مافياا ❤️‍🔥🌼

p 22

الحلقة 22 👠

حل عينيه دور للجهة التانية وضرب جبهتو بكف يدو قعد هز تيليفون
أمير: ويني ؟....مشفتوهاش ...؟ ن****
رما التيليفون ورجع رما روحو على سرير يشوف مع السقف -بصحتك نجلى رجعتي درتيها رجعتي فوتيها عليا بزوز كلمات فففففف
وقف مشا للدوش و نجلى في هذاك الوقت كانت مع جمال
تمشي وهو يتفرج معاها مررت يدها على الكيسان لي محطوطين على طاولة هزت واحد منهم تشوف معاه ومع الروج لي مطبوع عليه
نجلى: شايفة بلي مكنتش وحدك
تلفتت ليه تشوف فيه هاز سلاحو و يحط في رصاصات داخلو بعدها قفلو عينيها وساعو
نجلى: ما سألتنيش منين عرفت اولادك
جمال: مش مهم الاهم اني نعرف وين نلقاهم
نجلى: نقدر نقلك وين تلقا زوز منهم والتالت راهو عايش معاك
جمال: منقدرش نخاطر انهم يعرفو اني نعرف
وقف و مشا عندها بقات تبعد حتى معادش كاين مهرب
نجلى: اذا قتلتني رح يعرف أمير انك شفتني وانو يمكن حكيتلك
ضيق عينيه لحضات وهز السلاح في وجها
جمال: مش حاجة مهمة خلي يعرف
تلاحت عليه تبوس في يدو
نجلى: جمال صدقني عمري خنتك راني رجعت عندك اول ما لقيت خبر يهمك
حكمها من شعرها نزلها قعدت على ركايبها
جمال: انتي شيطان في هيئة انسان
نجلى: وهذا علاه حبيتني جمال انا وانت واحد جمال
حط سلاح على راسها
جمال: اففففف ترغي بزاف شهدي اذا شهادة تاعك مقبولة
غمضت عينيها ترعش من الخوف
نجلى: اقتلني بصح انت مش رح تقتلني وحدي خليها في بالك
جمال: وش قصدك
كبس على شعرها لي بين صوابعو وجعها اكتر
نجلى: رح تقتل ولدك لي مزال مجاش للدنيا
قبل ما تكمل جملتها هزها من شعرها بش توقف وحط سلاح تحت ذقنها
جمال: وش تحكي انتي وش تخرفي
نجلى: مكنتش نحب عليه بصح كي عرفت مشكلتك جيت عندك انت درك تخمم تقتلهم قبل ما يقتلوك بصح اذا قررت تبدا من اول تخيل حياة مفيهاش ماضيك يتبعك مكانش لي يجبد اسمك القديم ابنك الجاي هو لي يهز اسم عبد الله تربيه و يورث كلش من بعدك تخيل
دزها بعيد وضحك بإستهزاء
جمال: عشت و شفت ومش رح تفوتيها عليا معليش رح نجيب تاست و نشوف كلامك هذا واذا طلع صح يكون عندو اكتر من شهرين مش باين عليك شي
نجلى: مش كل يبان عليهم من اولو صدقني انا حامل و بولدك
قرب منها يلز على سنيه
جمال: اذا طلع من غيري نخليك تتمناي الموت و ما تلقايهش
ضربها كف طيحها و مشا
جمال: تقعدي هنا حتى يجي الطبيب يشوفك
خرج وقفل الباب وراه وهي وقفت عدلت شعرها وتنهدت -يعطيك قصة ليدك اففف وش جابني هنا علاه كنت دايرة في بالي بلي رح يسامحني كي نجيبلو خبر كيف هذاك اه يا ربي منين نهرب انا درك
كملت لبست سروال هذاك بسيف و مشات خرجت تمشي و صوابع يدها في جيب السروال يلعبو من توتر لقاتو قعد و قدامو البيتزا لي طلب و مقلوب معاها حست بالجوع كي شافت الماكلة مشات قعدت وتتبهنس
ملاك: مرسي سراج تعبتك معايا اليوم
سراج: لا مكاين حتى تعب ارواحي اقعدي هنا علاش قعدتي بعيد
وقفت تمشي بشوية ومشات قعدت قدامو وهو يهز و يحط في البيتزا قدامها
سراج: ولا يمكن تحبي مقلوب
