القاسي والبريئة (قصة جزائرية🇩🇿)

✨ الحلقة الثالثة والثلاثون ✨

خرجت من شمبرة سارة هبطت لتحتا باش تشرب كاس لما من كوزينة لقات فيها مريم جازت عليها كشغل مكانش
مريم: واش يا الحية بديتي زعما تحسبي روحك مولات دار
منار ماحبتش ترجعلها علابالها بلي اذا رجعتلها تتڨلب
مريم: زعما ماحبيتيش ترجعيلي باش تلعبيها متربية ونتي والديك اصلا مشي مربيينك
منار خلاص كذكرتلها والديها ماقدرتش تسكتلها
منار: إلا والديا ماتذكريهمش على لسانك والديا حمد لله مربييني أحسن تربية راكي كبيرة عليا بزاف ماتخلينيش نوصل وين نجرحك
مريم: ياربي وين وصلت وحدة خامجة ترجعلي الهدرة وتزيد زعما تلعبها متربية وهيا حية من تحت تبل شوفي يابنت الناس يا تخلي وليدي ترونكيل وتتطلقي منو يا تشوفي واش نديرلك حياتك تنسايها ونكرهك فيها
منار: شوفي ماحبيتش نتجاوز معاك حدود باسكو رباوني والديا نحترم الكبار انا مادرتلك والو ونتي مانعرف وشبيك معايا هكا
مريم: تخلي ولدي فاهمة خليه يطلقك ولا نقتلك هنايا
منار: مانخليهش مرانيش كيما نتي لخليتيه يعاني في حياتو فا
ماكملتش هدرتها حتى تضربها مريم كف منار شدت خدها وفي هاذيك دقيقة جا مراد شاف منار شادة خدها مع مريم فماك جنون حمرة دارو بيه عرف بلي يماه ضربتها راح يجري ليماه خنقها وعيط
مراد : شكون قالك مسيها شكون سمحلك تضربيها يا****** ليمسها ندفنو فاهمة اليوم موتك
راحت منار تنحيلو يدو وهو والو حتى هبطت فاطمة وموراها سارة وروزا واخر واحد مجد يحاولو ينحولو يدو هكاك والو حتى قربت منو منار وحطت يديها في وجهو
منار وهي تبكي: ربي يعيشك اطلقها علاجالي اطلقها راح تموت مراد ربي يعيشك
مراد كشاف دموعها وقاعدى تحلل فيه ونطقت اسمو حبس طاحت مريم فلرض تسعل
مريم: انا يماك تحاول تقتلني علاجال هاذي ق*****
مراد خلاص ماقدرش جا يروح ليها يقتلها حتى تحبسو منار كحضناتو وهو يبعدها ويعيط وهي تزير عليه
منار: ربي يعيشك خليها تهدر برك ربي يعيشك
مراد: كيفاه تقوليلها ق****** راهي مرتي مرتي لراكي تقولي عليها راهي حياتي راهي جزء مني خاصة بيا وموجه ليكم كامل الكلام ليزيد يهدر مع منار ويتمادا معاها ولا يفكر يمسها ندفنو ونرميه للكلاب فاهمين
لكانوا فماك كامل تصدمو من هدرتو عرفو بلي منار غالية عليه قعدت محضناتو وتبكي حتى رفدها في يديه حطت راسها على صدرو ويديها دورتهم على رقبتو وطلعوا
راحت روزا عند مريم نوضتها و مريم تتحلف في منار
دخلها لشمبرة حطها فوق الفراش جا يبعد شداتو من وجهو منار: سامحني ماكانش قصدي ندير المشاكل
مراد: ما مشاكل ما******* وماتزيديش عليا العبد جا عيان من شغل على 12 قابلوني ديراكت المشاكل
منار وهي تبكي: ايه انا هي المشكلة قلتلك رجعني عند بابا يماك ماحملتنيش و
ماكملتش هدرتها حتى عيط عليها
مراد: مراهيش يما هاذيك مرا مشي يما فاهمة ونتي فهمتك مليون مرة رجعة لباباك انسايها بلاصتك عندي
منار: ماتعيطش عليا ربي يعيشك ماتعيطش راني مانحملش
قرب ليها وحط شفافو على شفافها وقاعد يبوسها وهي تفاعلت معاه اول مرة عرفت تبوسو ودموعها دارو حالا وشادة خدو ولحيتو ماحبسو غير كنفس تقطع عليهم وينهجو حتى هبط لرقبتها يشم ريحتها ويبوس فيها وزاد في الوتيرة ومنار حبت تبعدو وماقدرتش حتى نطقت وسط بكاها
منار: مراد ،،،،،مراد حبس مانقدرش حبس
هو كان في عالم آخر حتى بدات تبكي بالشهقة باش فاق على روحو
منار: ربي يعيشك مانقدرش حبس مانقدرش
بعد عليها وتعصب كي مخلاتوش يكمل ماغزرش فيها ممبا راح خرج وخبط الباب ومنار تبكي
منار: سامحني ماقدرتش ماقدرتش ياربي
بكات حتى شبعت وعينيها ولاو منفخين حتى سمعت الباب تفتح شافتو دخل بلا مايشوف فيها لسالدوبان خذا دوش وخرج يمسح في شعرو لهبط على جبهتو بينو بزاف شباب لقاها مزالها نايضة وتشوف فيه هو ماحلبهاش كامل كان عريان من فوق راح لدريسينغ لبس سروال وخرج راح تكسل في الفوتاي حتى نطقت
منار: مراحش ترقد هنايا
مارجلعاش غاضها الحال
منار: مراد
مراد: ارقدي راح الحال
منار: علابالي زعفت كي كي ماخليتكش تمسني
مراد: يخي راكي دايرتني خ***** قدامك
منار: لالا والله ما هكا برك برك خايفة هذا مكان
مراد تعصب راح عندها
مراد: خايفة خايفة مني
منار: لالا مانيش خايفة منك اتفهمني ربي يعيشك افهمني
مراد: نتي بالنسبة ليا والو فاهمة
منار وجعها كلامو قبيلة برك قالها قدام العيلة هي حياتي
منار: قبيلة برك قلتلي نتي حياتي
مراد: قدام العيلة برك
منار شافت فيه وعاودت تكسلت ودارت للجهة لوخرا ودموع يطيحو تبكي في السكات اما مراد خرج للبلكون وقاعد يتكيف ڨارو ورا خوه
روزا: نقولك من دوك ولدك يحبها باين عليه
مريم: مايحبهاش ولدي نعرفو مستحيل يحبها هو الحب مايعرفوش ماتهبلنيش
روزا: قريب قتلك علاجالها راكي مستوعبة يخي
مريم: دوك نوصلها وين تكره حياتها و يا لوكان توصل وين تموت عادي بالنسبة ليا
روزا: ايه وأنا راني معاك
في بلاصة خلاف:
مجهول: هو أصلا ماعلابالوش شكون سعيد وبلي هو لقتل باباه
سليمان تصدم
سليمان: كيفاه سعيد لنعرفوه هو قتل أحمد القاسي
مجهول: اممممم لشحمو ولحمو
سليمان: راك فايق واش راك تقول علابالك لكان يعرف يقوم القيامة علينا وعليه ماتنساش حنايا شغلنا كاما مع سعيد وهو لمعاونا معنتها اذا يطيح نطيحو معاه
مجهول : نديرو احتياطاتنا نورمال
سليمان: لازم مايعرفش شكون قتل باباه راح يقيم القيامة علينا
مجهول: امممممم آخذين احتياطاتهم

مدولي رايكم في البارت ❤️