: اهرب اهرب راني فايقتلك
علاقة مراد بجداتو فاطمة مختلفة بزاف معاها يولي انسان وحدوخر كانو مشي نفسو هذاك لقاسي وليقتل
منار: ياسمية مانحبش باذنجان علاه درتيه مع صباح ربي
سمية: البوص يحبو علابيها درتو
منار: افففف يعيي كشغل مانعرف واش يكون
سمية: يا منار كاش نهار تتحاسبي على هذا لسان لعندك
منار: معليش لساني حرة فيه
مراد: وأنا نقطعهولك
منار: قطع تاعك هو لول
سمية خافت بزاف راحت هربت خلاتهم وحدهم
قرب ليها حتى لسقها مع الحيط
منار: معليش تبعد عليا
مراد: ماترجعيليش الهدرة راكي ماتعرفينيش واش نقدر ندير
منار غزرت في عينيه ونطقت
منار: واش مزال راح ديري تقتلني زعما
مراد قاعد يشوف في عينيها والقوة لفيهم حتى واحد ماسبق يحط عينو في تاعو الرجال ليخدمو عندو ماداروهاش وحتى ختو
مراد: مشي نقتلك نعذبك وقتيلة نخليها في لعزاز عليك
منار خافت وقاعدة تشوف في عينيه لنظرتهم باردة ماتعبر على حتى حاجة حبت تقراهم وماقدرتش
منار: مشي لازم يتدخلو والديا وصحبتي مع انو علابالي بابا هو سبب بصح مام نتا ماتنساش روحك
مراد: بلعي*****تع فمك
منار: خلاص معليش تبعد عليا راني تخنقت منك
مراد قرب لوذنها وهمسلها : مزال تزيدي تتخنقي مني
وغمزلها وبعد عليها وراح خرج ديراكت وهيا قعدت واقفة وجامدة حتى فيقتها سمية من سرحتها
سمية: منار كشما دارلك
منار: والو واش يديرلي انا راني طالعة لفوق
راحت طلعت وسمية حارت وشبيه مزاجها تبدل في ثانية
منار دخلت لشمبرتها ورمات روحها على سريرها
منار وهي تبكي: علاش هكا يصرالي كرهت من هاذي بلاصة توحشت ماما وحياتي لقديمة وكلش طحت مع وحش مشي إنسان حتى تلفون ماعنديش خفت نجيب تلفون من سمية و يقتلها نورمال عندو
في بلاصة وحدوخرة:
خديجة: مصطفى بنتي عندها زوج سمانات قريب شهر ماشفتهاش ونتا ماعلابالك بوالو حتى ماكلفتش روحك تحوس عليها
مصطفى: لراني نتعامل معاه شيطان اذا ماراكيش فايقة نفضل تقعد معاه ولا تموت فاهمة
خديجة: بصح توحشتها حبيت نشوفها قلبي تشوا راهي كبدتي يا مصطفى
عنقها مصطفى وحاول يهديها
مصطفى: دوك تولي عندنا ماتخافيش حتى انا توحشتها دار بلا بيها والو
سمعو واحد يطبطب ناضت فتحت خديجة
إيناس: كيراكي خالتي خديجة
خديجة: حمد لله بنتي ونتيا احوالك
إيناس: حمد لله خالتي كاش اخبار على منار
خديجة : والو يابنتي
إيناس: ماتقلقيش روحك نعرفها منار قوية وراح تولي لينا
خديجة: ان شاء الله يابنتي
مصطفى: كيراهي الخدمة إيناس
إيناس: مليحة عمي
مصطفى: قلتي لمدير على قضية منار
إيناس: وي خبرتو
مصطفى: يعطيك صحة بنتي
في الشركة:
كان خارج مراد مع أنس من غرفة الإجتماعات ودخلو للبيرو
أنس: معنتها راح دخلها في مهمة
مراد: امممم
أنس: وإذا كشما صرالها ولا حاولت دير حاجة
مراد: مراح تقدر دير والو علابالي
أنس: واثق منها
مراد: مهددها بصحبتها تحبها بزاف
أنس: ايه نتا اصلا شيطان شكون يقدرلك
مراد: راك بديت ت***** طپق اخرج ماتخليش***** ينوضلي
أنس: خلاص راني هارب
في القصر:
كانت منار قاعدة في الساحة وتتأمل في سماء وتخمم
منار: لازم ندير خطة تع الهربة في اقرب وقت مور مانكمل امر تع الحفلة
سمية: وشمن هربة ياالمهبولة
منار: اففف سمية خلعتيني
سمية: مالا راح ديري واش كاين في راسك وتهربي
منار: سمية نتي ماعلابالكش واش راني نعاني كل ليلة كل مانجي نرقد نبكي نتفكر والديا وحياتي قديمة وصحبتي تان توحشتهم بزاف راني حابة اموا نشوفهم من بعيد افهميني كيفاه في ليلة ونهار تتقلب حياتك وتلقاي روحك مخطوفة ومحبوسة في بلاصة وتعرفي بلي باباك سبب.
