93

103 3 0

by marwakirat

by marwakirat

👠 الحلقة 93 👠
حسام: امممم مش مذكر مليح يمكن ...هذا العام لي فات ؟
سراج: ايه
حسام: ممم ايه وي انا تاني ههه
رماه مع اصحابو و سراج رجع يغلي زاد هز الرابع
حسام: هذا مش انا هذا جماعة من تونس
سراج: وش تعرف عليهم
حسام: شي غير كانو يحكيو بالتونسي ههههه
سراج: ههه ضريف !!...وش تعرف؟
حسام: منعرفهمش بصح نعرف واحد يمكن يوصلك ليهم ولا يعطيك معلومات
سراج: اسمو ؟؟
شاف معاه حسام وتبسم على جنب
حسام: نسيت اسمو ههههههه
نطر سراج الدوسي من يدو وحطو جيهتو
سراج: كمل شوف البقية
نفخ حسام ورجع كمل
حسام: هذا انا ...و هذا مش قصدي نقتلو طاح وحدو من السطح.....انا...انا....امممم انا تاني ...هذا ميرال ....ايه برك ؟
سراج: يعني انت لي خليت الدنيا
حسام: نوووو انتم شفتو غير واش درت انا لانو اللعب الصحيح كل بعيد عليكم
سراج: وش العمليات لي تعرف عليها
حط يدو على المكتب يضرب بصوابعو ويشوف معاه
حسام: ايه تتصور هكذا برك نحكي لازم تكتب تعهد و توقعوا و يوقعوه سلطات اكبر منك بش نبدا نحكي في الصحيح
سراج: قاعد تفاوض فيا
حسام: هذا لي عندي تحب تعرف اكتر جيب تعهد
وقف ضرب المكتب ومشا
سراج: تقدر تروح ...واحد منكم يرافقو
حسام: اييي وقف وين يرافقني
سراج: غرفتك
حسام؛ وقلهم على فطور باهي
حط واحد يدو عليه حكمها حسام عوجها وقربو خنقو
سراج: حساااام ؟
حسام: اطلب من رجالك واحد ما يحط يدو عليا نعرف نمشي وحدي
سراج: سيبو
خلاه حسام و مشا قبلو وهو وراه وصلو للغرفة عند ريان
-تفضل و ممنوع تخرج و اذا قررت تهرب المكان كل راهو بالحراسة
حسام: اقلب منظرك عليا احسنلك
كنت في الغرفة كي سمعت الباب وصوت حسام اوب حطيت الغطا عليا عملت روحي راقدة نسمع في الباب تقفل وصوت رجليه يقربو قلبي رجع يضرب اكتر من العادة خربتها البارح طريق كل يتوعد فيا و زاد الصباح اوووه ربي يستر بلعت ريقي كي حسيت السرير نزل من وزنو عليه
حسام: ريان ..؟
ما جاوبتوش سحب الغطا من فوقي وقرب اكتر حط شفافو على كتافي
حسام: راقدة ؟ ولا تتظاهري
طلعت صوت صغير كانو راقدة وهو نوضني
حسام: متخافيش مش هنا نتحاسبو لي موجدهولك ميصلحش في غرفة صغيرة و مكانش الوسائل اللازمة
حليت عينيا على اخرهم وش يحكي هذا تلفت ليه تبسم بخبث
حسام: متقوليش بلي تتوقعي يفوت هكذاك لي درتيه
-حسام لي درتو في مصلحتنا انا وانت و بنتنا
حسام: نعرف يا روحي نعرف بصح لازم نتأكد انو متزيديش تسرقي حاجة مني وتحطيني في الأمر الواقع
هز يدي باسها ووقف مشا جهة الشباك يشوف وانا قعدت على حافة السرير
حسام: بش ينقلونا من هنا و الايام الجاية يمكن نسافر
وساعو عينيا ووقفت
-وين تسافر
حسام: كاين واحد معريفتي بش نطلب منو مساعدة اما هذا كل بعد ما يجيبو تعهد انو رح يعاونوني بش يخففو الحكم عليا
حكمت يدو والخوف في عينيا
-سراج وعد و هو ديما يوفي بوعدو
شاف معايا على جنب
حسام: ريان منحبش تحكي على سراج نعرف هو اول حب في حياتك بصح انتي اخترتيني
-لااااا مش هذا قصدي
حطيت يدي على خدو دورت وجهو ليا
-حسام مننكرش اني حبيت حسام اللي صار انو انا وانت علاقتنا كلها كانت فوضى بصح بقيت تدخل في بالي و تفكيري و قلبي و كلشي كأنك رجعت تمشي في دمي كل ما حاولت ننكر اني نحس بشي اتجاهك نلقا روحي عندك حتى انو الكل شافو هذا غير انا اخر وحدة اقتنعت و اليوم مقتنعة كليا من لي خيرتو و يمكن مكانتش فرصة بش نقلك من قبل واعتبرت كلشي غلطة اما انا نحبك حسام
قبل ما نحكي اكتر يديه كانو على وجهي و شفافو على شفافي باسني حط جبهتو على جبهتي ويحكي نفس تاعو في وجهي مزلت دايخة من البوسة تاعو
حسام: وانا نعشقك و نوعدك كلشي رح يتحل
جبدني لحضنو وكبس نفس حسيتو رح يتقطع عليا
-حسام رح تخنقني
حسام: اسسس
-ااااع بنتك تخنقت
بعدني شوية عليه ورجع باسني