ملاك: نحبهم لزوز
تبسم و زاد حط مقلوب قدامها بدأت تهز بيدها اليسرى وتاكل
ملاك: اففف علاش منيش من لي يستعملو يديهم الزوز
شاف معاها لقا فمها توسخ ضحك
سراج: ههه عندك هنا
حط صبعو على شفتو
ملاك: وين
سراج: هنا فوق ..استناي
هز سارفيات وقرب منها مسحلها وقعدو ثواني يخزرو في عينين بعض حتى نزلت عينيها منو و تبسمت
ملاك: ههه حاسة روحي بيبي صغير يوسخ روحو تبهديل
سراج: لا عادي بيبي واحلى بيبي تاني ههههه
بهتت فيه و اللقمة شرقت في حلقها رجعت تكح
ملاك: احم احم اااا احم
هو تخلع مسكين صبلها كاس ما و زاد شربها من يدو هنا قضا عليها بالضربة القاضية قعدت تشرب و عينيها فيه في وجهو ملامحو بعد الكاس وهي بقات ساكتة تشوف معاه الما في فمها مبلعتوش
سراج: مليحة هكذا ؟
ثواني و تكح خرج الما في فمها كل حطت يدها على فمها و فسخت ضحك سراج بقا يشوف معاها من بعد ضحك ورجع يمدلها تمسح
ملاك: سامحني هههههه اه وخدي وش رح تقول عليا درك معنديش اداب اكل
تمسح ورجعت تمسح في الطاولة وهو شايخ على حركاتها كي تكون معاه تدخل بعضها
سراج: معليش هههه مش مشكل خلينا ناكلو اللي ما تفيتيش عليه ههههههههه
رجال لي معانا باسامي بنات راكم ملاح كشما خاصكم قولولي وانت خالد اتهلى في جماعة الانستا
وجها رجع طمطومة من التبهديل مقدرتش حتى تخزر فيه الجوع هذاك راح سراج باقي ياكل و يشوف فيها بطرف عينو وهي منزلة راسها تاكل بشوية من سكات تخمم مع روحها - اففف كنت ناوية نجرب اصلا وش يجرب مش شايفة حالتك يدك مكسرة رقبتك تعوجت شعرك طالع وبلاش تبهديل لي درتيه
ملاك: اففففف
تنهدت بصوت من غير ما تحس شاف معاها وحط يدو على ظهرها يمسح عليها
سراج: ما تبقايش تخممي بزاف
تلفتت ليه
سراج: حاجة بسيطة
ملاك: كيفاه بسيطة
سراج: انتي اول شي جربي
ملاك: نجرب ؟؟
سراج: ايه جربي معندك ما تخسري
ملاك: متأكد ؟ يعني
سراج: متأكد الأمر يتطلب شوية شجاعة
ملاك: ايه صح شوية شجاعة
سراج: ايه توكلي على الله وكلش رح يكون بخير
جبدت نفس طويل تشجعت وقربت منو خطفت بوسة من شفافوقربت منو باستو ورجعت بعدت قلبها يضرب تقول رح يخرج من بلاصتو اول شي تحب تعرفو هو رد فعلو اللي كان مبهم بقا ساكت يشوف معاها من بعد حط زوز صوابع على شفتو بعدها هز يدو مررها على شعرو ورجع دور وجهو للجهة الثانية يشوف بعيد ساكت وهي مرعوبة من لي دارتو تبلع في ريقها
ملاك: انت قلتلي جربي معندك ما تخسري
سكت ثواني كي جاوبها مزال يشوف بعيد الجهة التانية
سراج: كنت نحكي على حسام و أمير كنت نظن انك تخممي فيهم قلتلك جربي احكي معاهم معندك ما تخسري
وجها طمطم تمنات تنشق الأرض تبلعها في هذيك الدقيقة دموع تحجرو في عينيها
ملاك: سامحني انا فهمتك غالط
وقفت بسرعة وجات ماشية راحت لغرفتها دخلت قفلت الباب و تبكي هو بقا قاعد فترة بنفس الوضعية بعدها غطا وجهو بيديه زوز -اااع ففففف
تنهد مسح على وجهو هبط يديه على فخادو كابس ويخمم جبد نفس ووقف مشا عندها دقدق الباب
سراج: ملااااك راكي مليحة؟
