مافياا ❤️‍🔥🌼

p 12

الحلقة 12 👠

بعد ايام
واقفة مقابلتهم تشرح في الخطة و تعاود ادم مركز في كل كلمة و حركة منها يدو على خدو باهت فيها عينيه مش يرمش بيهم سراج يشوف معاها بصح تفكيرو في اللي سمعو انو هي بنت جينيرال كبير وانو هي طلبت القضية هذي بالذات درك لي حاب يفهمو علاه واش يجيب وحدة كيفها لبلاصة هكذا و تتعامل مع مجموعة مجرمين ريان تخطط و تفكر كيفاه تجمعهم اليوم و حسام عامل روحو مش شايف خوفا من ريان
ملاك: واضح لي قلتو كل ؟ مكانش استفسار؟
هز يدو ادم دارو شافو معاه كلهم
ملاك: تقدر تحكي بلا ما تهز يدك
ادم: عندي سؤال
ملاك: تفضل وش مفهمتش
ادم: لااااا كلش مفهوم حبيت نعرف وش راح تلبسي الليلة بش نلبس حاجة تليق بيها
سراج: خخخخخخخ مش نورمال
حسام: صاحبي كارثة هههههه هات يدك
طل من ورا ريان مد يدو ل آدم ضربو كفوفهم في بعض ويضحكو
ملاك رجعت تفور حشمت
ريان: والله لا تحشم
ادم: والله سقسيت بحسن نية شبيكم هههههه
ملاك: خلص الاجتماع حضرو رواحكم
وقف ريان مشات عندها
ريان: هيا ملاك خليك منهم
حطت يدها في ذراع ملاك و مشاو و هوما بقاو يشوفو معاهم
سراج: وهذو زوز من وقتاه رجعو صحابات
حسام: كاين مصالح في الحكاية
وقف و مشا بلا ما يشرح اكتر
ادم: اوووه نمشي نوجد روحي زعمة تقول يجيبو الشاف الكبير هذاك تع اوتال ****
سراج: تحرك تحرك مش فاضيلك
بعد ما حطتلها اخر اللمسات تع المكياج
ريان: يوووه مرسي يا روحي مش عارفة كون مش انتي كيفاه كنت ندير صراحة منفهم شي منهم الحوايج هذو
ملاك: لا عادي مش محتاجة شكر
ريان: ايه وش رح تلبسي
ملاك: هههههههه
ضحكت كي تفكرت سؤال ادم و مشات جبدت روب لي رح تلبسها عوجت فمها ريان
ريان: اه خسارة انا ولدت معنديش مدة عندي روب تفتق لازم انتي تلبسيها استناي راجعتلك
خرجت من عندها راحت للغرفة حلت الباب دخلت عينيها رجعو قلوب وهي تشوف معاه بلعت ريقها ورجعت تكح
ريان: احم احم
تلفت شاف معاها لابس سروال و بدنو عريان من فوق عندها مدة مشافتوش هكذا تبسم على جنب وهو يشوف مع المكياج لي دارتو
حسام: مممم شكلي مش رح نخليك تروحي للحفلة هذي
باقية تشوف معاه و عينها يفليو فيه مش سامعة خلاص وش يحكي
ريان: ايه
تحرك في راسها ايه و ماشية جيهتو حطت يدها على تاتو تمرر في صوابعها وهو يشوف مع تفاصيل وجها و تعابير تاعو قرب يحكي في وذنها
حسام: قداه اليوم ؟
يمرر في خشمو ( انفو هههه سقسات وحدة وش هو الخشم 😂😂 اسامي عجب يا بنتي هههه ) على رقبتها وهي ذابت
ريان: وش قلت ؟؟
حسام: اليوم قداه ؟
قربت خدها من خدو وتبسمت
ريان: حتى نرجو نقلك
بعدت عليه وتتبسم بخبث
حسام: ديري رايك للا معليش محسوبة ليك المرة هذي
حركت كتافها ومشات للخزانة هزت الروب تعها و تع ملاك
ريان: عندي مهمة درك ههه كمل انت البس و نتلاقاو تحت
خرجت تجري وهو بقا يتبسم وحدومشات ملاك مع سراج لي كانو عينيه على الطريق مركز فيها و هي مركزة فيه وفي كل حركة منو تبع في يدو لي تتحرك بين الڤولو و ناقل السرعة عروقها البارزين تتمنا تمرر صوابعها عليهم متحمسة وهي تشوف مع وجهو و تفاصيلو قربت منو شوية وجبدت نفس تعبي في ريتها من برفانو لاحظها بطرف عينو
سراج: نعم ؟
تلخلخت ورجعت بعدت قلبها يضرب و العرق يصب عليها تتنفس بصعوبة مش متعودة تتأثر بقرب اي راجل كيف قربو هو
