القاسي والبريئة (قصة جزائرية🇩🇿)

✨الحلقة الرابعة✨

في اليوم التالي:
منار: هيا ماما راني رايحة أصلا طولت
خديجة: طريق سلامة بنتي
ركبت منار في طونوبيلتها وديمارات ووصلت للسبيطار
وهيا داخلة تلاقات مع أيهم
أيهم: أوه منار من سمانة لفاتت وأنا نحوس عليك
منار:السبب علاه تحوس عليا
أيهم: عندي هدرة معاك
منار:عندي خدمة دوكا مانقدرش
أيهم:هدرة مهمة مالا على 12 في وقت فطور نتلاقاو
منار: أوك
وراحت، وأيهم تبسم تبسيمة ماتبشرش بالخير ،هدر في قلبو:امممم راح تولي ليا مع أنو تستهزاي بيا بصح ماتعفرينيش شكون بالضبط
إيناس: معنتها كاينة حفلة على 6 بصح كنروح معاك شكون يشد بلاصتنا
منار:جي معايا علاه على زوج سوايع يحاسبونا
إيناس: نهدرو مع المدير
منار: حبيتي تهدري اهدري أنا مانهدرش معاه
إيناس:أفف منك
منار: تلاقيت بأيهم في الباب على زهري الحلوف
إيناس: قولي والله واش قالك
منار: عندو هدرة يهدرها معايا آخر همي هو نهار كامل لاصق في جدي
إيناس: من وجهو يبان يحبك يختي
منار: إيناس قلتلك مستحيل اخر همي واصلا انا مرانيش مرتاحتلو ولا ثايقة فيه
إيناس: إيه عندك الحق ماديريش كونفيونس فيه
منار: المهم هيا نروحو نكملو خدمتنا
في الشركة:
أنس: كاين اجتماع اليوم
مراد: علقداه
أنس:على 2
مراد: دايما**** تع الاجتماعات هاذو
أنس:نتا أصلا دايما تلغيهم وهذا لازم تحضرو مهم مع شركة أخرى خارجية
مراد: إيه فهمت دوكا اخطي***** خليني وحدي
أنس: اواه نتا مراكش نورمال
مراد: إيه مشي نورمال وماتكثرش معايا الهدرة ماتحلالكش مع*****
أنس: إيه فهمت فهمت خلاص راني رايح لا تضربني برصاصة دوك
خرج أنس من عندو
مراد عيط في تلفون:
مراد:كشما لقيتو دلائل
ڨارد:سيدي مزالنا نحوسو و
مكملش هدرتو ومراد رغى
مراد: كيفاه مزال والله نقتلكم فهمتو تلقاو بسيف على***** ولا موتكم على يدي
كوبا عليه و كسر الكرسي لكان قدامو وعيط
مراد: ماتسلكوش من يدي انساو تسلكو من يدي موتكم كامل في يد القاسي
في السبيطار:
منار خرجت من سبيطار وتلاقات بأيهم وراحو للمطعم لقريب فماك
منار:اهيه واش حاب مني وشمن هدرة راح حاب تقولها
أيهم: عندي عرض ليك ونتمنى تقبلي بيه ونتي حرة
منار: أما عرض
أيهم: رمي السلاح
منار توترت كجبدلها سيرة سلاح
منار:كيفاه سلاح مافهمتكش
أيهم:نتي خبيرة في تصويب
منار: أولا يا أخونا وين علابالك بلي عندي خبرة في تصويب
أيهم: نعرف عليك كلش نقصد شفتك مرة كنتي تصاوبي
أيهم كذب هو يعرف عليها كلش وراح تتساؤلو كيفاه يعرف عليها كلش في الحلقات الجاية تعرفو
منار: المهم مادورش بيا
أيهم: مزال ماسمعتيش عرضي راح يكون فيه مسابقات عادي هاذ الشئ بنسبة ليك تستفادي منها ،منها تطوري نفسك ومنها جيبي دراهم
منار:مانسحقش دراهم وعرضك مانقبلش بيه
أيهم:مرحبا فيك في أي وقت يمكن يجي نهار تقبلي وتسحقيه