ملاك: امشي منحبش نشوفك تي روحي منحبش نشوفها درك
سراج: حلي الباب نحكيو
مسحت دموعها و مشات بشوية حلت الباب و بسرعة دورت وجها منو مش قادرة حتى تقالبو
سراج: ملاك شوفي معايا
غمضت عينيها وتلفتت ليه وبدات تحكي
ملاك: سامحني انا كنت نخمم في شي ومش عارفة كيفاه درت هكذا و استنيت انت تتجاوب انا اصلا مش من النوع هذا منعرفش وش صار يمكن عقلي تضرب تحكي و دموع نازلين مقدرتش تشوف معاه قرب حكمها من كتافها
سراج: ملااااك اسكتي يا طفلة خليني نحكي
ملاك: ودرك نحب نختفي تنشق الأرض تبلعني
سراج: مش رح تنشق
ملاك: خسارة
سراج: مش خسارة سايي درتي لي درتي تقبلي النتائج ههه
عينيها تسمرو في عينيه وهو يضحك تخمم شبيه يضحك اكيد على الموقف المحرج لي حطت روحها فيه
ملاك: نعرف نعرف كمية الاحراج متضحكش من فضلك
هزت يدها تغطي في وجها حكمها نزلها
سراج: لا مكانش احراج
سكتت و تستنا فيه وش رح يحكي حكم يدها المكسورة
سراج: شفتي يدك كي تكسرت
حركت راسها ايه
سراج: حطولك هذا بش يصلحو الكسر و يرتاح جرحك
حركت راسها ايه
سراج: وانا قلبي مكسور كيف هكذا
يحكي وهو قريب منها
سراج: حتى القلب كيف اي عضو كي يتكسر ولا يتجرح لازم يتعالج
حركت راسها ايه
سراج: قلبي يحتاج وقت و صبر و طبيب وبش نطلب منك هذا كل منقدرش لانو مش من حقي بصح اذا نتي كنتي تحبي تكوني طبيبو
نزلو دموعها ورا بعض هز يدو مسحهم بسرعة
سراج: ملاك من...
قصت عليه بعدت ورا
ملاك: نحب نرقد غلبت
هبط راسو بحزن
سراج: تصبحي على خير
خرج قفل الباب وراه رجع للصالة وقف يشوف مع الطاولة حس انو قال كلام ميلزمش يقولو هو يعرف شعورها ليه وانو يقلها قلبي مجروح من غيرك و يحبها هي داويه طلب كبير وغلطة في حقها تنهد معرفش واش يدير هي بقات واقفة تشوف مع الباب لي قفلو و ترجع في كلامو في مخها من بعد مشات حلت الباب وراحت لعندو
ملاك: سراج
تلفت لقاها تخزر فيه متغششة كأنو
سراج: نعم ؟
ملاك: كيفاه كانت البوسة ؟
بقا مصدوم اول شي من بعد تبسم
سراج: نكذب ولا نحكي صح ؟
ملاك: الصح
سراج: من دهشة وسرعتها محسيتش بيها
قربت منو اكتر حكمتو من كول الشوميز بيد ونزلتو لعندها
ملاك: قلي على هذي كيفاه؟
باستو بوسة أخرى براحتها طولت فيها حتى كي جات تبعد حكم وجها بين يديه لصقها اكتر بعدها سيبها
سراج؛ عسل
عينيها رجعو قلوب تسونامي ضرب قلبها 😂😂
ملاك: رح نكون احسن طبيبة ليك
تبسم ورجع باسها
((اللهم اني مرمضنة ،😂😂))كالعادة الوحيدين لي يكونو لاباس كي تتخلوض الدنيا كل هما حسام و ريان بصح مش لاباس لاباس يعني لانو بعد ليلة طويلة من تفكير ليل كل مرقدش ريان في حضنو و لينا قربو لازم يدير حاجة جبد يدو بشوية من تحت ريان بش ما يفيقهاش وناض طبس باس لينا قربها لعند ريان هز تريكو تاعو لبسو تيليفون و خرج من الغرفة
حسام: الو....وينكم ....استدعي الرجال وارجع لم المجموعة كل رح نرجع للميدان و عبد الله ولا عبد الكريم ولامنعرف اسمو واش تلقا شكون يمشيلو للسجن يقتلو منحب نقابلو منحب نحكي معاه اقتلوه