عنقتها سمية ومنار تان كانت حابة واحد يواسيها ويفهمها وتفرغلو قلبها ، في هدرة منار لخرة سمع كلش مراد حس بلي هي صح ضحية بصح تمتم نظف هذوك الأفكار وقال بلي لازم تتحمل مصايب باباها
مراد: نظن مانعاودش هدرتي مرتين
بعدت سمية عليها ومنار مسحت دموعها تمتم
منار: واش تسحق
مراد مابقاش ويقتلها دوكا راهو متحمل برك حتى راح عندها وجبدها من يدها و جرها معاه رايح لشمبرتو
مراد: مانسحق حتى واحد يدخل
سمية خافت وراحت دخلت لشمبرتها أما منار قعدت جامدة
منار: اطلق يدي
مراد مارجلعاش ودخلها لشمبرتو وهي أول وحدة دخلتها ورماها ديراكت في سرير
مراد: واش قلتلك على لسانك ماتخلينيش ندير معاك تصرف تنساي روحك ممبا شكون نتي
ناضت منار من سرير و قربت منو وغزرت فيه ديراكت في عينيه
منار: مرانيش عندك خدامة باش دير واش تحب فيا
مراد زيرلها على فكها ومنار متوجعة بصح هكاك ماحبتش تبينلو
مراد: فمك يا***** فمك نكسرهولك ماترجعيليش الهدرة عندك زهر راح تحضري معايا لكان راني فسدتلك خليقتك
منار: بعد يدك بعد وجعتني
هبطو دموعها حتى طلقها
مراد: راح يجو عندك ليوجدوك تكون واجدة في ساعتين وماتنسايش واش اتفقنا ولا ودعي صحبتك
منار: لهذي درجة نتا هكا من واش مصنوع
قرب مراد عندها كتر
مراد: ماتكثريش الهدرة معايا
منار: نتا شيطان بحد ذاتو
مراد: مليح كعرفتي مالا
منار: لوقتاش راح تقعد حابسني
مراد: سقسي باباك
منار: ان شاء الله نموت ونتهنى منك ومن بابا
مراد ماعلابالوش علاش ماعجبوش الحال كذكرت سيرة الموت حتى جبدها من يدها وزير عليها
مراد: ماتقدريش تموتي بما أنو انا عايش
منار مافهمتش هدرتو كامل واش راهو يهدر وبعدتيك نطق
مراد: لأنو لازم نعذبك قبل
مناره: واش درتلك باش تعذبني
مراد: بلعي***** تع فمك دوكا راح يجو يوجدوك
وخرج من شمبرتو ومنار بمجرد ماخرج طرطقت بالبكا
منار: ياربي سلكني ماقدرتش نتحمل ولا نتحمل هاذي العيشة لفي دقيقة حياتي تبدلت
مسحت دموعها وفاقت بلي راهي في شمبرتو للقاتها كامل كحلة
منار: كي هو كي شمبرتو الكحلة لتبين شخصيتو وظلامو لعايش فيه

جماعة اعطوني رايكم في الحلقة  وليوما البارت طويل وراهم جايين حلقات شابين ماعليكم غبر تتفاعلو وتكملو الكرونيك