48

108 4 0

by marwakirat

by marwakirat

الحلقة 48
وقفت نلهث معدتش نقدر نجري اكتر من هكذا رقدت على الارض روحي رح تطلع نتنفس بقوة العرق يصب عليا عندي اسبوع وانا كل يوم هكذا
سراج: نوضي تحركي مزال
-اففف سرراااج فففف خليني انت تعلم فيا نكون من المافيا ولا حاب ترجعني عداءة أولمبية شبيك خليني نرجع نفس
طبس عندي
سراج: كي يجي يجريو وراك يحبو يقتلوك ولا يطلقو كلابهم عليك هذاك الوقت رح تتمناي كون جيتي عداءة أولمبية ودرك نوضي
-نشرب ما
وقف كمل يجري ويحكي
سراج: تحبي تشربي الما الحقيني
نضت وراه نجري جنبي نحس كأنو موس مغروس فيه يقلي اتنفسي مليح ياخي كيفاه نتنفس وانا نجري افففف وصلت لعندو طحت رقدت
-رح نموت يا ربي افففف
سراج: معليش احسن من قبل مزال ناقصة بصح
قعدت و نشوف معاه هزيت القرعة نشرب الما قاعد مقابلني ونظرة جدية في وجهو
سراج: ريان بخصوص لي حكيتيلي على انك توصليلهم اخباري
-ايه
سراج: خممت في حل
-وش هو ؟
سراج: رح ننفصلو انا وانتي
شرقت الما وقف في بلعومي
سراج: مش صح نتظاهرو
-كيفاه نتظاهرو
سراج: رح تمثلو قدام رجال انو انتي حكمتيني نخون فيك تضربيني كف و تقوليلي منحبش نزيد نشوفك و لي منهم اكيد يوصل الخبر هكذا اذا صار و طلبو اخبار تقولي مش عارفة
-ونحكي معاك؟
سراج: لا رح نقصو شوية لقائاتنا مش رح نكمل ندربك انتي تعرفي واش لازم ديري و نعين واحد يعاونك
عوجت شفافي وهو جا لعندي و نزل قعد على الارض مقابلني وحكم وجهي بين يديه
سراج: مؤقتا برك
حركت راسي ايه و حضنتو قعد يمسح على ظهري
سراج: هيا مزالت دورة اخرى
-لااااا بعد
سراج: نوضي هيا هيا
وقف ورجع يجري وانا وراه اكيد حاب تطلع روحي قبل ميطلعها واحد تاني
بعد يومين
افففف متوترة يخي تقول صح واقفة نعاود في جملتي لي رح نقولها ونضحك على روحي كيفاه يااااااا لازم نبان جدية صح بقيت نعاود قدام المرايا ....يا طحان يا رخيس منحبش نزيد نشوف وجهك خلص كلش بيناتنا ....هههههه اه يا سراج رح تدي كف من عندي عينيك ينقلبو لداخل ترجع تشوف مخك هههههه عطاني الاشارة بش نخرج جبدت نفس طويل حليت الباب خرجت من الفيستيار مشيت في الرواق هذاك الطويل وجهي مغشش نمشي ونخض كلهم يشوفو معايا يتساءلو وش كاين خرجت وين سراج و شوية تاع رجال هنا و هنا واقفين كلهم شافوني رايحة لعندو حكمتو من كتافو و دورتو لعندي
سراج: حبيبتي وش كاين
هزيت يدي طااااااف ضربتو كف يعني قريب ضحكت من ردة فعلو متوقعهاش تكون قوية للدرجة هذي
-يا طحان يا خاين منحبش نزيد نشوف وجهك كلش خلص بيناتنا....
عض شفتو وانا مشيت راجعة نزرب في خطواتي قبل منضحك ونفس كل لي خططنالو حتى ضربت في واحد هزيت راسي لقيتو حسام واقف و يتبسم في هذيك التبسيمة الغبية تاعو
حسام: اوووه كف يتسمع من راس جبل
قلبت عينيا منو ومشيت دخلت رجعت للمكتب بعد دقائق وصلني مساج سراج .....هههه كي نحكمك رح تخلصي حق الكف هذا تاني و متلت