قص تيليفون و مشا نزل تحت لازمو يكمل لي بدا فيه و ميقدرش يعتمد على هذو الاغبياء بش يحميو بنتو و ريان يحب رجالو لي مايخافوش من استعمال سلاح تعهم على اي كان فقط هوما يقدر يوثق فيهم حتى لو ريان رح تتغشش لانو رح يرجع لجماعتو هذا لي عندو في الوقت الحالي
صباح ربي تيليفون تاعو ما وقفش هزو شاف نومروه رجع يسب ويلعن في روحو
آدم : واش
أمير: نجي ندفنك وين قاعد كون ترجع تقلي واش مرة أخرى فيق نحبك توصلني عند ملاك ملقيتهاش في سبيطار فيق عندك 3 دقايق
ادم: 3 دقايق واش ؟
أمير: تنزل عندي راني تحت
نفخ و قام من بلاصتو يدز في روحو غسل وجهو و طرافو -زح الواحد لازمو نص ساعة بش يمشط شعرو هو الواحد يجي ستيل هكذا من عند ربي لازم تعب وهو يقلي عندك 3 دقايق
مشا للكوزينة يشوف واش ياكل تيليفون مش يرد عليه حتى دقدق الباب مشا حل لقاه أمير واقف قدامو شوميز بيضة و سروال كلاسيك عوج فمو شاف معاه من فوق لتحت
أمير: ما لبستش ؟
آدم : مننمنن كنت منن ناكل زح
دزو للداخل ودخل قفل الباب
أمير: تمشي درك تلبس تحرك
آدم: شبيك بعقلك مش هاربة يخي بففف
مشا لغرفتو يلبس و أمير مشا يشوف وش كان يأكل صندويتش شكلو مقرف هزو شمو عقد حواجبو ورجع حطو
آدم: تحب تفطر ؟ عندي صندويتش اخر تع الأسبوع لي فات
طلع حاجبو وحط يديه في الجياب
أمير: ننصحك تتزوج قبل ما تموت مسموم
آدم : وش ندير لي نحط عيني عليها يديوها
كمل لبس وخرجو راحو عند ملاك دقدق أمير الباب حل سراج لي كان هذاك وين فاق من النوم مش لابس تريكو شاف آدم قدامو آدم تمنا يبلع لسانو يموت مخنوق في اللحضة هذي كي كل أمير من وراه و تلاقاو عينيه بسراج
آدم : سرااااج صاحبي حبيب قلبي سامحنا قلقناك انت و المدام صباح ربي
يحكي و يغمز فيه بعينو وسراج ما فاهم حتى شي يشوف مع أمير لي اول مرة يشوفو
آدم : ههههه أمير خوها تع المدام يحب يشوفها مدام تاعك عرسكم زوجتو عقد كنت شاهد ههههه تذكر يخي سراج ههههه أمير هذا سراج راجلها حلالها 100٪
ملاك: سراج شكون هنا
آدم حس روحو رح يذوب أمير ما دار حتى رد فعل يديه ورا ويشوف في سراج من فوق لتحت حتى سمع صوت ملاك و شافها من وراه جاية حاول يتمالك تعابير وجهو و يخليها صارمة وهي وقفت باهتة فيه كأنها عرفتو ومعرفتوش في نفس الوقت
آدم: ملاك هذا خوك أمير و يحب يحكي معاك وانا كنت نعرف فيه على راجلك سراج تتذكري هههههه فات عرس هايل
سراج شاف معاها
ملاك: ادخلوا
بعد من الباب ودخل آدم و وراه أمير مشاو جهة الصالة شاف فراش سراج طلع حاجبو وتلفت ليهم ملاك تنهدت
ملاك: نقدرو نحكيو وحدنا؟
طبس سراج هز تيركو تاعو لبسو
سراج: متأكدة ؟
يحكي ويخزر في أمير لي حتى هو كان يخزر فيه
ملاك: مش رح يأذيني
سراج: رح نكون تحت اذا احتجتيني
ضرب آدم على كتافو
سراج: هيا يا شاهد تاعنا هيا
خرجو من الدار و هوما بقاو في زوز مش عارفين وش يديرو لانو بعد 19 سنة من البعد حاجة مش ساهلة
ملاك: اقعد تفضل
شاف من و من بعد المخدة وقعد على الفوتاي وقعدت مقابلتو