ملاك: شي كنت نشوف مع جهتك من الشباك
سراج: اممم اوكي
بلعت ريقها تحاول تنظم التنفس تعها رجعت قربت شوية تستمتع بريحتو و عينيها مهزتهمش منو
سراج: كشما كاين حاجة في وجهي
تلفت ليها و عدات فلاش باك في بالو يوم مع ريان كي مشاو يجيبو ساعة يدو كيفاه طريق كل باهتة فيه و نفس الجملة قالها عقد حواجبو و وقف على جنب كبس بيديه على الڤولو ( المقود تع سيارة للي يمكن مفهموش) وهي بقات باهتة حست بإهانة ونزلت راسها
سراج: من فضلك خلينا عمليين و مندخلو حتى مشاعر في وسط الخدمة
ملاك: مكاين حتى مشاعر نأكدلك كون مرتاح من هاذ الجهة
قلبها وجعها تتمالك في البكية حبت تظهر القوة
سراج: مليح كي وضحنا النقطة هذي
ملاك: ايه
مرو حسام و ريان عليهم
ريان: يوووه شبيهم وقفو
حسام: مش عارف
ادم: يمكن بنزين خليني نكلم ملاك
جبد تيليفونو رح يكلمها تلفتت ريان خطفتو من يدو
ادم: ااااي
ريان: خليهم في راحتهم يخي خلص البنزين يقعدو تم عادي
حسام: هههههههه والله متقمصة الدور عاللخر تاني
ريان: مش متقمصة الدور
تلفت ليها حكمها من ذقنها
حسام: وهذا علاه نموت عليك خططك لي كل مرة تفشل و انتي كل مرة ترجعي تخططي
ريان: خططي مش فاشلة ودرك تشوف
ادم: و تيليفوني
حسام: رآهم ورانا جايين مشقاش تكلمهموصلو للاوتال طوموبيلات فخمة في الموقف ناس كلها حطة نازلة داخلة للداخل وقف حسام على جنب نحا حزام الامان و تلفت ل ريان
حسام: خليك قريبة ليا و متخلينيش نعاود كلامي ولا نندم لي جبتك
ريان: اوكي يا روحي متخافش
هز يدها باسها
ادم : ااااع الرحمة يا ربي الرحمة
حل الباب وخرج و طبس جهة حسام
آدم: من رايي انا ارجعوا للدار احسن
حسام مشافش فيه حتى ضغط زر طلع كارو (زجاج الشباك) تقفل في وجهو و قرب من ريان باسها من شفافها بوسة حنينة
حسام: مزال مش رح تقوليلي
تبسمت
ريان: علاه مش عارف انت ؟
حسام: حاب نتأكد
ريان: تنزل تحل الباب ولا ننزل وحدي ؟
حسام: اوكي كل ما طولي رح تجي عليك
حل الباب نزل وجا من جيهتها حل الباب تعها مدلها يدو نزلت وقت سراج و ملاك وصلو بقاو واقفين يستناو فيهم نزل سراج قفل زرار الفاست تاعو و مشا جهة ملاك حل الباب و مدلها يدو و جا جهتهم
حسام: ندخلو
سراج: ايه
مشاو قبلهم و ريان كل مرة تتلفت تشوف اذا كاين نتائج ولا والو
حسام: ايه يزي ما تعسي عليهم مبينة على روحك
ريان: حاسة كاين حاجة غلط
حسام: اي شي فيه خطتك اكيد فيه غلط
ريان: يزي مش نضحك ملاك وجها مبدل متأكدة كشما قاللها
دخلو للداخل ناس بزاف حفلة مضخمة كلشي يلمع
حسام: خليك قربي كيما قلت
سراج: بش نمشيو للجهة الثانية و حسام يغطي الجهة الأخرى و ادم وين هو
ملاك: راهو في بلاصتو لهين
سراج: اوكي
تفرقو في المكان و يعسو على احمد وين اذا وصل ولا مزال
سراج: وش تشربي ؟
ملاك: حاجة خفيفة
مشا يجيب مشروب وهي بقات واقفة تشوف من و من وقت جا عندها واحد
-الزين جاي وحدو ؟
تبسمت و جاوبتو
ملاك: هههه لا
مد يدو ليها
-انا مراد **** مدير اعمال
مدت يدها تسلم عليه هزها و باسها و باقي حاكمها و يتبولد عليها
-عندك يدين ناعمة يليق بيها غير العز
حبت تجبد يدها مش حاب يسيبها شافو سراج من بعيد رجع لعندها
سراج: مراد !!! وش احوالك
مد المشروب ل ملاك و مد يدو يسلم عليه
-مليح.
