مافياا ❤️‍🔥🌼

p 54

👠 الحلقة 54 👠
بعد عدة أيام
وصلت خبر للجماعة و منسيتش ميرال الايام هنا تمر ثقيلة كأنها اعوام مع سراج بعيد نحكيو غير في التيليفون و الربيع بدا النهار يطوال اففففف و حسام يعاملني بأزدراء وقريب ميحكيش معايا يستعمل في الغازو وكلامو المشفر هذاك و لي فحل يفهم واش راهو يقصد اه حاسة بجوع كبير و وقت الغدا موصلش تقول الساعة تمشي العكس حطيت يدي على خدي مممم مشيتهية الكفتة لي كانت تتباع في المحل لي في حارتنا اييييه سمعت باب المكتب تاعو تحل شفتو خارج
حسام: منيش راجع اليوم
احسن في قلبي قلتلو وهو راح الايام هذي كل وهو هكذا واش يخطط الله اعلم بما انو راح كلمت واحد من الرجال
-الو ...اسمعني مليح كاين محل في حارة *** ....ايه ...روح لعندو جيبلي كفتة وجيب للجماعة تاني
قفلت نشوف فيه راجل جا لعندي طبس على المكتب هز تليفون من قدامي
حسام: عندك رقم الصيانة ؟
-ايه
قربت نكتبو يدي لمست يدو بعدتها وشفت معاه بلعت ريقي ورجعت كتبت الرقم هز يحكي معاهم
حسام: كاين عطل في الكاميرات الخارجية نحب فريق كل يهتم بالموضوع و زيدو الأمن
رجع قفل الخط و وجهو فيه نظرة جدية علخر
-وش كاين ؟
حسام: عندنا دخلاء امشي لغرفتك متحليش الباب و سلاحك خليه معاك
قلبي رجع يضرب وقفت نرجف هو يديه في الجياب
حسام: امشي نوصلك ليها
نضت نجري مشا وانا وراه الرواق هذاك ظهر طويل وانا نشوف من و من وهو ماشي سلاحو في يدو قربنا لجهة الغرف دورنا ومشينا ريحتو ضربت في خشمي ااااوه حطيت يدي على خشمي
-اااااييييع وش هذا
تلفت مخطوف
حسام: وين وش كاين
-ريحتك وش ريحة هذي لي مداير دوخ اففف نحس في روحي رح نرد
بقا واقف باهت فيا بعدها هز كول الفاست شمو
حسام: هذي نفس الريحة لي كل مرة نحطها
-مش عارفة يمكن قعدت في بلاصة ولا ريحة فسدت
عوج فمو
حسام: ريحة تفسد؟
-اوه متقربش من فضلك
مشيت قبلو حاطة يدي على خشمي قلبي طلع منها
حسام: شايف بلي ديتي وجه بزيادة رجعتي تقوليلي ريحتي مش مليحة
-صارحتك احسن ما الناس يقولولك هكذا
مسح خشمو
حسام: انا ما شميت والو
وصلت لغرفتي
حسام: متحليش كون ميكونش واحد تعرفيه
-اوكي مرسي
شاف معايا من فوق لتحت ومشا وانا دخلت للغرفة ااااوه والكفتة كيفاه حكايتها
دخلت للغرفة لقيت سراج يكلم فيا
سراج: وينك ؟
-في الغرفة
سراج: ردي بالك تخرجي اوكي
-اوكي بصح سراج ؟
سراج: واش ؟
-بعت واحد يجيبلي كفتة كيفاه ندير
سراج: ريان تحكي صح درك
-ايه
سراج: متهبلينيش مش وقت دلالك اقعدي كي يخلص كلش يجيبولك الكفتة
-واش كاين
سراج​: مش عارفين كاين لي عطل الكاميرات تاع المراقبة
-سراج
سراج: اممم
-دير بالك على روحك
سراج: وانتي تاني
قعدت في الغرفة نتقلب هنا و هنا رح نفد ونعرف واش صاير سراج نكلمو ميردش عليا اخر مرة كون ميردش نخرج صونا مرتين
سراج: حلي الباب
وساعو عينيا ونضت نجري حليت الباب لقيتو هو نقزت عليه حضنتو
-خوفتني كي مرديتش عليا
سراج: اسس شبيك يشوفنا كاش واحد راكي مليحة ؟
مليحة ايه
سراج: جبتلك الكفتة تاعك
-اوووه قلبي فسخ عليها اعطيني هنا
حليتها عوجت شفافي
-هذا برك ؟
سراج: كيفاه؟
-قليل
سراج: انتي هبلتي
جاي واحد من بعيد
سراج: سايي الفندق كلو امناه تقدري تخرجي من غرفتك مدام
-مرسي مسيو سراج
كمل طريقو
-اففف غلبت من تمثيل هذا
سراج: حتى انا بصح وش نديرو
تنهدت
-المهم تكون مليح
سراج: ادخلي للغرفة واحسن شي حتى غدوة بش تخرجي
-حاضر هههههه