64

111 3 0

ni marwakirat

ni marwakirat

👠 الحلقة 64 👠
فقت من المنام قلبي رح يوقف نلهث و العرق يصب عليا حطيت يدي على راسي واش هذا شفت مع الساعة كانت قريب 7 رقدت الوقت هذا كل ففف مشيت شعلت الضو دخلت دوشت ورجعت نلبس الحلم هذا مش خير عينيا مزالو مثبتين في التليفون تنهدت وهزيتو كلمت مرت بابا
-الو
-الو ..خير
-اففف نسمة راهي مليحة
-مليحة راهي تتفرج في التيفي
-اوكي شوفي كلمتك على موضوع نحب نسألك بصح من غير تبداي تزيدي في الكلام
-نعم واش
-كي تحبي طيحي صغير و تشربي
-ههههه عرفتك والله كنت عارفة تخدمي بروحك مناه موحال يكون...
قصيت عليها وانا نصيح
-يزي بلا فهامة و هدرة زايدة قوليلي ولا خليني نشوف غيرك
-ايه كاين اعشاب *** غليها و اشربيها
-نقدر نلقاها هنا في الكوزينة تاع الاوتال
-مممم منظنش كاين اعشاب يمكن تلقايها غلي شوية **** و اشربيه مرة صباح مرة في الليل على الفراغ
-صحيتي باي
كوبيت عليها
واقف منين المرايا يعدل في الكرافات تاعو لابس كوستيم بلو نوي يفتق على بدنو هز يدو يقفل في زرار الاكمام دقدق الباب
حسام: تفضل
دخلت ميرال لابسة روب نوار طويلة شعرها (البيريك 😂😂) على جنب مكياج غامق يفتق قفلت الباب وراها وهو شاف معاها بطرف عين
ميرال: ممم جيت تفتق
حسام: حتى انتي تسحري
قرب هز يدها و باسها تبسمت
ميرال: ايه جيت نحكي معاك في حكاية
حسام: نسمع فيك
قربت منو حطت يديها على كول الفاست تعدل فيها
ميرال: حسام كاين حاجة رح نقولهالك وعلابالي رح تتقلق منها
حسام: احكيلي احسن منعرف وحدي و نتقلق اكثر
نزلت يديها ومشات شوية
ميرال: حسام كاين خاين في وسطنا
شاف معاها وضيق عينيه
حسام: كملي نسمع فيك
ميرال: ريان
عوج فمو وحط يديه في الجياب
حسام: ريان ؟
ميرال: ايه في الاول كنت شاكة فيها قلت نعمل عليها لعبة رحت قلتلها اني نحب نقتلك و نحب منها تجيبلي اوراق الصفقة لي نهار حكينا عليها
حسام: ايه كملي
ميرال: هي وافقت و جابت الاوراق صح
ضيق عينيه يعمل في روحو متفاجأ
حسام: كيفاه جابتهم
ميرال: من عندك صورتهم
حسام: ايه كملي
ميرال: اللي كنت نستنا فيه انها تجيبلي الاوراق بصح هي دارت حاجة متوقعتهاش راحت مدتهم لجماعة كمال لي مش عارفة شكون فجرهم بصح نقلك راك منعت كانو ناويين يقتلوك
حسام: حتى انا معنديش دخل في هذا الموضوع
ميرال: ايه انا رحت اتصلت بالجماعة هذوك بش نتأكد حسام ننصحك ما تتعاملش معاهم رآهم يبيعوك للي يدفع اكتر
حسام: متأكدة ؟
ميرال: ايه
عض شفتو ويشوف معاها مش فاهم لعبة جديدة من لعباتها ولا تحكي في الصح معادش يعرف الصديق من العدو هو اصلا الناس كلها اعداء ليه ومعندو ثقة في حتى حد و عمرو ما حد كان معاه في ظهرو و ماخخمش يخونو خلاه هذا يحقد اكتر و ينقم كبس يدو
حسام: مرسي كي خبرتيني اما مرة أخرى منحبش تلعبي من ورا ظهري كلشي تخططيلو تجي تحكيلي
ميرال: كلشي عملتو لمصلحتك
قربت منو حوطتو بيديها على رقبتو وقربت حطت شفافها على شفافو هو متحرك منو شعرة غمضت عينيها ورجعت على ورها
ميرال: علاه تعاملني هكذا ؟
حسام: انتي تعرفي بلي لي بيني و بينك خدمة و مصلحة مكان حتى شي ميرال
رجع وقف مقابل المرايا يعدل في شعرو وهي خرجت من عندو تغزل