81

107 2 0

by marwakirat

by marwakirat

👠 الحلقة 81 👠
حليت عينيا رقبتي راسي يوجعو هزيت راسي نشوف من و من ااااع زادو خطفوني المرة التانية حاسة روحي كيف الطفلة تاع الفيلم لي تفوتو مخطوفة اكتر من لي تفوتو نورمال حطيت يدي على جبهتي جرح و الدم يبس بعدها وقفت مشيت نشوف الباب اكيد يكون مقفول الواحد لازم يجرب ااففف رجعت نضرب فيه برجلي
-اااااي شكون هنا شكون انتوما كلاب
رجعت قعدت على الارض حطيت راسي على الحيط أي واش الغباء هذا هاربة في الليل بلا طوموبيل علاه مهربتش في النهار حسام درك يقتلني تحل الباب وقفت رجعت شعري ورا نشوف شكون دخل طلعت حواجبي حطيت يدي على فمي
-ميرااال
ميرال: ههه وي توحشتيني ؟
في اللحضة هذي تمنيت اني مخممتش خلاص نخرج من هذيك الدار بلعت ريقي
ميرال: ايه طمنيني واش احوال الحمل تاعك
حطيت يدي على كرشي
-مليحة
ميرال: افففف
قربت مني رجعت ورا حتى لصقت الحيط
ميرال: متخافيش
حطت يدها على كرشي وتبسمت
ميرال: خسارة مش رح يشوف الحياة بصح في كل حرب كاين ضحايا
ضربت يدها و دزيتها بعيد عليا
-متقربيش عليا احسنلك
ميرال: لا مزال مش رح نقرب عليك عالاقل حتى نلقا سراج وين راح
-علاه ؟
ميرال: مش حابة تشوفيه؟ اوووه هههه اصلا رح تموتي قبل ما تشوفيه
-وعلاه وانا واش دخلي ميرال راكي مرا كيفي وحنا النسا نوقفو مع بعض تتذكري يوم جبتلك الاوراق بش تتخلصي من حسام
ميرال: ايه و من بعد خرج حسام هو نفسو صاحب الصفقة مكان سلاح مكاين والو
-مكنتش نعرف والله
ميرال: معليش مزلت نحب نقتل حسام بصح المرة هذي رح نستعملك انتي بما انو كنتي رهينة عندو بش يجيب سراج رح نقتلك و هكذا سراج يجن جنونو لانو قتل مرتو و ولدو لي مزال مجاش للحياة هههههههه و يروح يقتلو وانا منكونش وسخت يديا بيه ههههه مرحبا بيك عندنا
بقيت ساكتة وهي تضحك بهستيريا نفس الطريقة لي ماتت بيها مرت حسام
- هكذا ماتت ياسمين!!!
شافت معايا عينيها ضاقو و لزت على سنيها
ميرال: منين تعرفي حكاية ياسمين
-حكالي حسام
ميرال: حسام ...مزال يحكي عليها
رجعو ملامحها كلهم حقد
ميرال: ياسمين ياسمين ياسمين حتى بعد 5سنين من موتها مزال اسمها في فمو
انا الخوف سكن في عظامي من ملامح وجها رجعت تقول عليها مسكونة من جن
ميرال: مش عارفة واش شافو فيها من صغرها الكل ياسمين ياسمين بابا من صغرنا يحبها اكتر من
حطيت يدي على فمي مش مصدقة لي نسمع فيه ميرال اخت ياسمين
ميرال: وحتى حسام كنت اول وحدة حطت عينها عليه بصح كي تجي ياسمين سايي داتو مني و تزوجت بيه رغم انو بابا مكانش موافق رغم عنا كل تزوجت بيه كنت نشوف سعادة تعهم وفرحتهم وحتى كي جابت طفلة زاد حبها اكتر الغل كبر في قلبي مقدرتش نتحمل مش ذنبي انو هي بنت حرام تعرف اني كنت عيني فيه و راحت تزوجت منو
-انتي قتليتيها ؟؟
سألتها بصوت يرجف لانو واقع انها تكون قتلت اختها لانها تغير منها منقدرش نتخيلو منقدرش نتخيل انو الغيرة توصل انسان يدير هكذا
ميرال : قلتلها هزي بنتك و روحي مسمعتش مني خليتهم يقتلوها و قنعت حسام انو واحد من اعداء العايلة واصل وكبير وبش يقدر يكون كبير و واصل يخطبني و ندعمو انا و بابا كبر و دار تنظيمو وحدو و بقيت انا مربوطة بيه لا تزوجني لا حبني لا حس بشي كل لي كبر في قلبو هو الحقد و الانتقام من عدو وهمي انا اخترعوا و كيما عملت ما تلفتش ليا و صار وقت نقتلو و نتخلص منو هكذا كل ما حن قلبي ليه نمشي لقبرو نشوفو و وحدة متعرف وين ندفنو
انا دوخة حكمتني بعد هذا كل لي سمعتو رح نطيح يعني اذا قلتلها ولد سراج رح تقتلني واذا قلت ولد حسام تحرقني حية حكمت في كرشي ونزلت مع الحيط قعدت عينيا يحدقو في الفراغ مش عارفة وش ندير قلبي تقطع على حسام لي الوقت هذا كل قاتل بنتو و مرتو قدامو وهو يجري ورا وهم
ميرال: عموما خليك مني قوليلي سراج وينو
حركت راسي
-مش عارفة
ميرال: كي العادة متنفعي لشي رح نلقاه انتي ضيفة عندي حتى يبان هو
رجعت خرجت و قفلت وراها الباب وانا قعدت هكاك مخي تقفل من الحكاية