مد يدو هذاك حكمها سراج وكبس بقوتو و جبدو ليه تلامسو كتافهم ويحكي بصوت خافت فيه نبرة تهديد
سراج: معايا هذي
-ايه فهمتك فهمتك
بعد و حرك راسو و مشا و ملاك قعدت منزلة راسها تلعب بصوابعها على الكاس في يدها
سراج: خلينا نمشيو لهين
مشات وهو حط يدو ورا على وسطها قلبها رفرف حست روحها رح تتجلط و ريان من بعيد عينيها عليهم
حسام: انتبهي ل احمد وش لي مزلتي تعسي على ملاك راهي كبيرة تعرف صلاحها
ريان: فففف متوترة في بلاصتها
قلب عينيه مستغرب من تصرفات النسا يمكن يعيش الف مرة و عمرو يفهمهم
سبقتو بخطوة بش تبعد على يدو لي في وسطها اعصابها تحرقت خاصة بعد لي حكاه رجع يدو للجيب ووقف وقت جا واحد
-سرااااج هذي مدة مشفتكش وينك صاحبي
سلم عليه و شاف في ملاك
- هذي معاك
سراج: ايه
هز يدها باسها و يتبسم شكلها عجبت الناس كل هنا غير سراج
-ايه ويني لي كان اسمها ....رانية ولا ريان نسيت وش اسمها بالضبط انفصلتو
عوج فمو
سراج: منعرف سقسي حسام عليها
تلفتت ملاك تشوف معاه داهشة و بدأت الصورة تتوضح نوعا ما كبست على الكاس في يدها
-حسام راهو هنا ؟
سراج: ايه
تبسم و مشاملاك : كيما شفتو هنا كاين صور تع لي رح نستهدفوهم في العملية تعنا كاين لي تعرفوهم و كاين لي متعرفوهمش
حسام: وانتي تعرفيهم ؟
ملاك: كون نعرفهم منجيبكمش
سراج: ايه كملي
ملاك: كاين عملية أسلحة كيميائية عندنا غير اشاعات لحد الآن عليها ولي نحبوه هو انو نجمعو أدلة كافية تخلينا نحطو هاذو كل في السجن وهنا يجي دور تعكم بما انكم رجال مافيا ما عدا سراج رح تدخلو في نصهم و صفقاتهم اجتماعاتهم و حفلاتهم و تلتقطو صور تسجلو احاديث فهمتو
حسام: يعني نخدمو الشيتة
ريان: حسام وش حكينا
همست قريب لوذنو بيناتهم
حسام: اوووف
ملاك: لا تخدمو جواسيس للدولة ومنها تحققو شوية أمن لي كان عندكم يد في افسادو
سراج: ايه كملي نسمع فيك
ملاك: هذا
دورت للتابلو و دورت بالاحمر على صورة تع واحد
ملاك: احمد ** عضو في البرلمان ناشط سياسي و عندو حزب كبير بصح اعمالو مشبوهة و خاصة في الآونة الأخيرة المبالغ لي تدخل في حسابو كبيرة بزاف و واحد مقدر يتبعو ولا يعرف تحركاتو المطلوب انو تحطو جهاز تعقب في سيارتو
سراج: وكيفاه ناوية تحطيها
ملاك: انا عليا نجيب المعلومات و اسماء الاشخاص ونربط الأحداث و نوفر اللازم انتم درك تقولولي وش نديرو
ريان: في الطريق هي احسن بلاصة محال تقدرو تروحو لدارو
ملاك: وش قصدك في الطريق
ريان: نوقفوه لاي سبب و نحطوها
حسام: حنا نوقفوه مش انتي قولي توقفوه
شافت معاه
ريان: وش قصدك علاه انا مكانش معاكم ؟
ادم: والله ما قالتش اسمك في اللائحة
ملاك: ريان معانا تاني كملي وش كنتي تحكي
حسام: لااا
وقف وبدأ يصيح
حسام: مكانش معانا مش رح نعرضها لاي نوع من الأخطار
مشا خارج و ريان لحقتو تجري
ملاك: اه يا ربي هذاك وش ناقص المشاكل العائلية
