مافياا ❤️‍🔥🌼

37

لحلقة 37
-علاه جينا هنا
سراج: هذي دار جدي كي كنت صغير كنت نجي هنا بزاف وبما انو جدي توفا و معندوش احفاد و ورثة من غيري خلاها ليا في الاول خممت نبيعها لانو منيش من محبي هاذ الستيل بصح اخر مرة انتي قلتي تتمناي تعيشي في بلاصة هكذا قررت نخليها يمكن في يوم من الايام نسكنو فيها انا وانتي
شفت معاه عينيا دارو في وجهو كلو عقلي يفكر يعني صح كاين حاجة هكذا نقدر نطمع يتحققلي حلم كيف هذا من قبل كان صعيب وبعد ما تخربطت حياتي رجع حتى اصعب من قبل
سراج: وين راح تفكيرك
-انت وقتاه حبيتني ؟
ملامح وجهو تحيرت حط يديه على كتافي و تبسم بكل هدوء
سراج: يوم شفتك تبيعي في المناديل قلت في تفكيري هذي الطفلة عندها اجمل عينين شفتهم في حياتي و عينيك لي خلاوني نوقف و نصدق عليك كون مش انتي سرقتي مني ساعة
-وعلاه جبتني للعالم هذا تاع المجرمين
سراج: ساعة هذي كيما قالولك اذا راحت غير تروحي معاها واي واحد يسمع علينا يعرفنا يشكل تهديد وانا مقدرتش نقتلك ببساطة كان عندي اختيار نديك معايا
سكتت و نزلت راسي وهوعاود هزو بش يقابل وجهي و جهو
سراج: متخافيش رح ينتهي كلش ورح نكونو احرار انا وانتي هيا درك تشوفي الدار
تبسمت حكمت يدو ورحنا نشوفو فيها غرفة غرفة حتى وصلنا لغرفة نوم كبيرة اثاث قديم فخم مشا هو حل البالكون الكبير دخل الضو ليها
سراج: واش رايك فيها
-رايي انو جدك كان ذوقو ممتاز ههه
مشيت نتفرج فيها بعدها تفكرت لي قالي هذاك على انو حياة سراج في خطر رجعت شفت فيه وهو هاز صورة قديمة في يدو مش حابة نخسرو
سراج: هذا جدي
-ههه جدك كان واحد بقلاوة هههه
سراج: نغير هكذا متحكيش قدامي على رجال خلاف حتى ولو ماتو ههههه
-سراج
سراج: اممم
-و كيفاه رح دير مع حكاية حسام
سراج: ريان قلتلك متفكريش خلاص في هذي الحكاية انتي راكي خارج الموضوع
-بصح انا عندي فرصة اني ن....
قص عليا وهو يصيح
سراج: ريان اسمعيني ل آخر مرة رح نقولها منحبش تكون عندك علاقة مع حسام ومنحبش تدخلي في اي حكاية
حكمني من كتافي يخض ويحكي خلاني نتوجع لانو كبس على الجرح في كتافي
سراج: وش كاين
-شي
سراج: وجعتك ؟ خليني نشوف وش هذا
نزل يد الروب على كتافي شاف الثقب لي خلاه سهم تع حسام
سراج: وش هذا ؟
-حتى شي سراج
سراج: كيفاه حتى شي
عوجت شفافي وتنهدت
-حسام يوم استجوبني على الظرف .....
قبل ما نكمل جملتي مشا هو زوز خطوات بعيد مرر يدو على شعرو عروق يدو كلها برزت بعدها تلفت شاف معايا عض شفتو وجا لعندي خطفني لحضنو اول نفس تعبا من ريحتو يد ورا رقبتي ويد ورا على وسطي لزني ليه عصرني بين يديه نفس تاعو متسارع من غش تاعو نبض قلبو على صدري نحس فيه ذبت بين يديه رغم انو الحضن كان قوي بصح كان احن حضن حسيتو نزل شفافو قريب من وذني ويحكي خلا بدني كل قشعر رجفت بين يديه
سراج: نوعدك في اقرب وقت كلشي رح يتحل رح نخليك تنساي كل مر شفتيه وعذاب عشتيه
كلماتو خلاوني نستسلم قلبي سلم ليه بعد شوية وجهو من رقبتي نحا خصلات شعري لي نازلة على كتافي ورجع قرب حط شفافو على رقبتي كورو ضربتني منها زاد طلع يمرر فيهم على رقبتي حتى لوذني
سراج: انتي دنيتي لي راح نكافح بش نعيشها
هنا هزيت يديا ورا رقبتو حضنتو بكل قوتي منحبش يبعد عليا كبشت بصوابعي في شعرو وزدت حشيت وجهو في رقبتي نحب ندخل عندو نتخبا نتقوى بيه و نحتمي بحضنو يديه طالعين نازلين على ظهري خلا كل انش مني يتجاوب مع لمساتو من غير منحس نزلت شفافي و طبعت بوسة على رقبتو وكانها كانت زر تشغيل ضو اخضر ليه حكم وجهي بين يديه وغطس في شفافي بوستو خلات رجليا معادوش يقدرو يهزوني وهو كأنو حس بيد وحدة ورا خصري مشا بيا للسرير ونزلني عليه ونزل فوقي قلبي تنفض كي بدنو نزل على بدني نزل كتاف الروب ويبوس فيا يديه مخلاو حتى بلاصة طلع الروب شوية على فخدي بلعت ريقي كي خزر فيا مع ملامح وجهي كأنو يسأل اذا مسموح ليه يتمادى أكثر وانا رغبتي كانت اكتر من رغبتو يمكن عضيت شفتي وهو كمل لي كان يدير فيه طلع الروب كلها حتى خرجت من راسي حط يدو على شعري وقرب
سراج: حاب نملكك
صوتو خفيف مع البحة لي فيه ودرو عقلي قربت شفافي من شفافو
-راني ملكك
تبسم وباسني
سراج: رح نوجعك
جبدت نفس طويل ويديا كانو يحلو في زرار الشوميز وقلتلو بصوت حنين وعينيا مركزين في شفافو
-مرة وحدة بعدها مش رح تزيد توجع
نزلت الشوميز على كتافو العراض صدرو المسكل كلشي فيه سلمت روحي ليه وانا متأكدة من لي نعمل فيه سراج هو لي نحب نكمل حياتي معاه كيما هو واثق من لي يحبو حتى انا عندي ثقة فيه