رمات الستيلو من يدها ومشات قعدت سراج ساكت يشوف برك و ادم يلعب مع لينا
ريان: حسام أوقف خلينا نحكيو
حسام: معنديش وش نحكي قلت انتي متشاركيش يعني خلاص مكانش مناقشة
ريان: حسام
حكمت يديه بين يديها تحكي وهو يدور في وجهو منها هزت يدها حطتها على خدو و دورت وجهو يقابل وجها
ريان: حسام وش حكينا يخي انت طلبت مني ندير فيك ثقة وانت تاني دير فيا ثقة رح نعاون بشي بسيط لي نقدر عليه و بعيد على المشاكل حسام تفاهمنا نعديو كلش كيف كيف
باقي مش حاب يشوف فيها
ريان: حسام
حسام: وكي نقلك لا تسمعي ؟
ريان: نلقاو حل وسط
حسام: مكانش حل وسط تحبي تعاوني ايه بصح كي نقول لا مش رح تعارضيني
ريان: اوكي خلينا نرجعو
رجعو الاجتماع
ملاك: سايي نقدرو نكملو درك
ريان: ايه
ملاك: ايه كملي اشرحي الخطة لي في بالك
ريان: اوكي اسمعوني
بعد 3 ايام كلش كان جاهز للخطة
ملاك: الو ...وينك يا ادم ما تندبنيش وين وصلت
ادم: راني نحوس عليه تحسبي ساهلة تدخلي لكاميرات المراقبة تع الطرق و تلقاي طوموبيل كاين الف منها
ملاك: عندك زوز دقايق في يدك رآهم كل في بلايصهم نستناو فيك
ادم : سايي شفتو هاو جاي في طريق رقم 18 رح يكون قدامك في 7 دقايق هكذاك
ملاك: اوكي
كوبات عليه و كلمت ريان
ملاك: رح يكون هنا في 7 دقايق
ريان: راني هنا
واقفة في يدها قرعة ما و منشفة لابسة جبة مقطعة شوية و مبهدلة
-افففف الهاملة مش يعني كي هي تعرف تسوق وعندها رخصة لبست هكذاك و معرف واش بففف اصلا مش محتاجة نجي مليحة حسام يحبني هكذا
سندت ظهرها على عمود الإشارة و تستنا و سراج و حسام كانو في موتورات
حسام: راهي قالت 7 دقايق
سراج: سمعتها
حسام: وجد روحك مالا ارمي الڨارو هذا
جبد نفس طويل منو و رماه ولبس الكاسك
ادم: راهو وصل
ملاك: بدل الإشارات خلي الطريق تتقفل
لعب ادم بالانضمة تع الإشارات في الطريق خلا الدنيا كل دخلت بعضها و تقفلت الطريق ملاك دخلت قبل الطوموبيل تاعو كي وصلو وين ريان شغل الإشارة تع المارة وقف ورا ملاك وصل سراج و حسام قدامها بالموتورات و يعملو في رحهم يقلقو فيها و ريان راحت عندو حطت المنشفة على الكارو قدام
ريان: نمسحلك الكارو مسيو ؟
تصب في الما و تمسح وهو يحاوز فيها محبتش تبعد حل الباب ونزل ليها يبعد فيها تلاحت عليه ولصقت جهاز تنصت صغير في ساعة يدو وهزتها تبوس فيها
ريان: عاوني يا مسيو الولاد ماتو بالجوع ملاك كي شافتها سايي لصقت الجهاز رجعت ورا ضربت الطوموبيل تاعو هو دهش و مشا يجري يشوف حلت الباب ونزلت لابسة روب باج قصيرة تفتق مصورة بدنها بقا يشوف معاها
ملاك: الله لا تربحكم شوفو وش درت بسبتكم
ريان كي شافتو لاتي مع ملاك طبست صقت جهاز تعقب في سيارتو و حسام و سراج مشاو لجهة المقابلة بعيد
ملاك: سامحني سامحني
جبدت تيليفون تعها وبدات تصور في الطوموبيل و مرة على مرة تحكموا في التصاور
-وقفي يزي ما تصوري
ملاك: لازم نصور الحادث لجماعة التأمين
-لا سايي مكان والو روحي برك
باقية تصور
-قلتلك روحي مش رح نحاسبك
ملاك: يعيشك يعيشك
راحت تمشي و تتعوج وهو عينيه تغرسو فيها مركز معاها وقت ريان لحقت حسام وطلعت معاه و مشاو من تم ملاك طلعت في طوموبيل تعها
ملاك: ادم حل الطريق خليني نبعد-نخليكم اذا سهرة ممتعة
مشا و ملاك نطقت
ملاك: انت و ريان كنتو ...؟
سراج: ما كناش
قص عليها و هز يدو يشرب في المشروب لي جابو وهي تنهدت وتلفتت تشوف في احمد داخل
ملاك: جا راهو هنا
من جهة أخرى ريان و حسام واقفين
-وووه حسام شايفك طلعت من الحبس وقتاه
حسام: مش من مدة طويلة
مد يدو سلم عليه و رجع مد يدو ل ريان هي جات تمد يدها وحسام نزلها و حكم يدو سلم عليه للمرة الثانية
حسام: عندها فوبيا الجراثيم متحبش تسلم
هزت عينيها فيه وهو خزر فيها تع ردي بالك تنطقي
-متشرفين مدام ...يخي هذي مرتك ؟
حسام: ايه
-ربي يكمل انشاء الله
حسام: مرسي
مشا و ريان شعلت فيه
ريان: وش هذا لي درتو شبيك
حسام: متسلمي على حتى حد
ريان: وشبيك رجعت هكذا تقول علينا في العصر الحجري
عض شفتو و كبس على يدها
حسام: جربي مدي يدك سلمي و تشوفي العهد الحجري كيفاه كون منجيبش حجرة ندفنك تحتها مش اسمي حسام
ريان: مجنون
حسام: نتفاهمو كي نرجعو للفيلا
و آدم من جهة أخرى كان يفرز في امورو
ادم : وينو لي وصيتك
دخل يدو لجيب الدخلاني في الفاست خرج اوراق
-تفضل هذو اسماء كل البنات لي ولدو في هذاك اليوم و العام لي طلبتهم
ادم: صحيت
حكم الاوراق خباهم في الفاست تاعو وحط يديه في الجياب
ادم : قول للبوس ميقلقش رح نوصل في اقرب وقت للي يحوس عليه.
-ايه
مشات ملاك لعند احمد و سراج بقا واقف يتفرج فيها مينكرش انو عندها جاذبية لكن سرعان ما تختفي كي تدخل ريان في الصورة يمكن هو مش حاب يضلم الطفلة ولا يستغلها بش ينسى تنهد وقعد يعس عليها
ملاك: اوووه مسيو تتذكرني
شاف معاها من فوق لتحت و ضحك
احمد : مش مذكر بصح مش مشكل نرجع نتعرف عليك
ملاك: ههه انا من مدة ضربت في طوموبيل تاعك
احمد: اه وي تذكرت ايه
ملاك: متأسفة مرة أخرى
احمد: لا عادي هاي كانت صدفة بش نتعرفو
ملاك: هههه صحاحمد: تجي نعرضك على مشروب
ملاك: ايه
مدلها حكمت ذراعو و مشاو للبار قعدو طلب مشروب ليه و ليها
ملاك: متعرفناش
مدت يدها سلمت عليه
ملاك: انا ملاك عمري 24 سنة نخدم في سلك الشرطة
حكات معاه بكل صراحة لانها تعرف انو لا مجال بش تكذب عليه وهو في ساعة يقدر يطلع الشجرة العائلية تعها
احمد: والله مش مبين عليك خلاص من الشرطة
ملاك: ههه تعرف بحكم بابا جينيرال و متأثرة بيه و هو حب نكون في هذا المجال
احمد: بنت جينيرال مليح انا اكيد تعرفني
ملاك: بالطبع مسيو احمد **** غني عن التعريف
احمد: مرسي
ملاك: ايه وش عندك بعد الحفل
احمد: الحقيقة درك عندي اجتماع مع شوية تع أصحاب بصح كون تستناي ممكن نكملو السهرة مع بعض
ملاك: و يمكن اذا خليتلي رقم الهاتف تاعك رح نسهرو مرة أخرى لمدة أطول
حطت يدها على البار و قربت سارفيات ليه تبسم جبد ستيلو من جيب دخلاني للفاست و كتب رقمو تبسمت وهزتها
ملاك: رح نتصل بيك
احمد: وانا نستنى اتصالك بفارغ الصبر
هز يدها باسها و ودعها و مشا كي شافو سراج راح مشا لعندها
سراج: مممم تعرفي تنصبي شباك تاعك مليح
ملاك: شكلهم مقطعين في جهة بصح
دورت عينيها و تشوف في حسام مع ريان في وسط صالة يشطحو ضامها لحضنو يدو على وسطها و يدو تانية في يدها دورها مرتين على نفسها و رجع لزها ليه
ريان: حاسة انو جينا نسهرو ومش مهمة نفذو فيها هههههه
حسام: مكانش ضرر كي نسمتعو شوية أثناء العمل
ريان: ايه و انت بطل في تطبيق هذا الكلام مستمتع وقت العمل على طول
تبسم وحط شفافو على رقبتها و طلع حتى وذنها ويحكي
حسام: العينين كل علينا نحب يشوفو اني هنا و خرجت من السجن ومش خايف منهم ولا من تهديدات تعهم حركة بسيطة عندها ألف رسالة رح يفهمو انو وجودي هنا في وسطهم يعني انو ميقدرو يعملو شي رح يحتارو في الشي لي أنا نخطط ليه
ريان: وانت وش راك تخطط
حسام: شي نلعب بأعصابهم و نبعدهم على طريقي
ريان: لانو حكينا في موضوع الإجرام و المافيا و تفاهمنا بش تبعد عليه
حسام: نعرف يا روحي نعرف
جبدها شوية بعيد بعد ما كملو الرقصة وقت واحد ضرب في كتافو و حط ورقة صغيرة في جيبو
حسام: اي انت شوف وين ماشي بففف يخي كاين ناس هنا تحبك ترجع مجرم رغم عندك
ريان: حسام هدي روحك معندو ما عمل حادث بسيط
حسام: صالة طول و عرض مالقا غير كتافي يضرب فيه بففففبفففف
قاعدة تغزل وقت جا آدم
ادم : مدموزال ممكن تشرفيني برقصة
مد يدو ليها وهي تبسمت و حكمتها و نزلت من كرسيها
ملاك: ادم وش رايك في شباكي
ادم : كتفوني يا زين راني حوتة في شباكك ديري لي تحبي
شافت مع سراج بطرف عينها
ملاك: خلينا نشطحو شوية حاسة الجو مخنوق
آدم : بش نهد الطوابق تع الاوتال كل و نحل الصالة ويدخل هوا نقي جديد
ملاك: هههههه يزي
جبدها لحضنو قبل ما تكمل الضحكة خطفها بقات باهتة يدو احتلت وسطها
آدم: بش تخليني انا نقود الرقصة ؟
حركت راسها ايه وبداو يشطحو متناغمين مع الموسيقى و ريان ضامة يديها لصدرها و تغزل
حسام: وش كاين
ريان: المفروض ترقص مع سراج مش مع ادم
حسام: هههههه والله ادم يطلع منو ما يضيعش الفرص خلاص
سراج باقي يتفرج فيهم لا مبالي و مرة على مرة عينو تجي على حسام و ريان قربت الحفلة تخلص و بداو ناس يمشيو
حسام: هيا بش نمشيو حنا
ريان: وينو آدم قلو يجي معانا
حكم يدها و مشا وهي وراه
ريان: حسام استنا آدم
حسام: كبير يعرف صلاحو و يعرف الطريق هيا
ريان: بصح درك يروح معاهم و يفسد خطتي
وقف و تلفت ليها
حسام: وش رايك تبداي تحطي خطة كي نوصلو للفيلا و نحكمك
بلعت ريقها و كرشها عصرت عليها من التوتر
حسام: ليلتنا طويلة نظن انو فاتو 40 يوم؟
ريان الكلام راحلها وجها حمار وهو تبسم و مشا داها للطوموبيل حل الباب طلعت قفلو و مشا من جهتو وطلع